നോവ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആൻഡ്രോമേഡ താരാപഥത്തിലെ ഒരു നോവ

ആകാശത്ത് പൊടുന്നനെ വെട്ടിത്തിളങ്ങുന്നതും ക്രമേണ മങ്ങുന്നതും (മാസങ്ങൾകൊണ്ട്) പ്രകാശം കുറഞ്ഞു കുറഞ്ഞ് പഴയ അവസ്ഥയിലെത്തുന്നതുമായ നക്ഷത്രമാണ് നോവ (Nova). സൂപ്പർനോവയെക്കാൾ വളരെക്കുറഞ്ഞ അളവിലുള്ള ഊർജമേ ഇത് ബഹിർഗമിപ്പിക്കുന്നുള്ളൂ. അതിനാൽ ഇതിനെ തിരിച്ചറിയാൻ പ്രയാസമില്ല. ഏറ്റവും തിളക്കമാർന്ന നോവാസൈഗ്നി(Nova Cygni-1975)ക്കുപോലും ഒരു സൂപ്പർനോവയുടെ ആയിരത്തിലൊന്ന് തിളക്കമേയുണ്ടായിരുന്നുള്ളൂ. നോവകളെ നക്ഷത്രനോവകളെന്നും കുള്ളൻ നോവകളെന്നും വേർതിരിച്ചിട്ടുണ്ട്. നക്ഷത്രനോവകൾ 10,000 മുതൽ 1,00,000 വരെ വർഷങ്ങളിൽ ഒരിക്കൽ മാത്രമേ ഉയർന്ന ശോഭ ആർജിക്കുന്നുള്ളൂ. ആ സമയത്ത് ഇവയുടെ കാന്തിമാനം പത്തിലൊന്ന് ആകുന്നതായി അതായത് ജ്യോതി 4000-ഓളം ഇരട്ടിയാകുന്നതായി കണ്ടിട്ടുണ്ട്. കുള്ളൻ നോവകളുടെ കാന്തിമാനം പകുതിയോ മൂന്നിലൊന്നോ ആയി മാത്രമേ കുറയാറുള്ളൂവെങ്കിലും അവ ഏതാനും മാസങ്ങളോളം പൊട്ടിത്തെറിച്ചുകൊണ്ടിരിക്കും. സൂപ്പർനോവകൾ പൊട്ടിത്തെറിക്കുമ്പോൾ സംഭവിക്കുന്നതുപോലുള്ള മാറ്റങ്ങൾ നോവകളുടെ പൊട്ടിത്തെറിയിലൂടെ നക്ഷത്രങ്ങളിലുണ്ടാകുന്നില്ല. ഒരു നോവാസ്ഫോടനത്തിൽ സൂപ്പർനോവാസ്ഫോടനത്തിന്റെ ദശലക്ഷത്തിലൊരംശം (10-6)ഊർജ്ജമാണ് ബഹിർഗമിക്കുന്നത്. അതുപോലെ നോവാസ്ഫോടനം നക്ഷത്രത്തിന്റെ പുറംപാളികളെ മാത്രമാണ് ബാധിക്കുന്നത്.

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=നോവ&oldid=3654970" എന്ന താളിൽനിന്ന് ശേഖരിച്ചത്