നാൽപ്പത് (ചീട്ടുകളി)

നാൽപ്പത്

ഗുലാൻ പരിശിലെ ഒരു രീതി
ഉദ്ഭവം	ഇന്ത്യ
തരം	പിടുത്തം അടിസ്ഥാനമാക്കി
കളിക്കാർ	6
ആവശ്യമുള്ള കഴിവുകൾ	ഓർമ്മശക്തി, കൗശലം
ചീട്ടുകളുടെ എണ്ണം	36
ചീട്ടിന്റെ തരം	ആംഗ്ലോ-അമേരിക്കൻ
കളിദിശ	അപ്രദക്ഷിണദിശ
ചീട്ടുവില (വലുതു മുതൽ ചെറുതു വരെ)	J 9 A 10 K Q 8 7
കളിസമയം	5 മിനിട്ട്
ആകസ്മികത	മദ്ധ്യമം
ബന്ധപ്പെട്ട കളികൾ
ഇരുപത്തിയെട്ട്, അമ്പത്തിയാറ്, ബെലോട്ട്, ജാസ്സ്

ഗുലാൻ പരിശ് അഥവാ തുറുപ്പുകളി വിഭാഗത്തിൽപ്പെട്ട ഒരു ചീട്ടുകളിയാണ് നാൽപ്പത്. ആറുപേർ രണ്ടു സംഘങ്ങളായാണ് സാധാരണ നാൽപ്പത് കളിക്കുന്നത്. ഇരുപത്തിയെട്ടിന്റെ ഒരു വികസിതരൂപമായി ഇതിനെ കണക്കാക്കാം. ഇരുപത്തിയെട്ടിനുപയോഗിക്കുന്ന 32 ചീട്ടുകൾക്കു പുറമേ നാലു ചിഹ്നങ്ങളുടേയും ഓരോ ഗുലാൻ കൂടി കൂട്ടിച്ചേർത്ത് ആകെ 36 ചീട്ടുകളുപയോഗിച്ചാണ് നാൽപ്പത് കളിക്കുന്നത്. ചീട്ടുകളുടെ ആകെ വില 40 ആയിരിക്കും.

ചീട്ടുകളും വിലകളും

ചീട്ട്		വില	മറ്റു വിവരങ്ങൾ
	ഗുലാൻ അഥവാ ജാക്കി (J)	3	ഓരോ ചിഹ്നത്തിന്റേയും രണ്ടു ഗുലാനുകൾ വീതം ഈ കളിയിൽ ഉപയോഗിക്കുന്നു. ഒരേ ചിഹ്നത്തിന്റെ തന്നെ രണ്ടു ഗുലാനുകളും ഒരു കളിയിലിറങ്ങുകയാണെങ്കിൽ ക്രമത്തിൽ ആദ്യത്തെ ഗുലാൻ ഇട്ടയാൾക്ക് പിടി ലഭിക്കുന്നു.
	9	2
	ഏയ്സ് (A)	1	പത്തിനും ഏയ്സിനും ഒരേ വിലയാണെങ്കിലും രണ്ടും ഒരുമിച്ച് വരുമ്പോൾ മുൻതൂക്കം ഏയ്സിനായിരിക്കും
	10
	രാജ (K)	0	ഈ ചീട്ടുകൾക്കൊന്നും വിലയില്ലെങ്കിലും ഇവ ഒരുമിച്ച് വന്നാൽ ഇടത്തേയറ്റത്തെ നിരയിൽ മുകളിൽ നിന്ന് താഴേക്കുള്ള ക്രമത്തിലായിരികും മുൻതൂക്കം
	റാണി (Q)
	8
	7

കളിരീതി

പങ്കാളികൾ ഒന്നിടവിട്ട് വട്ടത്തിലിരുന്നാണ് കളിയാരംഭിക്കുന്നത്. മൂമ്മൂന്നു ചീട്ടുകൾ വീതമായി എല്ലാ ചീട്ടുകളും ഇട്ടുകഴിഞ്ഞതിനു ശേഷമാണ് ലേലമാരംഭിക്കുന്നത്. ആറു ചീട്ടുകളാണ് ഒരാൾക്ക് ലഭിക്കുക. കൈവിളിക്കാരന്റെ കുറഞ്ഞ വിളി 20 ആണ്. 30 ആണ് ഈ കളിയിലെ ഓണേഴ്സ്. ആദ്യവട്ടവിളിക്കുശേഷം മുപ്പതുമുതൽ രണ്ടാമതും ലേലം വിളിക്കാം.

ഗുലാൻ പരിശിലെ മറ്റു കളികളിലെന്ന പോലെ ലേലം വിളിച്ച് നിശ്ചയിക്കുന്നയത്രയും പോയിന്റുകൾ കളിച്ച് നേടുക എന്നതാണ് വിജയലക്ഷ്യം. വിളിച്ചയാൾ രഹസ്യമായാണ് തുറുപ്പ് കമിഴ്ത്തുന്നത്.

കുറിപ്പുകൾ

• ൧ ^{^} ഒരു പെട്ടി ചീട്ടുമാത്രം ലഭ്യമായുള്ളപ്പോൾ നാലു ചിഹ്നങ്ങളുടേയും 3 ആണ് ഗുലാനായി ഉപയോഗിക്കുന്നത്. തുറുപ്പുകളികളിൽ, ഒരു പെട്ടി ഉപയോഗിച്ച് കളിക്കുമ്പോൾ പകരം ഉപയോഗിക്കുന്ന ചീട്ടുകളെക്കുറിച്ച് ഇവിടെ കാണുക.
• ൨ ^{^} പങ്കാളികളേയും ആദ്യം കൈവിളി വിളിക്കേണ്ടയാളേയും നിശ്ചയിക്കാനുള്ള ഏയ്സ് അടിക്കുന്ന രീതി ഇവിടെയുമുണ്ട്