നവരത്നങ്ങൾ

ഇംഗ്ലീഷ് വിലാസം

https://ml.wikipedia.org/wiki/Navaratna

നവരത്നങ്ങൾ

നവരത്നമോതിരം

സുപ്രസിദ്ധമായ ഒൻപത് രത്നങ്ങളാണ് നവരത്നങ്ങൾ. ഒമ്പത്‌ ഗ്രഹങ്ങളെ പ്രതിനിധീകരിക്കുന്നവയാണ്‌ നവരത്നങ്ങൾ. ഇവ പതിപ്പിച്ച ആഭരണങ്ങൾക്ക് ഹിന്ദു, ജൈന, ബുദ്ധ മതങ്ങളിൽ വിശ്വാസപരമായ പ്രാധാന്യമുണ്ട്. ഇന്ത്യ കൂടാതെ തായ്‌ലൻഡ്, ശ്രീലങ്ക, നേപ്പാൾ, മലേഷ്യ, സിങ്കപ്പൂർ തുടങ്ങിയ മറ്റ് ഏഷ്യൻ രാജ്യങ്ങളിലും നവരത്ന ആഭരണങ്ങൾ പ്രചാരത്തിലുണ്ട്. തായ്‌ലൻഡിലെ 'ഓർഡർ ഓഫ് നയൻ ജെംസ്' എന്നറിയപ്പെടുന്ന രാജകീയ ബഹുമതിയും നവരത്നങ്ങളെ ആധാരമാക്കിയുള്ളതാണ്.

നവരത്നങ്ങളും ഗ്രഹങ്ങളും

നവരത്നങ്ങളും ജ്യോതിഷപ്രകാരം അവ പ്രതിനിധാനം ചെയ്യുന്ന ഗ്രഹങ്ങളും താഴെ പറയുന്നവയാണ്.

രത്നം	ആംഗലേയ നാമം	ഗ്രഹം
വജ്രം	Diamond	ശുക്രൻ
മരതകം	Emerald	ബുധൻ
പുഷ്യരാഗം	Yellow sapphire	വ്യാഴം
വൈഡൂര്യം	Chrysoberyl (Cat's Eye)	കേതു
ഇന്ദ്രനീലം	Blue sapphire	ശനി
ഗോമേദകം	Hessonite	രാഹു
പവിഴം	Coral	ചൊവ്വ
മുത്ത്	Pearl	ചന്ദ്രൻ
മാണിക്യം	Ruby	സൂര്യൻ

ജന്മനക്ഷത്ര രത്നങ്ങൾ

ഭാരതീയ ജ്യോതിഷപ്രകാരമുള്ള ജന്മനക്ഷത്ര രത്നങ്ങൾ താഴെ പറയുന്നവയാണ്.

നക്ഷത്രങ്ങൾ	രത്നം
അശ്വതി, മകം, മൂലം	വൈഡൂര്യം
ഭരണി , പൂരം, പൂരാടം	വജ്രം
കാർത്തിക, ഉത്രം, ഉത്രാടം	മാണിക്യം
രോഹിണി, അത്തം, തിരുവോണം	മുത്ത്
മകയിരം, ചിത്തിര, അവിട്ടം	പവിഴം
തിരുവാതിര, ചോതി, ചതയം	ഗോമേദകം
പുണർതം, വിശാഖം, പൂരുരുട്ടാതി	മഞ്ഞപുഷ്യാരാഗം
പൂയം, അനിഴം, ഉതൃട്ടാതി	ഇന്ദ്രനീലം
ആയില്യം, തൃക്കേട്ട , രേവതി	മരതകം

പൊതുവായി പറയപ്പെടുന്ന, നക്ഷത്രവശാൽ അനുയോജ്യമായ രത്‌നങ്ങളെയാണ് ഇവിടെ സൂചിപ്പിക്കുന്നതെങ്കിലും രത്‌നധാരണം നടത്തുമ്പോൾ ഒരു രത്‌നശാസ്ത്രജ്ഞനെക്കൊണ്ട് ജാതകഗ്രഹനിലകൂടി വിലയിരുത്തിവേണം രത്‌നം തിരഞ്ഞെടുക്കാൻ.