നഥൂറാം വിനായക് ഗോഡ്‌സെ

വിക്കിപീഡിയ, ഒരു സ്വതന്ത്ര വിജ്ഞാനകോശം.
നഥൂറാം വിനായക് ഗോഡ്‌സെ
നഥൂറാം വിനായക് ഗോഡ്‌സെ
Nathuram godse.jpg
1949 ലെ ചിത്രം
ജനനം 1910 മേയ് 19(1910-05-19)
ബാരമതി,പുണെ, ഇന്ത്യ
മരണം 1949 നവംബർ 15(1949 -11-15) (പ്രായം 39)
അമ്പാല ജയില്‍, ഹരി‌യാണ, ഇന്ത്യ
പ്രധാനപാതകം മഹാത്മാഗാന്ധിയെ വെടിവച്ചുകൊന്നു
പാതകദിവസം 1948 ജനുവരി 30 (രക്തസാക്ഷിദിനം)
കിട്ടിയശിക്ഷ മരണശിക്ഷ
സംഘടന അഖിൽ ഭാരത് ഹിന്ദു മഹാസഭ
പ്രവർ‍ത്തനമേഖല സാമുദായികതീവ്രവാദം
എതിർത്തതു് ദേശീയപ്രസ്ഥാനത്തെ
പ്രേരണ വിനായക് ദാമോദർ സാവർക്കർ
കൂട്ടുപ്രതികൾ ശങ്കർ കിസ്തയ്യ, ഗോപാൽ ഗോഡ്സെ, മദൻലാർ പാഹ്വ, ദിഗംബർ രാമചന്ദ്ര ബാദ്ഗെ. നാരായൺ ആപ്തെ, വിനായക് സവർക്കർ, വിഷ്ണു കാർക്കാറേ
ഗാന്ധിജിയുടെ വധത്തിനു ഗൂഢാലോചന ചെയ്ത സംഘം. നിൽകുന്നവർ: ശങ്കർ കിസ്തയ്യ, ഗോപാൽ ഗോഡ്സെ, മദൻലാർ പാഹ്വ, ദിഗംബർ രാമചന്ദ്ര ബാദ്ഗെ. ഇരിക്കുന്നവർ: നാരായൺ ആപ്തെ, വിനായക് സവർക്കർ, നഥൂറാം ഗോഡ്സെ(കൊലയാളി), വിഷ്ണു കാർക്കാറേ

മഹാത്മാഗാന്ധിയുടെ കൊലയാളിയായിരുന്നു നഥൂറാം വിനായക് ഗോഡ്സെ (മറാത്തി: नथूराम विनायक गोडसे) (മെയ് 19, 1910നവംബർ 15, 1949).

ഗോഡ്സെയുടെ രാഷ്ട്രീയ ജീവിതം[തിരുത്തുക]

ഗോഡ്സെ തന്റെ ഹൈസ്കൂൾ പഠനം ഉപേക്ഷിച്ച് ഹിന്ദു മഹാസഭയുടെ പ്രവർ‌ത്തകനായി. ഗോഡ്സെ ഒരു ആർ.എസ്.എസ് പ്രവർത്തകനായിരുന്നുവെന്ന് ആരോപണമുണ്ടെങ്കിലും ഗാന്ധി വധമന്വേഷിച്ച അന്വേഷണക്കമ്മീഷനോ , വിധി പറഞ്ഞ കോടതിയോ അത്തരമൊരു പരാമർശം നടത്തുകയുണ്ടായില്ല.1932-ൽ ഗോഡ്സെ സംഘടന വിട്ടുവെന്നു് ആർ.എസ്.എസ് നേതൃത്വം അവകാശപ്പെടുന്നു. [1] ഹിന്ദു മഹാസഭയും ഗോഡ്സെയും ആൾ ഇന്ത്യ മുസ്ലീം ലീഗിനെയും സ്വാതന്ത്ര്യ പ്രസ്ഥാനമായ കോൺഗ്രസ്സിനെയും എതിർത്തിരുന്നു. ഗോഡ്സെ അഗ്രാണി എന്ന പേരിൽ ഒരു മറാത്തി ദിനപത്രം ആരംഭിച്ചു. ഏതാനും വർഷങ്ങൾക്കു ശേഷം ഈ പത്രത്തിന്റെ പേര് ഹിന്ദു രാഷ്ട്ര എന്നു മാറ്റി.

ഹിന്ദു മഹാസഭ ആദ്യകാലത്ത് ബ്രിട്ടീഷ് സർക്കാരിനെതിരായുള്ള ഗാന്ധിജിയുടെ സിവിൽ ഡിസൊബീഡിയൻസ് സമരങ്ങളെ പിന്തുണച്ചുവെന്നു് അവകാശപ്പെട്ടിരുന്നു. 1938-ൽ നടന്ന തെരഞ്ഞെടുപ്പിനെത്തുടർന്നു് സിന്ധിലും കിഴക്കൻ ബംഗാളിലും രൂപംകൊണ്ട മുസ്ലീം ലീഗ് സർക്കാരുകളിൽ ചേർന്നു് ഹിന്ദു മഹാസഭ മന്ത്രിമാരെ നേടി. പാകിസ്താനു് വേണ്ടിയുള്ള പ്രമേയം സിന്ധിലെയും കിഴക്കൻ ബംഗാളിലെയും നിയമസഭകൾ പാസാക്കിയപ്പോഴും ഹിന്ദു മഹാസഭ മന്ത്രിമാർ രാജിവച്ചില്ല.

ക്വിറ്റ് ഇന്ത്യാ സമരക്കാലത്ത് ഹിന്ദു മഹാസഭ ബ്രിട്ടീഷുകാരുമായി സഖ്യമുണ്ടാക്കി. മുസ്ലീം ന്യൂനപക്ഷങ്ങളെ പ്രീതിപ്പെടുത്താൻ ഗാന്ധിജി ഹിന്ദു താല്പര്യങ്ങളെ ബലികഴിക്കുന്നു എന്ന് അവർ ചിത്രീകരിച്ചു[2]. ഇന്ത്യാവിഭജനക്കാലത്തെ വർഗീയലഹളകളിൽ ഹിന്ദുക്കൾ കൊല്ലപ്പെട്ടതിനു് ഗാന്ധിജിയാണുത്തരവാദിയെന്നു് അവർ പ്രചരിപ്പിച്ചു. അവസാനം അദ്ദേഹത്തെ കൊല്ലാൻ ഗൂഢാലോചന നടത്തുകയും വെടിവച്ചുകൊല്ലുകയും ചെയ്തു.

1948 നവംബർ 8നു നാഥുറാം വിനായക് ഗോഡ്സെ ദില്ലിയിലെ ചെങ്കോട്ടയിൽ പ്രത്യേകം സജ്ജീകരിച്ച കോടതിയിൽ നടത്തിയ 93 താളുകളിലായുള്ള കുറ്റസമ്മതമൊഴി ഗാന്ധിവധക്കേസിലെ ചരിത്രരേഖയായി കണക്കാക്കപ്പെടുന്നു.

മരണം[തിരുത്തുക]

രാഷ്ട്രപിതാവായ ഗാന്ധിജിയെ വധിച്ച ഗോഡ്സെയെ വധശിക്ഷക്ക് വിധേയനാക്കി. സ്വതന്ത്ര ഇന്ത്യയിൽ ആദ്യമായി വധശിക്ഷയ്ക്ക് വിധേയരായത് മഹാത്മാഗാന്ധി വധക്കേസിലെ പ്രതികളായ നാഥുറാം ഗോഡ്‌സെയും നാരായൺ ആപ്‌തെയുമാണ്. 1949 നവംബർ 15-ന് അംബാല ജയിലിൽ ഇരുവരെയും ഒന്നിച്ചാണ് തൂക്കിലേറ്റിയത്.[3]

അവലംബം[തിരുത്തുക]

  1. The Hindu (18 August 2004). "RSS releases 'proof' of its innocence". Retrieved 26 June 2007
  2. 1948 മെയ് 6നു് ഭാരത സംഘാത ആഭ്യന്തര മന്ത്രി സർദാർ വല്ലഭ ഭായി പട്ടേൽ, ശ്യാമപ്രസാദ് മുഖർജിയുടെ കത്തിനു് നല്കിയ മറുപടിയിൽ ഇങ്ങനെ എഴുതി: മഹന്ത് ദിഗ്വിജയനാഥ്, പ്രഫ റാം സിംഹ് ,ദേശ് പാണ്ഡേ തുടങ്ങിയ നിരവധി ഹിന്ദു മഹാസഭാ വക്താക്കൾ‍ അടുത്ത കാലം വരെ സമരോൽ‍സുകമായ വർഗീയവാദം പ്രചരിപ്പിച്ചുനടന്നിരുന്നു. അതു് പൊതുജീവിതത്തിനും സുരക്ഷയ്ക്കും ഹാനികരമാണെന്നു് മനസ്സിലാക്കണം.
  3. http://www.mathrubhumi.com/online/malayalam/news/story/1959753/2012-11-22/india
"http://ml.wikipedia.org/w/index.php?title=നഥൂറാം_വിനായക്_ഗോഡ്‌സെ&oldid=1790686" എന്ന താളിൽനിന്നു ശേഖരിച്ചത്