ദ ഡാർക്ക് നൈറ്റ്
| ദ ഡാർക്ക് നൈറ്റ് | |
|---|---|
 ദ ഡാർക്ക് നൈറ്റിൻറെ പോസ്റ്റർ |
|
| സംവിധാനം | ക്രിസ്റ്റഫർ നോളൻ |
| നിർമ്മാണം | ക്രിസ്റ്റഫർ നോളൻ ചാൾസ് റോവൻ എമ്മ തോമസ് |
| രചന | തിരക്കഥ: ക്രിസ്റ്റഫർ നോളൻ ജൊനാഥൻ നോളൻ കഥ: ഡേവിഡ് എസ്. ഗോയർ ക്രിസ്റ്റഫർ നോളൻ കോമിക് പുസ്തകം: ബോബ് കെയ്ൻ ബിൽ ഫിംഗർ |
| അഭിനേതാക്കൾ | ക്രിസ്റ്റ്യൻ ബെയ്ൽ മൈക്കൽ കെയ്ൻ ഹീത്ത് ലെഡ്ജർ ഗ്രേ ഓൾഡ്മാൻ ആരോൺ എക്കാർട്ട് മാഗി ഗില്ലൻഹാൾ മോർഗൻ ഫ്രീമാൻ |
| സംഗീതം | ഹാൻസ് സിമ്മർ ജെയിംസ് ന്യൂട്ടൻ ഹൊവാർഡ് |
| ഛായാഗ്രഹണം | വോളി ഫിസ്റ്റർ |
| ചിത്രസംയോജനം | ലീ സ്മിത്ത് |
| വിതരണം | വാർണർ ബ്രദേഴ്സ് |
| റിലീസിങ് തീയതി | ഓസ്ട്രേലിയ: ജൂലൈ 16, 2008 വടക്കേ അമേരിക്ക: ജൂലൈ 18, 2008 യു.കെ.: ജൂലൈ 24, 2008 |
| സമയദൈർഘ്യം | 152 മിനിറ്റ് |
| രാജ്യം | യു.എസ്.എ. |
| ഭാഷ | ഇംഗ്ലീഷ് |
| ബജറ്റ് | $185 million[1] |
| ബോക്സ് ഓഫീസ് | $966,580,000[1] |
ക്രിസ്റ്റഫർ നൊളൻ സംവിധാനം ചെയ്ത ഒരു ഇംഗ്ലീഷ് ചലച്ചിത്രമാണ് ദ ഡാർക്ക് നൈറ്റ്. ഡിസി കോമിക്സിന്റെ ബാറ്റ്മാൻ കഥാപാത്രത്തെ അടിസ്ഥാനമാക്കിയുള്ള ഈ ചിത്രം നൊളന്റെ ബാറ്റ്മാൻ ചലച്ചിത്ര പരമ്പരയിലെ രണ്ടാമത്തെ ചിത്രമാണ്. 2005-ൽ പുറത്തിറങ്ങിയ ബാറ്റ്മാൻ ബിഗിൻസ് ആണ് പരമ്പരയിലെ ആദ്യ ചിത്രം. ക്രിസ്റ്റ്യൻ ബെയ്ൽ ആണ് പ്രധാന കഥാപാത്രമായ ബാറ്റ്മാനെ അവതരിപ്പിച്ചിരിക്കുന്നത്. പുതിയൊരു വില്ലനായ ജോക്കറിനെതിരെയുള്ള (ഹീത്ത് ലെഡ്ജർ) ബാറ്റ്മാന്റെ പോരാട്ടത്തിലാണ് കഥ കേന്ദ്രീകരിച്ചിരിക്കുന്നത്. ഡിസ്ട്രിക്റ്റ് അറ്റോർണി ഹാർവി ഡെന്റ് (ആരൊൺ എക്കർട്ട്), ബാറ്റ്മാന്റെ പഴയ സുഹൃത്തും കാമുകിയുമായ അസിസ്റ്റന്റ് ഡിസ്ട്രിക്റ്റ് അറ്റോർണി റേച്ചൽ ഡോസ് (മാഗി ഗ്ലൈലെൻഹാൽ) എന്നിവരുമായുള്ള ബാറ്റ്മാന്റെ ബന്ധത്തെക്കുറിച്ചും സിനിമയിൽ പ്രതിപാദിച്ചിരിക്കുന്നു.
2008 ജനുവരി 22-ന് ചിത്രം പൂർത്തിയായതിനുശേഷം ജോക്കറായി വേഷമിട്ട ലെഡ്ജർ ഒരു മരുന്നിന്റെ അമിതോപയോഗത്താൽ അന്തരിച്ചു. ഇതിനു ശേഷം ഹീത്ത് ലെഡ്ജറിന് മികച്ച് സഹനടനുള്ള ഓസ്കാർ അവാർഡും ലഭിച്ചു.[2] ഇതുകൊണ്ട് തന്നെ വാർണർ ബ്രോസ്. ലെഡ്ജറിനെ കേന്ദ്രീകരിച്ച് ചിത്രത്തിന്റെ പ്രചാരണം ശക്തമാക്കി. ജൂലൈ 16, 2008-ൽ ഓസ്ട്രേലിയയിലും, ജൂലൈ 18, 2008-ൽ വടക്കേ അമേരിക്കയിലും, ജൂലൈ 24, 2008-ൽ യുണൈറ്റഡ് കിങ്ഡത്തിലും ചിത്രം പുറത്തിറങ്ങി. നിരൂപകരിൽ നിന്നും സാധാരണക്കാരിൽ നിന്നും മികച്ച പ്രതികരണമാണുണ്ടായത്. വടക്കേ അമേരിക്കൻ ബോക്സ് ഓഫീസിൽ 50 കോടി ഡോളറിലധികം നേടുന്ന രണ്ടാമത്തെ ചിത്രമായി ദ ഡാർക്ക് നൈറ്റ്.
ഉള്ളടക്കം |
ഇതിവൃത്തം [തിരുത്തുക]
ഗോതം നഗരത്തിൽ ജോക്കറും കൂട്ടാളികളും ഒരു ബാങ്ക് ആക്രമിക്കുന്നു.സ്വന്തം കൂട്ടാളികളെ കൊന്നിട്ട് പണവുമായി ജോക്കർ രക്ഷപെടുന്നു.അതെ സമയം ബാറ്റ്മാന്റെ സഹായത്തോടെ ഹാർവി യുടെ നേതൃത്വത്തിൽ അധോലോകത്തെ മുഴുവൻ ജയിലിൽ എത്തിക്കാനുള്ള ശ്രമങ്ങൾ നടക്കുന്നു. ലോ എന്ന ചൈനീസ് ബിസിനസ് രാജാവിനെ ബാറ്റ്മാൻ കുടുക്കുന്നു. അധോലോകം സഹായത്തിനു ജോക്കറെ വിളിക്കുന്നു. ജോക്കർ നഗരം വിറപ്പിച്ചു തുടങ്ങുന്നു. എല്ലാവരുടെയും പ്രതീക്ഷയായിരുന്ന ഹാർവി യെപ്പോലും ജോക്കർ മാറ്റിയെടുക്കുന്നു.
അഭിനേതാക്കൾ [തിരുത്തുക]
- ക്രിസ്റ്റ്യൻ ബെയ്ൽ - ബാറ്റ്മാൻ
- ഹീത്ത് ലെഡ്ജർ - ജോക്കർ
- ആരോൺ എക്കാർട്ട് - ഹാർവി ഡെന്റ്
- മൈക്കൽ കെയ്ൻ - ആൽഫ്രെഡ് പെന്നിവർത്ത്
- മാഗി ഗില്ലെൻഹാൾ - റേച്ചൽ ഡാവ്സ്
- ഗാരി ഓൾഡ്മാൻ - ജെയിംസ് ഗോർഡൻ
- മോർഗൻ ഫ്രീമാൻ - ലൂസിയസ് ഫോക്സ്
- ചിൻ ഹാൻ - ലാവു
- എറിക് റോബർട്ട്സ് - സാൽ മറോണി
- കോളീൻ മക്ഫാർലേൻ - ഗില്ലൻ. ബി. ലോബ്
അവലംബം [തിരുത്തുക]
- ↑ 1.0 1.1 "The Dark Knight (2008)". Box Office Mojo. 2008-09-08. ശേഖരിച്ചത് 2008-09-08.
- ↑ Roger Ebert (July 16, 2008). "The Dark Knight". Chicago Sun-Times (rogerebert.com). ശേഖരിച്ചത് July 19, 2008.
പുറത്തേക്കള്ള കണ്ണികൾ [തിരുത്തുക]
 |
ചലച്ചിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
|
|||||||||||
