ദ ക്രോണിക്കിള്സ് ഓഫ് നര്നിയ
വിക്കിപീഡിയ, ഒരു സ്വതന്ത്ര വിജ്ഞാനകോശം.
 Seven books in the order of publication |
|
| കര്ത്താവ് | ക്ലൈവ് സ്റ്റേപ്പിള്സ് ലൂയിസ് |
|---|---|
| ഭാഷ | ഇംഗ്ലീഷ് |
| Genre(s) | ഫാന്റസി ബാലസാഹിത്യം |
| പ്രസാധകര് | ഹാര്പര് ട്രോഫി |
| പ്രസിദ്ധീകരിച്ച വര്ഷം | 1950–1956 |
| മാദ്ധ്യമം | അച്ചടി (ഹാര്ഡ്ബാക്ക് and പേപ്പര്ബാക്ക്) |
സി.എസ്. ലൂയിസ് എഴുതിയ കുട്ടികള്ക്കായുള്ള ഏഴ് നോവലുകളടങ്ങുന്ന ഒരു ഫാന്റസി പുസ്തക പരമ്പരയാണ് ദ ക്രോണിക്കിള്സ് ഓഫ് നര്നിയ. ബാലസാഹിത്യത്തിലെ ഒരു ക്ലാസിക്ക് ആയി ഈ പരമ്പര കണക്കാക്കപ്പെടുന്നു. സി.എസ് ലൂയിസിന്റെ ഏറ്റവും പ്രശസ്തമായ കൃതിയും ഇതുതന്നെ. 41 ഭാഷകളിലായി ഇതിന്റെ 10 കോടിയിലധികം പതിപ്പുകള് വിറ്റഴിഞ്ഞിട്ടുണ്ട്. 1949 മുതല് 1954 വരെയുള്ള കാലയളവിലാണ് ലൂയിസ് ഈ നോവലുകള് രചിച്ചത്. പോളിന് ബെയിന്സ് ആണ് ഇതിനായി ചിത്രരചന നടത്തിയത്. ദ ക്രോണിക്കിള്സ് ഓഫ് നര്നിയ പലതവണ പൂര്ണമായോ ഭാഗങ്ങളായോ റേഡിയോ, ടെലിവിഷന്, നാടകം, ചലച്ചിത്രം എന്നീ രൂപങ്ങളിലും ആവിഷ്കരിക്കപ്പെട്ടിട്ടുണ്ട്. ഗ്രീക്ക്, റോമന് ഐതിഹ്യങ്ങളില് നിന്നും ബ്രിട്ടീഷ്, ഐറിഷ് മുത്തശ്ശിക്കഥകളില് നിന്നുമുള്ള പല കഥാപാത്രങ്ങളേയും ആശയങ്ങളേയും ഈ പരമ്പരയില് ഉപയോഗിച്ചിട്ടുണ്ട്.
മൃഗങ്ങള് സംസാരിക്കുന്നതും ജാലവിദ്യ മന്ത്രവിദ്യ സര്വസാധരണമായതും തിന്മക്കെതിരെ നന്മയുടെ പോരാട്ടം നടക്കുന്നതുമായ നര്നിയ എന്ന സാങ്കല്പിക ലോകത്തിന്റെ ചരിത്രത്തെ വളരെയേറെ സ്വാധീനിച്ച ചില കുട്ടികളുടെ സാഹസ കഥകളാണ് ഈ നോവലുകളില് പ്രതിപാദിക്കുന്നത്.
