ദുഃഖവെള്ളിയാഴ്ച
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
ഈ ലേഖനം വിക്കിവല്ക്കരിക്കേണ്ടതുണ്ട്; താങ്കളുടെ സഹായം പ്രതീക്ഷിക്കുന്നു. |
| ദുഃഖ വെള്ളി | |
| തരം | ക്രിസ്ത്യന് |
|---|---|
| പ്രാധാന്യം | യേശുക്രിസ്തുവിന്റെ കുരിശുമരണം അനുസ്മരിക്കുന്നു. |
| തിയതി | ഈസ്റ്റര് ഞായറാഴ്ചയ്ക്കു തൊട്ടുമുമ്പുള്ള വെള്ളിയാഴ്ച |
| 2009 തിയതി | ഏപ്രില് 10 (പാശ്ചാത്യം) ഏപ്രില് 17 (പൗരസ്ത്യം) |
| 2010 തിയതി | ഏപ്രില് 2 (പാശ്ചാത്യം) ഏപ്രില് 9 (പൗരസ്ത്യം) |
| ആഘോഷങ്ങള് | പരമ്പരാഗതമായ ആഘോഷങ്ങളൊന്നുമില്ല |
| ചടങ്ങുകള് | പ്രാര്ത്ഥനയും ആരാധനാ ചടങ്ങുകളും, ഉപവാസം |
| ബന്ധപ്പെട്ട ആചാരങ്ങള് | പെസഹാ, ക്രിസ്തുമസ് (ക്രിസ്തുവിന്റെ ജനനം അനുസ്മരിക്കുന്നത്), Septuagesima, Quinquagesima, Shrove Tuesday, വിഭൂതിബുധന്, നോയമ്പ്, ഓശാന ഞായര്, പെസഹാവ്യാഴം, ദുഃഖശനി, ഈസ്റ്റര് ഞായറാഴ്ച (പ്രധാനമായും), സ്വര്ഗ്ഗാരോഹണം, പന്തക്കുസ്താ തിരുനാള്, Whit Monday, ത്രിത്വത്തിന്റെ തിരുനാള്, and Corpus Christi which follow it |
ലോകമെമ്പാടുമുള്ള ക്രിസ്ത്യാനികള് ഈസ്റ്ററിനു(Easter) തൊട്ടു മുന്പുള്ള വെള്ളിയെ ദുഃഖവെള്ളിയാഴ്ച ആയി ആചരിക്കുന്നു. യേശുക്രിസ്തുവിന്റെ പീഡാനുഭവത്തിന്റെയും തുടര്ന്നു കാല്വരി മലയിലെ കുരിശു മരണത്തിന്റെയും ഓര്മക്കായിട്ടാണു ദുഃഖവെള്ളി ആചരിക്കുന്നത്. പാശ്ചാത്യ നാടുകളില് ഈ ദിവസത്തെ ഗുഡ് ഫ്രൈഡേ(Good Friday) എന്നും പോളണ്ട് സഭ, യവന സഭ, സുറിയാനി സഭ തുടങ്ങിയ ഓര്ത്തഡോക്സ് സഭകളില് ഈ ദിവസം വലിയ വെള്ളി അഥവാ ഗ്രെയിറ്റ് ഫ്രൈഡേ(Great Friday) എന്നും വിളിക്കുന്നു. യേശു ശിഷ്യന്മാരോടൊപ്പം അന്ത്യ അത്താഴം കഴിച്ച, തന്റെ ശിഷ്യന്മാരുടെ കാലുകള് കഴുകി വിനയത്തിന്റെ ഉദാത്ത മാതൃക കാണിച്ച പെസഹാ വ്യാഴത്തിന്റെ പിറ്റേന്നാണു ദുഃഖവെള്ളി.
പള്ളികളില് ഈ ദിവസം പ്രത്യേക പ്രാര്ത്ഥനകളും ബൈബിളിലെ പീഡാനുഭവവുമായി ബന്ധപ്പെട്ട ഭാഗങ്ങളുടെ വായനയും ഉണ്ട്. ചില സ്ഥലങ്ങളില് ക്രൈസ്തവ വിശ്വാസികള് ഈ ദിവസം ഉപവാസ ദിനമായി ആചരിക്കുന്നു. കുരിശില്ക്കിടന്നു 'എനിക്കു ദാഹിക്കുന്നു' എന്നു വിലപിച്ചപ്പോള് യേശുവിനു കയ്പുനീര് കുടിക്കാന് കൊടുത്തതിന്റെ ഓര്മയില് വിശ്വാസികള് കയ്പുനീര് രുചിക്കുന്ന ആചാരവുമുണ്ട്.
കത്തോലിക്ക സഭയുടെ ആചാരങ്ങളില് യേശുവിന്റെ പീഡാനുഭവ വഴികളിലെ സംഭവങ്ങളെ അനുസ്മരിച്ചു കൊണ്ടുള്ള കുരിശിന്റെ വഴിയും(Way of the Cross) ഈ ദിവസത്തെ ആചാരങ്ങളിലൊന്നാണ്. കേരളത്തില് തീര്ത്ഥാടന കേന്ദ്രങ്ങളായ മലയാറ്റൂര്, കുരിശുമല തുടങ്ങിയ ഇടങ്ങളില് വലിയ കുരിശും ചുമന്നു കാല് നടയായി മല കയറി പരിഹാര പ്രദക്ഷിണം നടത്തുന്ന വിശ്വാസികളുടെ നീണ്ട നിര കാണാം.
കേരളത്തിലെ സുറിയാനി സഭകള് ഈ ദിവസത്തെ ഹാശാ വെള്ളി എന്നും വിളിക്കുന്നു. ഈ ദിവസം അവര് ദീര്ഘമായ ശുശ്രൂഷയോടു കൂടെ കൊണ്ടാടുന്നു. ഈ ദിവസത്തില് സുറിയാനി സഭകള് പ്രദക്ഷിണം, ചൊറുക്കാ എന്നു വിളിക്കുന്ന കയ്പ് നീരു കുടിക്കുക ആദിയായവയും നടത്തുന്നു.
 |
ക്രിസ്തുമതവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
