ദത്തോപാന്ത് ഠേംഗ്ഡി

വിക്കിപീഡിയ, ഒരു സ്വതന്ത്ര വിജ്ഞാനകോശം.
ദത്തോപാന്ത് ഠേംഗ്ഡി
Thengadijee.jpg
ജനനം ദത്താത്രേയ ബാപ്പുറാവു ഠേംഗ്ഡി
1920 നവംബർ 10(1920-11-10)
ആർവി വില്ലേജ്, വാർദ്ധാ ജില്ല, മഹാരാഷ്ട്ര
മരണം 2004 ഒക്ടോബർ 14(2004-10-14) (പ്രായം 83)
പൂനെ, മഹാരാഷ്ട്ര,
ശവകുടീരം
രാംനരേഷ് ഭവൻ , ഡെൽഹി
വിദ്യാഭ്യാസം B.A., LL.B
പ്രശസ്തി ഹിന്ദു സൈദ്ധാന്തികൻ
ഭാരതീയ മസ്ദൂർ സംഘം, ഭാരതീയ കിസാൻ സംഘം, സ്വദേശി ജാഗരൺ മഞ്ച്, സ്ഥാപകൻ .
രാഷ്ട്രീയ സ്വയംസേവക സംഘം പ്രചാരകൻ
മതം ഹിന്ദു
പുരസ്കാര(ങ്ങൾ) പദ്മഭൂഷൺ ശുപാർശ ചെയ്യപ്പെട്ടെങ്കിലും നിരസിച്ചു
ഒപ്പ് Dattopant Thengadi Signature.svg
വെബ്സൈറ്റ്
ഔദ്യോഗിക വെബ് ഇടം

രാഷ്ട്രീയ സ്വയംസേവക സംഘത്തിന്റെ മുഴുവൻ സമയ പ്രവർത്തകനായിരുന്ന ദത്തോപാന്ത് ഠേംഗ്ഡി ( നവംബർ 10 , 1920 - ഒക്ടോബർ 14 , 2004 ) സ്വദേശീ ജാഗരൺ മഞ്ച് , ഭാരതീയ കിസാൻ സംഘ് , ഭാരതീയ മസ്ദൂർ സംഘം തുടങ്ങിയ പ്രസ്ഥാനങ്ങളുടെ സ്ഥാപകനും തൊഴിലാളിനേതാവുമായിരുന്നു . 1964 മുതൽ 1976 വരെ രണ്ടു ടേമിലായി ഉത്തർ പ്രദേശിൽ നിന്നുള്ള രാജ്യസഭാ അംഗമായി സേവനമനുഷ്ടിച്ചിട്ടുണ്ട് [1] . ഹിന്ദി, മറാത്തി, ഇംഗ്ലീഷ് ഭാഷകളിലായി നാൽപ്പതോളം പുസ്തകങ്ങളുടെ രചയിതാവും ബഹുഭാഷാ പണ്ഡിതനുമായ അദ്ദേഹം അഖില ഭാരതീയ വിദ്യാർത്ഥി പരിഷത്ത് , അഖിലഭാരതീയ അധിവക്ത് പരിഷത്ത് തുടങ്ങിയ സംഘടനകളുടെ സ്ഥാപക അംഗവുമായിരുന്നു[2]

ആദ്യകാല ജീവിതം[തിരുത്തുക]

1920 നവംബർ 10 നു മഹാരാഷ്ട്രയിലെ വാർദ്ധാജില്ലയിലെ അർവിയിൽ ജനനം . സ്കൂൾ കാലം മുതൽക്കു തന്നെ വിദ്യാർത്ഥിപ്രസ്ഥാനങ്ങളിൽ പങ്കുചേർന്ന ഠേംഗ്ഡി 1936 ഇൽ വിപ്ലവസംഘടനയായ ഹിന്ദുസ്ഥാൻ സോഷ്യലിസ്റ്റ് റിപ്പബ്ലിക്കൻ അസ്സോസ്സിയേഷനിൽ ചേർന്നു പ്രവർത്തിച്ചിരുന്നു . മോറിസ് കോളേജിൽ നിന്ന് ബിരുദാനന്തര ബിരുദവും , നാഗ്പൂർ കോളെജിൽ നിന്നും നിയമബിരുദവും നേടിയിട്ടുണ്ട് . ബാബാ സാഹേബ് അംബേദ്കറും ,എം എസ് ഗോൾവൽക്കറും ,ദീന ദയാൽ ഉപാധ്യായയും ഠേംഗ്ഡിയുടെ രാഷ്ട്രീയ ജീവിതത്തിൽ വളരെയധികം സ്വാധീനം ചെലുത്തി. 22 വയസ്സുള്ളപ്പോൾ രാഷ്ട്രീയ സ്വയം സേവക സംഘത്തിന്റെ മുഴുവൻ സമയ പ്രവർത്തകനായി. 1950 -51 കാലയളവിൽ ഇന്ത്യൻ നാഷണൽ ട്രേഡ് യൂണിയൻ കോൺഗ്രസ്സ് ( ഐ എൻ ടി യു സി ) സംഘടനാ സെക്രട്ടറിയായും പ്രവർത്തിച്ചിരുന്നു

രാഷ്ട്രീയം[തിരുത്തുക]

ചെറുപ്പകാലം മുതൽ രാഷ്ട്രീയ സ്വയംസേവക സംഘത്തിന്റെ ആദർശത്തിൽ ആകൃഷ്ടനായ അദ്ദേഹം 1942 ഇൽ സംഘടനയുടെ മുഴുവൻ സമയ പ്രവർത്തകനായി . കേരളത്തിൽ സംഘടനാ പ്രവർത്തനം ആരംഭിക്കാൻ നിയോഗിക്കപ്പെട്ട ആദ്യത്തെ പ്രചാരകനായിരുന്നു ഠേംഗ്ഡി. കോഴിക്കോട് ജില്ലയിൽ കേരളത്തിലാദ്യമായി ആർ.എസ്സ്.എസ്സ് പ്രവർത്തനത്തിനു തുടക്കം കുറിച്ചത് അദ്ദേഹമാണ് . 1951 ഇൽ ജനസംഘത്തിന്റെ പ്രാരംഭ പ്രവർത്തനങ്ങളിൽ പങ്കാളിയാകുകയും 1953 വരെ സംഘടനാ സെക്രട്ടറിയായി പ്രവർത്തിക്കുകയും ചെയ്തു . രാഷ്ട്രീയ സ്വയം സേവക സംഘത്തിന്റെ ആശയങ്ങൾ അടിസ്ഥാനമാക്കി പ്രവർത്തിക്കുന്ന തൊഴിലാളി സംഘടന എന്ന ലക്ഷ്യത്തോടെ 1955 ജൂലൈ 23 നു ഭാരതീയ മസ്ദൂർ സംഘ് രൂപവത്കരിച്ചു . അംഗസംഖ്യയിൽ ഇന്ത്യയിൽ ഒന്നാമത്തെ തൊഴിലാളി സംഘടനയായി മാറുവാൻ ബി എം എസിനു കഴിഞ്ഞതിനു കാരണം ഠേംഗ്ഡിയുടെ നേതൃപാടവവും സംഘടനാ ശേഷിയുമായിരുന്നു .1964 മുതൽ 1976 വരെ ഉത്തർ പ്രദേശിൽ നിന്നുള്ള രാജ്യസഭാ അംഗമായിരുന്നു . തൊഴിലാളി പ്രസ്ഥാനങ്ങളുമായി ബന്ധപ്പെട്ട് അനേകം വിദേശ രാജ്യങ്ങൾ സന്ദർശിച്ചിട്ടുണ്ട് . അടിയന്തിരാവസ്ഥക്കാലത്ത് ലോകസംഘർഷ സമിതിയുമായി ബന്ധപ്പെട്ട് പ്രക്ഷോഭം നടത്തുകയും ഒളിവിലെ പ്രവർത്തനങ്ങൾക്ക് നേതൃത്വം കൊടുക്കുകയും ചെയ്തു. 1979 മാർച്ച് നാലിനു രാജസ്ഥാനിലെ കോട്ടയിൽ വച്ച് കർഷകരുടെ സമസ്തമേഖലകളിലെയും ഉന്നമനം ലക്ഷ്യമാക്കി ഭാരതീയ കിസാൻ സംഘ് സ്ഥാപിച്ചു .

1964 മുതൽ 1976 വരെ അദ്ദേഹം രാജ്യസംഭാംഗമായിരുന്നു . 1968 മുതൽ 70 വരെ അതിന്റെ ഉപാദ്ധ്യക്ഷനായും പ്രവർത്തിച്ചു . അടിയന്തീരാവസ്ഥയ്ക്കെതിരെ ലോക സംഘർഷ സമിതിക്ക് വേണ്ടി ഒളിവിലിരുന്നുള്ള സംഘാടനം നിർവഹിച്ചു . 1979 ൽ ഭാരതീയ കിസാൻ സംഘ് രൂപവത്കരിച്ചു .മുതലാളിത്ത വ്യ്വസ്ഥിതിയും കമ്യൂണിസ്റ്റ് വ്യവസ്ഥിതിയും ആത്യന്തികമായി ജനങ്ങൾക്ക് ഗുണപരമല്ലെന്ന് വാദിച്ച അദ്ദേഹം ഏകാത്മ മാനവ ദർശനത്തിലധിഷ്ഠിതമായ മൂന്നാമതൊരു മാർഗ്ഗം മുന്നോട്ടു വച്ചു . സ്വദേശി , സ്വാശ്രയം ,സ്വാഭിമാൻ എന്ന മുദ്രാവാക്യമുയർത്തി 1991 ൽ സ്വദേശി ജാഗരൺ മഞ്ച് സ്ഥാപിച്ചു. ഭാരതീയ ജനസംഘം , അഖില ഭാരതീയ വിദ്യാർത്ഥി പരിഷദ് എന്നിവയുടെ സ്ഥാപനത്തിലും അദ്ദേഹം പ്രധാന പങ്ക് വഹിച്ചിട്ടുണ്ട് .

വ്യക്തിജീവിതം[തിരുത്തുക]

രാഷ്ട്രീയത്തിനതീതമായി വ്യക്തിബന്ധം സൂക്ഷിയാളായിരുന്നു ഠേംഗ്ഡി . കമ്മ്യൂണിസ്റ്റ് നേതാവയിരുന്ന കെ ദാമോദരനുമായി അദ്ദേഹം അടുത്ത ബന്ധം സൂക്ഷിച്ചിരുന്നു . ഭാരതീയ ചിന്ത എന്ന പുസ്തകമെഴുതുന്നതിൽ ഠേംഗ്ഡിയുമായി നടത്തിയ ചർച്ചകളുടെ സ്വാധീനമുണ്ടായിരുന്നെന്ന് ദാമോദരൻ പറഞ്ഞിട്ടുണ്ട് . ഭാരത സർക്കാർ പദ്മ ഭൂഷൺ നൽകിയെങ്കിലും തന്നേക്കാൾ അർഹതയുള്ള നിരവധി പേർ ഉണ്ടെന്ന കാരണം പറഞ്ഞ് അദ്ദേഹം അത് നിഷേധിക്കുകയാണുണ്ടായത് . അംബേദ്കറുമായുള്ള അടുത്ത ബന്ധമാണ് പിൽക്കാലത്ത് സമാജിക് സമരസത മഞ്ച് എന്ന സംഘടന സ്ഥാപിക്കാൻ അദ്ദേഹത്തിന് പ്രേരണ നൽകിയത് . ഉച്ച നീചത്വങ്ങൾ വെടിഞ്ഞ് സമാജം സമരസതയോടെ ജീവിക്കണമെന്ന ചിന്തയായിരുന്നു അതിനു പിന്നിലുണ്ടായിരുന്നത് .

പ്രഭാഷണങ്ങൾ[തിരുത്തുക]

പ്രഭാഷണങ്ങൾ - ഠേംഗ്ഡി


അവലംബം[തിരുത്തുക]

"http://ml.wikipedia.org/w/index.php?title=ദത്തോപാന്ത്_ഠേംഗ്ഡി&oldid=2112415" എന്ന താളിൽനിന്നു ശേഖരിച്ചത്