തൃക്കുന്നപ്പുഴ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ആലപ്പുഴ ജില്ലയുടെ തെക്ക് പടിഞ്ഞാറായി ഹരിപ്പാട് നിന്നും എട്ട് കിലോമീറ്റർ അകലെ അറബിക്കടലിനോട് ചേർന്ന് സ്ഥിതി ചെയ്യുന്ന ഗ്രാമപ്രദേശമാണ് തൃക്കുന്നപ്പുഴ. തൃക്കുന്നപ്പുഴയിലെ ശാസ്താ ക്ഷേത്രം പ്രശസ്തമാണ്.

ചരിത്രം[തിരുത്തുക]

കേരള ചരിത്രത്തിൽ ശ്രീമൂലവാസം എന്ന പേരിൽ ഈ പ്രദേശം അറിയപ്പെട്ടിരുന്നു.[1]വളരെ പ്രൗഢമായ ഒരു ഗതകാല ചരിത്രം ഈ പ്രദേശത്തിനുണ്ട്. വിദേശ വ്യാപാരികളുടെ പായ്ക്കപ്പലുകൾക്ക് അനായാസം അടുക്കുവാനും ചരക്കുകൾ കയറ്റിയിറക്കുവാനും സാധ്യമായിരുന്ന ഒരു തുറമുഖം ഇവിടെ ഉണ്ടായിരുന്നതായി പറയപ്പെടുന്നു.

സ്ഥലനാമോത്പത്തി[തിരുത്തുക]

കായൽ മാർഗ്ഗം യാത്രചെയ്യുകയായിരുന്ന ചേരമാൻ പെരുമാൾ ചക്രവർത്തി വടക്കോട്ട് ഒഴുകുകയായിരുന്ന ഒരു നദി ശ്രദ്ധിക്കുകയും ആ നദിയിലൂടെ തന്റെ യാത്ര തിരിച്ചു വിടുകയും ചെയ്തു. നദിയുടെ പടിഞ്ഞാറേക്കരയിൽ വിശാലമായ ഒരു പുൽതകിടിയും പടർന്നു പന്തലിച്ചു പൂത്തുലഞ്ഞു നിന്ന ‘തിരുക്കൊന്ന’ (കണിക്കൊന്ന)യും ദൃശ്യമായി. നയനമനോഹരമായ ആ കാഴ്ച കണ്ടപ്പോൾ “ആഹാ! തിരുക്കൊന്നയും പൂവും, വിശ്രമിക്കാൻ പറ്റിയ സ്ഥലം! തോണി അങ്ങോട്ടടുക്കട്ടെ” എന്നു പെരുമാൾ കല്പിച്ചുവത്രേ. യാത്രാമദ്ധ്യേ വിശ്രമിക്കാനിറങ്ങിയ പെരുമാൾ പിന്നെ സ്ഥിര വിശ്രമം അവിടെത്തന്നെയാക്കി. അങ്ങനെ ചക്രവർത്തി വിശേഷിപ്പിച്ച തിരുക്കൊന്നപ്പുഴ പിൽക്കാലത്ത് തൃക്കുന്നപ്പുഴയായി എന്നാണ് ഈ സ്ഥലനാമവുമായി ബന്ധപ്പെട്ട കഥ.

ആരാധനാലയങ്ങൾ[തിരുത്തുക]

ഇതും കാണുക[തിരുത്തുക]

പുറത്തേക്കുള്ള കണ്ണി[തിരുത്തുക]

തൃക്കുന്നപ്പുഴ.കോം വെബ്‌സൈറ്റ്

അവലംബം[തിരുത്തുക]

"http://ml.wikipedia.org/w/index.php?title=തൃക്കുന്നപ്പുഴ&oldid=1929865" എന്ന താളിൽനിന്നു ശേഖരിച്ചത്