തൃക്കരിപ്പൂർ
| തൃക്കരിപ്പൂർ ഗ്രാമപഞ്ചായത്ത് | |
|
|
|
| രാജ്യം |  ഇന്ത്യ |
| സംസ്ഥാനം | കേരളം |
| ജില്ല(കൾ) | കാസർകോട് |
| സമയമേഖല | IST (UTC+5:30) |
| വെബ്സൈറ്റ് | lsgkerala.in/Trikarpurpanchayat/general-information |
അക്ഷാംശവും രേഖാംശവും: 9°26′31″N 76°30′00″E / 9.44204°N 76.5°E കേരളത്തിലെ കാസർഗോഡ് ജില്ലയിലെ ഒരു ഗ്രാമമാണ് തൃക്കരിപ്പൂർ. തൃക്കരിപ്പൂർ പഞ്ചായത്ത് വടക്കൻ തൃക്കരിപ്പൂർ, തെക്കൻ തൃക്കരിപ്പൂർ ഗ്രാമങ്ങൾ ചേർന്നതാണ്. ഇവ പണ്ട് കർണാടക സംസ്ഥാനത്തിന്റെ ഭാഗമായിരുന്നു. 1956 നവംബർ 1-ലെ കേരളപ്പിറവിയോടെ ഈ ഗ്രാമങ്ങൾ കേരളത്തിന്റെ ഭാഗമായി.
ഉള്ളടക്കം |
[തിരുത്തുക] ചരിത്രം
കേരളപ്പിറവിക്കുമുമ്പെ മദിരാശി സംസ്ഥാനത്തിന്റെ ഭാഗമായിരുന്ന തെക്കൻ കർണ്ണാടക ജില്ലയുടെ തെക്കെ അതിർത്തി ഗ്രാമങ്ങളായിരുന്നു വടക്കെ തൃക്കരിപ്പൂരും, തെക്കെ തൃക്കരിപ്പൂരിന്റെ ഭൂരി ഭാഗങ്ങളും ചേര്ന്നതാണ് ഇന്നത്തെ തൃക്കരിപ്പൂർ പഞ്ചായത്ത്. ഇനിയും പിറകോട്ട് പോയാൽ പഴയ നീലേശ്വരം രാജവംശത്തിന്റെ തെക്കെയറ്റത്തെ ഗ്രാമങ്ങളായിരുന്നു ഇവയെന്നു കാണാം. തൃക്കരിപ്പൂർ എന്ന സ്ഥലനാമം ഇവിടുത്തെ പുരാണ പ്രസിദ്ധമായ ചക്രവാണി ക്ഷേത്രവും തൊട്ടടുത്ത താമരക്കുളവുമായി ബന്ധപ്പെട്ട് കിടക്കുന്നു. കുളത്തിൽനിന്നും താമരപ്പൂക്കൾ പറിച്ച് ചക്രപാണിയെ അർപ്പിച്ച് മോക്ഷം നേടിയ കരീന്ദ്രന്റെ നാട് കരിപുരവും ശ്രീകരിപുരവുമായി പിന്നീട് തൃക്കരിപ്പൂരായതെന്നാണ് കരുതുന്നത്.
[തിരുത്തുക] ഐതിഹ്യം
ബ്രാഹ്മണമാരെ കൊണ്ടുവന്നു പ്രതിഷ്ഠിക്കാൻ പരശുരാമൻ മലനാട്ടിൽ സ്ഥാപിച്ച 32 ഗ്രാമങ്ങളിൽ വടക്കെയറ്റത്തു കിടക്കുന്ന പയ്യന്നൂർ ഗ്രാമത്തിന്റെ സമീപ സ്ഥലം കൂടിയാണ് തൃക്കരിപ്പൂർ. പയ്യന്നൂർ കേന്ദ്രീകരിച്ച് ബ്രാഹ്മണാധിപത്യം വിപുലപ്പെടുത്താൻ തുനിഞ്ഞ പരശുരാമൻ സൈന്യ ശേഖരം നടത്തിയ സ്ഥലമത്രെ ഇത്. സൈനീകാവശ്യത്തിന് രാമൻ ഇവിടെയൊരു ഗജശാല സ്ഥാപിക്കുകയും നൂറൂകണക്കിന് ആനകളെ കുടിയിരുത്തുകയും ചെയ്തു. പുഷ്ക്കര ബ്രാഹ്മണന്റെ പ്രാർഥന പ്രകാരം ഗജശാല നിന്നിടത്ത് ക്ഷേത്രം പണിയുകയും വിഷ്ണൂവിന്റെ ആഗ്രഹ പ്രകാരം പരശുരാമൻ ക്ഷേത്ര പ്രതിഷ്ഠ നടത്തുകയും ചെയ്തു അതാണ് പിൽകാലത്ത് ചക്രപാണി ക്ഷേത്രമായി മാറിയത്.
[തിരുത്തുക] സ്ഥലനാമ ഐതിഹ്യം
തൃക്കരിപ്പൂർ എന്ന സ്ഥലനാമം ഇവിടുത്തെ പുരാണ പ്രസിദ്ധമായ ചക്രവാണി ക്ഷേത്രവും തൊട്ടടുത്ത താമരക്കുളവുമായി ബന്ധപ്പെട്ട് കിടക്കുന്നു. കുളത്തിൽനിന്നും താമരപ്പൂക്കൾ പറിച്ച് ചക്രപാണിയെ അർപ്പിച്ച് മോക്ഷം നേടിയ കരീന്ദ്രന്റെ നാട് കരിപുരവും ശ്രീകരിപുരവുമായി പിന്നീട് തൃക്കരിപ്പൂരായതെന്നാണ് കരുതുന്നത്.
[തിരുത്തുക] ബീരിച്ചേരി ജുമാ മസ്ജിദ്
നൂറ്റാണ്ട് പഴക്കമുള്ള ബീരിച്ചേരി ജുമാ മസ്ജിദ് ചരിത്ര പ്രസിദ്ധമാണ്. മതസൗഹാർദ്ദത്തിന് പേരുകേട്ട ജുമാമസ്ജിദിലെ നാലു ശുഹദാ മഖാമിൽ നാനാജാതി മതസ്ഥർ സന്ദർശനത്തിനായി എത്താറുണ്ട് എന്നത് ഏറെ സവിശേഷതയുള്ളതാണ്.
[തിരുത്തുക] പ്രശസ്തർ
താഴേക്കാട്ടു മനയുടെ പഴയ ആസ്ഥാനം തൃക്കരിപ്പൂർ ആയിരുന്നു. ടി.എസ്. തിരുമുമ്പ് എന്ന പ്രശസ്ത കവിയും സ്വാതന്ത്ര്യ സമരസേനാനിയും താഴേക്കാട്ടു മനയിൽ നിന്നാണ്. പ്രശസ്ത കഥകളി കലാകാരനായ ഗുരു ചന്തുപ്പണിക്കർ ജനിച്ചത് തൃക്കരിപ്പൂർ ആണ്.
[തിരുത്തുക] വിദ്യാഭ്യാസ സ്ഥാപനങ്ങൾ
ഒരു എഞ്ജിനിയറിംഗ് കോളെജ് (കോളെജ് ഓഫ് എഞ്ജിനിയറിംഗ്,തൃക്കരിപ്പൂർ), പോളി റ്റെക്നിക്, വി.എച്.എസ്.സി വിദ്യാലയങ്ങൾ, മറ്റു വിദ്യാലയങ്ങൾ തുടങ്ങിയവ തൃക്കരിപ്പൂരിൽ ഉണ്ട്.
[തിരുത്തുക] പൊതുജനാരോഗ്യ കേന്ദ്രങ്ങൾ
- ഗവണ്മെന്റ് ആശുപത്രി , തങ്കയം
- പ്രൈമറി ഹെൽത്ത് സെന്റർ , ഉടുംബന്തല
- എം.സി ഹോസ്പിറ്റൽ , തൃക്കരിപ്പൂർ
- ലൈഫ് കെയർ ഹോസ്പ്പിറ്റൽ , തൃക്കരിപ്പൂർ
[തിരുത്തുക] ഇതും കാണുക
 |
കേരളത്തിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
