തുമ്പ (ചെടി)
| തുമ്പ Leuca Indica |
|
|---|---|
 |
|
| ശാസ്ത്രീയ വർഗ്ഗീകരണം | |
| സാമ്രാജ്യം: | Plantae |
| Division: | Magnoliophyta |
| ക്ലാസ്സ്: | Magnoliopsida |
| നിര: | Ericales |
| കുടുംബം: | Balsaminaceae |
| ജനുസ്സ്: | Leuca |
| വർഗ്ഗം: | L.Indica |
| ശാസ്ത്രീയ നാമം | |
| Leuca Indica |
|
കേരളത്തിൽ മാത്രം വ്യാപകമായി കണ്ടു വരുന്ന ഒരു സസ്യമാണ് തുമ്പ (ഇംഗ്ലീഷ്:Leucas aspera). കേരളത്തിന്റെ ദേശീയോത്സവമായ ഓണവുമായി അഭേദ്യമായ ബന്ധമാണ് തുമ്പപ്പൂവിനും തുമ്പക്കുടത്തിനും ഉള്ളത്. ആയുർവേദ ഔഷധങ്ങളിൽ ഇതിന്റെ ഇലയും വേരും ഉപയോഗിക്കറുണ്ട്. കർക്കിടവാവു ബലി തുടങ്ങി മരണാനന്തര ക്രിയകൾക്ക് ഹൈന്ദവർ തുമ്പപ്പൂ ഉപയോഗിക്കുന്നുണ്ട് [1] എങ്കിലും തുമ്പപ്പൂവിന്റെ ഏറ്റവും പ്രശസ്തമായ ഉപയോഗം അത്തപ്പൂക്കളത്തിൽ അലങ്കാരമായാണ്. തൃക്കാക്കരയപ്പന് ഏറ്റവും പ്രിയങ്കരമായ പുഷ്പം വിനയത്തിന്റെ പ്രതീകമായ തുമ്പയാണ് എന്നാണ് കരുതുന്നത് [2] തുമ്പപ്പൂ കൊണ്ട് കൊങ്ങിണികൾ അടയും ചില പലഹാരങ്ങളും ഉണ്ടാക്കാറുണ്ട്.
ഉള്ളടക്കം |
[തിരുത്തുക] വർഗ്ഗീകരണം
- കരിന്തുമ്പ (Anisomeles malabarica )
- തുമ്പ (Leucas aspera)
- പെരുന്തുമ്പ (Leucas cephalotes)
എന്നിങ്ങനെ മൂന്ന് പ്രധാന തരങ്ങളാണ് കേരളത്തിൽ കണ്ടുവരുന്നത്.
[തിരുത്തുക] വിതരണം
വിജനമായ പ്രദേശങ്ങളിലും തരിശു ഭൂമിയിലും മറ്റും കളയായി വളരുന്നു. ദക്ഷിണേഷ്യൻ രാജ്യങ്ങൾ, ദക്ഷിണപൂർവേഷ്യൻ രാജ്യങ്ങൾ, മൗറീഷ്യസ്, ചൈനയിൽ മിതോഷ്ണമേഖലയിൽ സ്ഥിതിചെയ്യുന്ന ചില പ്രവിശ്യകൾ എന്നിവിടങ്ങളിൽ കണ്ടുവരുന്നു.[3]
[തിരുത്തുക] വിവരണം
30-60 സെ.മീ ഉയരത്തിൽ നിവർന്നു വളരുന്ന ഔഷധിയാണ് ഇത്. സസ്യത്തിലുടനീളം രോമങ്ങൾ കാണപ്പെടുന്നു. എന്നാൽ ഇത് ചർമ്മത്തിന് ചോറിച്ചിൽ ഉണ്ടാക്കുന്നവയല്ല. ഇലകൾക്ക് 3-6 സെ.മീ നീളവും 1-4 സെ.മീ വീതിയും ഉണ്ടാകും, ഇലയുടെ അഗ്രം കൂർത്തതാണ്. അടിഭാഗം രോമിലവും. തണ്ടിൽ സമ്മുഖമായോ വർത്തുളമായോ ഇലകൾ വിന്യസിച്ചിരിക്കുന്നു. പുഷ്പങ്ങൾ ശിഖരാഗ്രങ്ങളിലോ സമ്മുഖപത്രങ്ങളുടെ കക്ഷത്തിലോ ആണ് കുലകളായി കാണപ്പെടുന്നത്.
തണ്ടുകൾ ചതുരാകൃതിയിലാണ്. [4]
[തിരുത്തുക] രാസഘടകങ്ങൾ
പുഷ്പത്തിൽ ഒരു സുഗന്ധദ്രവ്യവും ആൽക്കലോയ്ഡും അടങ്ങിയിരിക്കുന്നു. ഇലയിൽ ഗ്ലൂക്കോസൈഡ് ഉണ്ട്, ഇത് അണുനാശിനിയായി വർത്തിക്കുന്നു.
[തിരുത്തുക] ഔഷധപ്രയോഗങ്ങൾ
- തേൾ കുത്തിയ ഭാഗത്ത് തുമ്പയില അരച്ചു പുരട്ടുന്നത് വിഷം ശമിപ്പിക്കുന്നു.
- പ്രസവാനന്തരം അണുബധയൊഴിവാക്കാൻ തുമ്പയിലയിട്ട വെള്ളം തിളപ്പിച്ചു കുളിക്കുന്നത് നല്ലതാണ്.
- ദ്രോണദുർവാധി തൈലത്തിലെ പ്രധാന ചേരുവയാണ് തുമ്പ.
[തിരുത്തുക] അവലംബം
- ↑ "Thumba (Leuca Indica) -Flowers of Kerala" (ഇംഗ്ലീഷ് ഭാഷയിൽ). www.keralaayurvedics.com. http://www.keralaayurvedics.com/herbs-plants/flowers/thumba-leuca-indica-flowers-of-kerala.html, ശേഖരിച്ചത്: 2007.
- ↑ "FESTIVALS - Onam Pookalam" (ഇംഗ്ലീഷ് ഭാഷയിൽ). www.kuruppampady.com. http://www.kuruppampady.com/festivals_onam_pookalam.php, ശേഖരിച്ചത്: 2007.
- ↑ http://www.ars-grin.gov/cgi-bin/npgs/html/taxon.pl?401732
- ↑ ഔഷധ സസ്യങ്ങളുടെ അത്ഭുത പ്രപഞ്ചം - മാത്യു മടുക്കക്കുഴി, കറന്റ് ബുക്സ്
[തിരുത്തുക] ചിത്രസഞ്ചയം
-
-
കറുത്ത ഉറുമ്പുകൾ തുമ്പപ്പൂവിൽ നിന്ന് തേൻ നുകരുന്നത് പതിവാണ്.
 |
സസ്യങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
