ഡി.എന്.എ. കംപ്യൂട്ടിങ്ങ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
സിലിക്കണ് അടിസ്ഥാനമാക്കിയുള്ള പരമ്പരാഗത കമ്പ്യൂട്ടര് പ്രയുക്തശാസ്ത്രത്തില് നിന്നും വിഭിന്നമായി ഡി.എന്.എ., ജൈവരസതന്ത്രം,തന്മാത്ര ജെവശാസ്ത്രം എന്നിവ ഉപയോഗിച്ചുള്ള കമ്പ്യൂടിങിനേയാണ് ഡി എന് എ കമ്പ്യൂടിങ് എന്ന് പറയുന്നത്. ഡി എന് എ കംപ്യൂടിങിനെ തന്മാത്ര കംപ്യൂടിങ് എന്നും പറയുന്നു. ഈ ശാഖ അതിവേഗം വികസിച്ചുകൊണ്ടിരിക്കുന്ന ഒന്നാണ്. ഈ മേഖലയിലുള്ള വികസനവും ഗവേഷണവും സിദ്ധാന്തങ്ങള്, പരീക്ഷണങ്ങള്, പ്രയോഗങ്ങള് എന്നിവയിലൂടെ പുരോഗമിച്ചുകൊണ്ടിരിക്കുന്നു.
ഉള്ളടക്കം |
[തിരുത്തുക] ചരിത്രം
1994-ല് ദക്ഷിണ കാലിഫോര്ണിയ യൂണിവേഴ്സിറ്റിയിലെ കമ്പ്യൂട്ടര് ശാസ്ത്രജ്ഞനായ ലിയോനാര്ഡ് അഡിള്മാനാണ് ഡി.എന്.എ. കംപ്യൂട്ടിംഗ് എന്ന ആശയത്തിന് തുടക്കമിട്ടത്. 7പോയന്റ് ഹാമില്ടോണിയന് പ്രശ്നത്തിനു ഒരു നിര്ദ്ധാരണം എന്ന നിലയിലാണ് ആഡല്മാന് അദ്യമായി ഈ ആശയം തെളിവോടെ അവതരിപ്പിച്ചത്. പ്രധാനവഴി ഡി എന് എ ഇഴകളിലുള്ള വസ്തുതകളെ കോഡ് ചെയ്ത് സംഗണകക്രിയകള് ചെയ്യാന് പര്യാപ്തമാക്കുക എന്നതാണ്. സങ്കീര്ണ്ണമായ ഗണിത പ്രശ്നങ്ങള് പരിഹരിക്കാനായിരുന്നു അഡിള്മാന് ഇതുപയോഗിച്ചത്.[1]
ഡി.എന്.എയുടെ സാധ്യതകളെക്കുറിച്ചുള്ള അഡിള്മാന്റെ അന്വേഷണഫലങ്ങള് 1994-ലെ സയന്സ് ജേണലില് പ്രസിദ്ധീകരിച്ചു.
പരമ്പരാഗത സിലികണ് അടിസ്ഥാന കംപ്യൂടറുകള്ക്ക് നിരവധി പരിമിതികള് ഉണ്ട്.1994ല് ഡി എന് എയിലുള്ള ബേസുകളുടെ ഒരു ശ്രേണിയായി വസ്തുതകളെ ആഡല്മാന് അവതരിപ്പിച്ചപ്പോള് ലളിതവും ഫലപ്രദവുമായി എങ്ങനെ ഡി എന് എ സമാന്തര ക്രിയകള്ക്കായി ഉപയോഗിക്കാം എന്ന് കാണിച്ചുതന്നു. തന്മാത്രാ ജീവശാസ്ത്രം സംഗണകക്രിയകളില് ഉപയോഗിച്ചതിനു 2 കാരണങ്ങള് ഉണ്ട്.
- ഡി എന് എയുടെ വിവരസാന്ദ്രത സിലികണിന്റേതിനേക്കാള് കൂടുതലാണ്.
- ഡി എന് എ യിലുള്ള ക്രിയകള് സമാന്തരങ്ങളാണ്.
2002-ല് ഇസ്രായേലിലെ വെയ്സ്മാന് ഇന്സ്റ്റിറ്റ്യൂട്ട് ഓഫ് സയന്സിലെ ഗവേഷകര് സിലിക്കണ് മൈക്രോ ചിപ്പിനു പകരം എന്സൈമുകളും ഡി.എന്.എ. മോളിക്യൂളുകളും ഉപയോഗിച്ച് പ്രോഗ്രാം ചെയ്യാവുന്ന മോളിക്യുലാര് കമ്പ്യൂട്ടിംഗ് ഉപകരണം വികസിപ്പിച്ചു.[2]സെക്കന്ഡില് 330 ട്രില്യണ് പ്രവര്ത്തനങ്ങള് ചെയ്യാന് പര്യാപ്തമായിരുന്നു ഈ ഉപകരണം.
വെയ്സ്മാന് ഇന്സ്റ്റിറ്റ്യൂട്ട് ഓഫ് സയന്സിലെ ഗവേഷകരായ എഹൂദ ഷാപിറോ, യാക്കോവ് ബെനന്സണ്, ബിന്യാമിന് ഗില്, യൂറി ബെന്-ഡൊര് എന്നിവര് ചേര്ന്ന് ഡി.എന്.എ. കംപ്യൂട്ടര് നിര്മ്മിച്ചെന്ന് ശാസ്ത്ര മാഗസിനായ നാച്വര് ജേണലിലൂടെ അവകാശം ഉന്നയിച്ചു.[3]
[തിരുത്തുക] നേട്ടങ്ങള്
ലോകത്തിന്നേവരെ നിര്മ്മിച്ച കമ്പ്യൂട്ടറുകളുടെ ഡേറ്റ സൂക്ഷിക്കാനുള്ള കഴിവ് ഒരു പൌണ്ട് ഡി.എന്.എയുടെ സംഭരണ ശേഷിക്കടുത്തു വരില്ല. ഡി.എന്.എയുടെ ലഭ്യതയും ഇവിടെ അനുകൂല ഘടകമാണ്.
[തിരുത്തുക] ഇതു കൂടി കാണൂ
[തിരുത്തുക] അവലംബം
- ↑ ലിയോനാര്ഡ് എം. അഡിള്മാന് (1994-11-11). "Molecular Computation Of Solutions To Combinatorial Problems". Science (journal) 266 (11): 1021–1024. — The first DNA computing paper. Describes a solution for the directed Hamiltonian path problem.
- ↑ Computer Made from DNA and Enzymes
- ↑ യാക്കോവ് ബെനന്സണ്, ബിന്യാമിന് ഗില്, യൂറി ബെന്-ഡൊര്, Rivka Adar, എഹൂദ ഷാപിറോ (2004-04-28). "An autonomous molecular computer for logical control of gene expression". Nature (journal) 429: 423–429.
[തിരുത്തുക] അധിക വിവരങ്ങള്
- Martyn Amos (June 2005). Theoretical and Experimental DNA Computation. Springer. ISBN 3-540-65773-8. http://www.springeronline.com/sgw/cda/frontpage/0,11855,3-0-22-1995351-0,00.html. — The first general text to cover the whole field.
- Gheorge Paun, Grzegorz Rozenberg, Arto Salomaa (October 1998). DNA Computing - New Computing Paradigms. Springer-Verlag. ISBN 3-540-64196-3. — The book starts with an introduction to DNA-related matters, the basics of biochemistry and language and computation theory, and progresses to the advanced mathematical theory of DNA computing.
- JB. Waldner (January 2007). Nanocomputers and Swarm Intelligence. ISTE. pp. 189. ISBN 2-7462-1516-0.
[തിരുത്തുക] പുറം കണ്ണികള്
[തിരുത്തുക] External links
- ഹൌ സ്റ്റഫ് വര്ക്ക്സ് വിശദീകരണം
- ഫിസിക്സ് വെബ്
- Ars Technica
- A Bibliography of Molecular Computation and Splicing Systems
- NY Times DNA Computer for detecting Cancer
- Bringing DNA computers to life, in Scientific American
- Japanese Researchers store information in bacteria DNA
- International Meeting on DNA Computing
 |
കമ്പ്യൂട്ടര് ശാസ്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
 |
ജൈവരസതന്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
