ടി.വി. രാജേഷ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ടി.വി. രാജേഷ്

കേരളത്തിൽ നിന്നുള്ള ഒരു സി.പി.ഐ.എം നേതാവാണ് ടി.വി. രാജേഷ്. ഡി.വൈ.എഫ്.ഐ-യുടെ കേരള സംസ്ഥാന സെക്രട്ടറിയായി 2007 മുതൽ പ്രവർത്തിക്കുന്നു[1] [2].

2011-ലെ നിയസഭാ തിരഞ്ഞെടുപ്പിൽ കണ്ണൂർ ജില്ലയിലെ കല്ല്യാശ്ശേരിയിൽ നിന്ന് ജയിച്ച് ആദ്യമായി നിയസഭയിലെത്തി.

ജീവിത ചരിത്രം[തിരുത്തുക]

കണ്ണൂർ ജില്ലയിൽ കണ്ണൂർ താലൂക്കിൽ വി.പി.ചാത്തുക്കുട്ടിയുടെയും ടി.വി.മാധവിയുടെയും നാലാമത്തെ മകനായി 1974 ഫെബ്രുവരി മാസം 25-ന് ജനിച്ചു. ബി.എ., എൽ.എൽ.ബി. ബിരുദങ്ങളുണ്ട്[1]. ഷീന ഭാര്യയും, ദിയ മകളുമാണ്.

രാഷ്ട്രീയ ചരിത്രം[തിരുത്തുക]

2002-2005 കാലയളവിൽ എസ്.എഫ്.ഐ-യുടെ കേരള സംസ്ഥാന സെക്രട്ടറിയായി പ്രവർത്തിച്ചിട്ടുണ്ട്[1]. 2007 ജൂലൈ മുതൽ ഡി.വൈ.എഫ്.ഐ-യുടെ കേരള സംസ്ഥാന സെക്രട്ടറിയായി പ്രവർത്തിക്കുന്നു[1]. സി.പി.ഐ.(എം) കണ്ണൂർ ജില്ലാ കമ്മിറ്റി അംഗമാണ്. 86 ദിവസം ജയിലിൽ കഴിഞ്ഞിട്ടുണ്ട്[അവലംബം ആവശ്യമാണ്]. 2003 ജൂലൈ 30 മുതൽ ആഗസ്ത് 10 വരെ 12 ദിവസം സെക്രട്ടറിയേറ്റ് നടയിൽ നിരാഹാരസത്യാഗ്രഹം കിടന്നു[അവലംബം ആവശ്യമാണ്].

2011-ൽ കേരള നിയമസഭയിലേക്ക് നടന്ന തിരഞ്ഞെടുപ്പിൽ കണ്ണൂർ ജില്ലയിലെ കല്യാശേരി നിയമസഭാ മണ്ഡലത്തിൽ നിന്നും ഇന്ത്യൻ നാഷണൽ കോൺഗ്രസ് (ഐ)-ലെ പി. ഇന്ദിരയെ 29946 വോട്ടുകൾക്ക് പരാജയപ്പെടുത്തി[1].

അവലംബം[തിരുത്തുക]

  1. 1.0 1.1 1.2 1.3 1.4 "T.V. Rajesh". Information System Section, Kerala Legislative Assembly, Thiruvananthapuram. ശേഖരിച്ചത് 27 December 2011. 
  2. "T.V. Rajesh, M.B. Rajesh re-elected". The Hindu. ശേഖരിച്ചത് 6 ജനുവരി 2011. 
"http://ml.wikipedia.org/w/index.php?title=ടി.വി._രാജേഷ്&oldid=1624368" എന്ന താളിൽനിന്നു ശേഖരിച്ചത്