ജർണയിൽസിങ് ഭിന്ദ്രൻവാല

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jarnail Singh Bhindranwale
പ്രമാണം:Sant Jarnail Singh Bhindranwale.jpg
ജനനം Jarnail Singh
1947 ഫെബ്രുവരി 12(1947-02-12)
Rode, Moga District, Punjab (British India)
മരണം 1984 ജൂൺ 6(1984-06-06) (പ്രായം 37)
Amritsar, Punjab, India
വംശം Punjabi
പൗരത്വം India
തൊഴിൽ Head of Damdami Taksal
മതം Sikhism
ജീവിതപങ്കാളി(കൾ) Pritam Kaur
കുട്ടി(കൾ) Ishar Singh and Inderjit Singh[1]
മാതാപിതാക്കൾ Joginder Singh and Nihal Kaur
പുരസ്കാര(ങ്ങൾ) Martyr (by Akal Takht)[2]


സിഖ് പുരോഹിതനും,സുവർണ്ണക്ഷേത്രം കേന്ദ്രീകരിച്ചു നടന്ന രാഷ്ട്രീയ പ്രക്ഷോഭണങ്ങളുടെ സൂത്രധാരനുമായിരുന്ന സന്ത് ജർണയിൽസിങ് ഭിന്ദ്രൻവാല പഞ്ചാബിലെ മോഗ ജില്ലയിലെ റോഡെയിൽ ജനിച്ചു.(12 ഫെബ്രുവരി 1947-6 ജൂൺ 1984) ജോഗീന്ദർ സിംഗ് ബ്രാർ,നിഹാൽ കൗർ എന്നിവരായിരുന്നു മാതാപിതാക്കൾ.[1] സിഖ് മതാചാരപ്രവർത്തനങ്ങളിൽ ആകൃഷ്ടനായിരുന്ന ജർണയിൽ തക്സൽ അദ്ധ്യക്ഷനായിരുന്ന കർത്താർ സിംഗിന്റെ കീഴിൽ മതപഠനം തുടരുകയും.കർത്താർ സിംഗിന്റെ മരണശേഷം തക്സലിന്റെ അദ്ധ്യക്ഷനായി ഭിന്ദ്രൻവാല അവരോധിയ്ക്കപ്പെടുകയും ചെയ്തു.[3]

പൊതുരംഗത്ത്[തിരുത്തുക]

സിഖ് സംഘടനയായ ദംദമി തക്സലിന്റെ അദ്ധ്യക്ഷനായതോടുകൂടിയാണ് ഭിന്ദ്രൻവാല ജനശ്രദ്ധ ആകർഷിയ്ക്കുന്നത്. മതപ്രഭാഷകൻ എന്നനിലയിൽ ഗ്രാമങ്ങൾ തോറും സഞ്ചരിച്ച് യുവാക്കളെ കേന്ദ്രീകരിച്ച് അത്മീയവിദ്യാഭ്യാസം നേടുന്നതിന്റെ പ്രാധാന്യത്തെക്കുറിച്ചും,ചെറുപ്പക്കാർക്കിടയിലെ ദു:ശീലങ്ങൾക്കെതിരേയും അവരെ ബോധവത്കരിയ്ക്കുന്നതിനും തീവ്രശ്രമം നടത്തുകയുണ്ടായി. അനന്ത്പൂർ സാഹിബ് പ്രമേയത്തെ പൂർണ്ണമായി പിന്തുണച്ചിരുന്ന ഭിന്ദ്രൻവാല , സിഖ് മതത്തെ ഹിന്ദുമതത്തിലെ ഒരു ന്യൂനപക്ഷമതമായി പരിഗണിയ്ക്കുന്ന ഭരണഘടനയുടെ 25 അനുഛേദത്തെ അതിരൂക്ഷമായി എതിർത്തുപോന്നു.1982 ഓഗസ്റ്റിൽ അനന്ത്പൂർ സാഹിബ് പ്രമേയത്തെ ചുവട് പിടിച്ചുകൊണ്ട് അകാലി ദളിനോടൊപ്പം ചേർന്ന് ധർമ യുദ്ധ് മോർച്ച എന്നപേരിലറിയപ്പെട്ട പ്രക്ഷോഭപരിപാടികളിൽ പങ്കെടുക്കുകയുണ്ടായി.[4]

ഖാലിസ്താൻ വാദം[തിരുത്തുക]

ഖാലിസ്താൻ എന്ന പേരിൽ ഒരു പ്രത്യേക സിഖരാഷ്ട്രത്തിന്റെ രൂപീകരണവുമായി ബന്ധപ്പെട്ട് ഭിന്ദ്രൻവാലയുടെ പേരു സജീവമായി ഉയർന്നെങ്കിലും, അദ്ദേഹം ഇതിനെ പിന്തുണയ്ക്കുകയോ, നിരസിയ്ക്കുകയോ ചെയ്തില്ല എന്നൊരു വസ്തുതയും ഇതോടൊപ്പം ചർച്ചചെയ്യപ്പെട്ടിരുന്നു.[5].

1982 ജുലയ് മാസത്തിൽ ഭിന്ദ്രൻവാല ആയുധധാരികളായ അനേകം അനുയായികളുമായി സുവർണ്ണക്ഷേത്രത്തിലെ ഗുരു നാനാക് നിവാസിലേയ്ക്കു പ്രവർത്തനരംഗം മാറ്റുകയുണ്ടായി. സിഖ്പ്രക്ഷോഭങ്ങൾ ശക്തിയാർജ്ജിയ്ക്കുകയും ഇതിനെത്തുടർന്നു പഞ്ചാബിലെങ്ങും അസ്വസ്ഥത കത്തിപ്പടരുകയും സുവർണ്ണക്ഷേത്രത്തിലെ സൈനിക നടപടിയിലേയ്ക്ക് ഇതു വഴിവയ്ക്കുകയും ചെയ്തു.

മരണം[തിരുത്തുക]

സുവർണ്ണക്ഷേത്രത്തിലെ സൈനിക നീക്കമായ ഓപ്പറേഷൻ ബ്ലൂ സ്റ്റാറിനെത്തുടർന്നു 1984 ജൂൺ 6 നു ജർണയിൽ സിംഗ് ഭിന്ദ്രൻവാല കൊല്ലപ്പെട്ടു.

അവലംബം[തിരുത്തുക]

  1. 1.0 1.1 Singh, Sandeep. "Saint Jarnail Singh Bhindranwale (1947–1984)". Sikh-history.com. ശേഖരിച്ചത് 2007-03-18. 
  2. Akal Takht declares Bhindranwale 'martyr'
  3. Deol, Harnik (2000). Religion and Nationalism in India: The Case of the Punjab. Routledge. p. 168. ഐ.എസ്.ബി.എൻ. 0-415-20108-X. 
  4. Akshayakumar Ramanlal Desai (1 January 1991). Expanding Governmental Lawlessness and Organized Struggles. Popular Prakashan. pp. 64–66. ഐ.എസ്.ബി.എൻ. 978-81-7154-529-2. 
  5. Globalization and Religious nationalism in India: The Search for Ontological Security by Catarina Kinnvall. Routledge, ISBN 978-1-134-13570-7. Page 119

പുറംകണ്ണികൾ[തിരുത്തുക]

"http://ml.wikipedia.org/w/index.php?title=ജർണയിൽസിങ്_ഭിന്ദ്രൻവാല&oldid=1787737" എന്ന താളിൽനിന്നു ശേഖരിച്ചത്