ജോര്ജ്ജ് ബൈറണ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ലോഡ് ബൈറണ് | |
|---|---|
 |
|
| തൊഴില് | കവി, വിപ്ലവകാരി |
ജോര്ജ്ജ് ഗോര്ഡണ് ബൈറണ്, 6-ആം ബാരണ് ബൈറണ് (ജനുവരി 22 1788 – ഏപ്രില് 19 1824) ബ്രിട്ടീഷ് കവിയും കാല്പനികതാ പ്രസ്ഥാനത്തിന്റെ നായകരില് ഒരാളുമായിരുന്നു. ബൈറണിന്റെ പ്രശസ്ത കൃതികളില് ആഖ്യാന കവിതകളായ ചില്ഡെ ഹാരോള്ഡ്സ് പില്ഗ്രിമേജ്, ഡോണ് ജുവാന് എന്നിവ ഉള്പ്പെടുന്നു. ഡോണ് ജുവാന് എന്ന കൃതി ബൈറണിന്റെ മരണസമയത്ത് പൂര്ത്തിയാക്കാന് സാധിച്ചില്ല. യൂറോപ്യന് കവികളില് ഏറ്റവും മഹാന്മാരുടെ ഗണത്തിലാണ് ബൈറണ് കരുതപ്പെടുന്നത്.
തന്റെ കൃതികള്ക്കു പുറമേ ജീവിതശൈലികൊണ്ടും ബൈറണ് പ്രശസ്തനായിരുന്നു. ധാരാളിത്തം നിറഞ്ഞ ജീവിതം, ഒട്ടേറെ പ്രണയങ്ങള്, സാമ്പത്തികബാധ്യത, വിവാഹമോചനം, സ്വകുടുംബത്തിലുള്ളവരുമായി ലൈംഗീക ബന്ധത്തിലേര്പ്പെട്ടു (incest) എന്ന ആരോപണം, പ്രകൃതിവിരുദ്ധമായ ലൈംഗീകപ്രവര്ത്തികള് (sodomy) നടത്തി എന്ന ആരോപണം എന്നിങ്ങനെ പലതും ബൈറണെ പ്രശസ്തനും കുപ്രസിദ്ധനുമാക്കി. ലേഡി കാരളിന് ലാംബ് "ഭ്രാന്തന്, വഷളന്, അറിയുന്നത് അപകടകരം" എന്നാണ് ബൈറണെ പ്രശസ്തമായി വിശേഷിപ്പിച്ചത്. ഇറ്റലിയും ആസ്ത്രിയയുമായുള്ള യുദ്ധത്തില് ഇറ്റലിയിലെ വിപ്ലവസംഘടനയായ കാര്ബണാരിയില് ബൈറണ് ഒരു പ്രാദേശിക നേതാവായി പ്രവര്ത്തിച്ചു. പിന്നാലെ തുര്ക്കികള്ക്കെതിരായി ഗ്രീക്ക് സ്വാതന്ത്ര്യ സമരത്തില് യുദ്ധം ചെയ്യാന് ബൈറണ് ഗ്രീസിലേക്ക് സഞ്ചരിച്ചു. ഗ്രീക്കുകാര് ബൈറണെ ഒരു ദേശീയ ഹീറോ ആയി കരുതുന്നു. പനി ബാധിച്ച് ഗ്രീസിലെ മെസ്സൊളോങ്ങി എന്നസ്ഥലത്തുവെച്ച് ബൈറണ് അന്തരിച്ചു.
[തിരുത്തുക] പ്രധാന കൃതികള്
 |
ജീവചരിത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
