ജൈനിമേട് ജൈനക്ഷേത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ജൈനിമേടിലെ ജൈനക്ഷേത്രത്തിന്റെ ചിത്രം

കേരളത്തിൽ പാലക്കാട് ജില്ലയിൽ പാലക്കാട് നഗരത്തിന്റെ പടിഞ്ഞാറേ അതിർത്തിയിലായി പാലക്കാട് റെയിൽ‌വേ സ്റ്റേഷനു സമീപമായി ജൈനിമേട് എന്ന സ്ഥലത്തു് സ്ഥിതിചെയ്യുന്ന ചരിത്രപ്രാധാന്യമുള്ള ഒരു ജൈന ക്ഷേത്രമാണു് ജൈനിമേട് ജൈനക്ഷേത്രം. ഈ ക്ഷേത്രത്തിനു ചുറ്റുമുള്ള ഭൂവിഭാഗം ജൈനിമേട് എന്ന് അറിയപ്പെടുന്നു. കേരളത്തിൽ അധികം പ്രചാരമില്ലാത്ത ജൈനമതം ഇന്നും നിലനിൽക്കുന്ന വളരെ ചുരുക്ക ചില സ്ഥലങ്ങളിൽ ഒന്നാണ് ഇത്.

ജൈനക്ഷേത്രത്തിലെ വിഗ്രഹങ്ങളുടെ ചിത്രം. ക്ഷേത്രത്തിന്റെ പുനരുദ്ധാരണപ്രവർത്തനം നടക്കുന്നതിനാൽ വിഗ്രഹങ്ങൾ ക്ഷേത്രത്തിനു് സമീപമുള്ള ഒരു ജൈനഭവനത്തിൽ സൂക്ഷിച്ചിരിക്കുന്നു.

ക്ഷേത്രത്തിലെ കരിങ്കൽ മതിലുകളിൽ അലങ്കാരങ്ങളോ കൊത്തുപണികളോ ഇല്ല. 32 അടി നീളവും 20 അടി വീതിയും ഉള്ള ഈ ക്ഷേത്രം നാലായി വിഭജിച്ചിരിക്കുന്നു. ഇവയിൽ മൂന്നെണ്ണത്തിൽ ജൈന തീർത്ഥങ്കരന്മാരുടെയും യക്ഷിണികളുടെയും രൂപങ്ങൾ ഉണ്ട്. ഇവിടെ ഒരു ജൈന ഭവനത്തിൽ ശ്രീനാരായണ ഗുരുവും ഒത്ത് താമസിച്ചിരുന്ന സമയത്താണ് കുമാരനാശാൻ തന്റെ പ്രശസ്ത കൃതിയായ വീണപൂവ് എഴുതിയത്.

അവലംബം[തിരുത്തുക]

"https://ml.wikipedia.org/w/index.php?title=ജൈനിമേട്_ജൈനക്ഷേത്രം&oldid=3804535" എന്ന താളിൽനിന്ന് ശേഖരിച്ചത്