ജി. ദേവരാജൻ

ഇംഗ്ലീഷ് വിലാസം

http://ml.wikipedia.org/wiki/G._Devarajan

ജി. ദേവരാജൻ
ജീവിതരേഖ
സ്വദേശം	പരവൂർ, കൊല്ലം, കേരളം, ഇന്ത്യ
തൊഴിലുകൾ	ചലച്ചിത്ര സംഗീത സം‌വിധായകൻ, സംഗീത സം‌വിധായകൻ
ഉപകരണം	ഹാർമോണിയം
സജീവമായ കാലയളവ്	1959 – 2006
വെബ്സൈറ്റ്	ദേവരാജനെക്കുറിച്ചുള്ള വെബ്‌പേജ്

പരവൂർ ഗോവിന്ദൻ ദേവരാജൻ, (ജി. ദേവരാജൻ അഥവാ ദേവരാജൻ മാസ്റ്റർ) മലയാളത്തിലെ പ്രശസ്ത ചലച്ചിത്ര സംഗീത സംവിധായകനായിരുന്നു. മുന്നൂറിലേറെ മലയാള ചലച്ചിത്രങ്ങൾക്ക് ദേവരാജൻ മാസ്റ്റർ ഈണം പകർന്നിട്ടുണ്ട്. ഇതിനു പുറമേ പല നാടകങ്ങൾക്കും 20 തമിഴ് ചലച്ചിത്രങ്ങൾക്കും 4 കന്നഡ ചലച്ചിത്രങ്ങൾക്കും അദ്ദേഹം സംഗീത സംവിധാനം ചെയ്തു. മലയാളത്തിലെ നിത്യഹരിതഗാനങ്ങളാണ് ദേവരാജൻ മാസ്റ്ററുടെ ഗാനങ്ങളിൽ പലതും. തമിഴ് ചിത്രമായ 'അണ്ണൈ വേളാങ്കണ്ണി' എന്ന ചിത്രത്തിലെ ഗാനം വളരെ പ്രശസ്തമായിരുന്നു. കേരള സർക്കാരിന്റെ ഏറ്റവും നല്ല ചലച്ചിത്ര സംഗീത സംവിധായകനുള്ള പുരസ്കാരം ദേവരാജൻ മാസ്റ്റർ 5 തവണ നേടിയിട്ടുണ്ട്.

ആദ്യകാലം

കൊല്ലം ജില്ലയിലെ പരവൂരിൽ1925 ഒക്ടോബർ 27ന് ജനിച്ചു. പിതാവ് മൃദംഗ വിദ്വാനായിരുന്ന കൊച്ചുഗോവിന്ദനാശാൻ. മാതാവ് കൊച്ചുകുഞ്ഞ്. പ്രാഥമിക വിദ്യാഭ്യാസം ഗൃഹത്തിലും, തെക്കുംഭാഗം ലോവർ പ്രൈമറി സ്കൂളിലുമായി. ശേഷം കോട്ടപ്പുറം ഹൈസ്കൂളിൽ. തിരുവനന്തപുരം ശ്രീമൂലവിലാസം ഹൈസ്കൂളിൽ നിന്ന് ഇംഗ്ലീഷ് സ്കൂൾ ലീവിങ്ങ് സർട്ടിഫിക്കറ്റ് നേടി. 1946-1948ൽ തിരുവനന്തപുരം യൂണിവേഴ്സിറ്റി കലാലയത്തിൽ നിന്ന് ഇന്റർമീഡിയറ്റ് ഒന്നാം തരത്തിൽ ജയിച്ചു. എഞ്ചിനീയറിങ്ങിന് പ്രവേശനം ലഭിച്ചുവെങ്കിലും എം.ജി. കലാലയത്തിൽ സാമ്പത്തിക ശാസ്ത്രം ഐച്ഛിക വിഷയമായെടുത്ത് പഠിച്ചു.

ദേവരാജൻ തന്റെ ആദ്യത്തെ ശാസ്ത്രീയ സംഗീത കച്ചേരി 18-ആം വയസ്സിൽ നടത്തി. കമ്യൂണിസ്റ്റ് പ്രസ്ഥാനത്തിലേക്ക് ആകൃഷ്ടനായ ദേവരാജൻ തന്റെ സർഗ്ഗാത്മകത ജനകീയ സംഗീതത്തിനായി സമർപ്പിച്ചു. കേരളത്തിലെ പ്രശസ്ത നാടകവേദിയായിരുന്ന കേരളാ പീപ്പിൾസ് ആർട്സ് ക്ലബ് (കെ.പി.എ.സി)-യിൽ ദേവരാജൻ ചേർന്നു. അദ്ദേഹത്തെ പ്രശസ്തനാക്കിയ നാടകഗാനം പൊന്നരിവാളമ്പിളിയിൽ കണ്ണെറിയുന്നോളെ എന്ന ഗാനമായിരുന്നു. കെ.പി.എ.സി-യ്ക്കും അതിന്റെ അംഗങ്ങൾക്കും കമ്യൂണിസ്റ്റ് തത്ത്വശാസ്ത്രങ്ങളോട് ഒരു ചായ്‌വുണ്ടായിരുന്നു. കെ.പി.എ.സിയുടെ നാടകങ്ങൾ കമ്യൂണിസ്റ്റ് തത്ത്വശാസ്ത്രങ്ങളെ മലയാളികളുടെ ഇടയിൽ പ്രചരിപ്പിക്കുന്നതിൽ ഒരു പ്രധാന പങ്കുവഹിച്ചു. തന്റെ ഗാനങ്ങളിലൂടെ ദേവരാജൻ മലയാള നാടകവേദിയിൽ ഒരു മായാത്ത മുദ്ര പതിപ്പിച്ചു. തോപ്പിൽ ഭാസി രചിച്ച നിങ്ങളെന്നെ കമ്യൂണിസ്റ്റാക്കി എന്ന നാടകം ദേവരാജന്റെ സംഗീത ജീവിതത്തിൽ ഒരു വഴിത്തിരിവായിരുന്നു. കാളിദാസ കലാകേന്ദ്രം എന്ന നാടക സമിതി രൂപീകരിക്കാൻ മുൻകൈയ്യെടുത്തിരുന്നു..

ചലച്ചിത്രത്തിൽ

ദേവരാജൻ സംഗീത സംവിധാനം ചെയ്ത ആദ്യ ചലച്ചിത്രം കാലം മാറുന്നു (1955) ആയിരുന്നു. പ്രശസ്ത ഗാനരചയിതാവായ വയലാർ രാമവർമ്മയുമായി ഒന്നുചേർന്ന് ദേവരാജൻ ചതുരംഗം എന്ന ചിത്രത്തിനു സംഗീത സംവിധാനം ചെയ്തു 1959. വയലാറിന്റെ പങ്കാളിയായി ചെയ്ത രണ്ടാമത്തെ ചിത്രം - ദേവരാ‍ജന്റെ മൂന്നാമത്തെ ചിത്രം - ഭാര്യ (1962) ആയിരുന്നു. ഇത് ഒരു വൻ സാമ്പത്തിക വിജയമായി. വയലാർ-ദേവരാജൻ ജോഡിയെ ഈ ചിത്രം ജനപ്രിയമാക്കി. ചലച്ചിത്രഗാനങ്ങൾക്ക് സമൂഹത്തിൽ സമ്മതിനേടുവാൻ ആഗ്രഹിച്ചിരുന്നവരുടെ മനസ്സിൽ ദേവരാജന്റെ സംഗീതം അദ്ദേഹത്തിന് ഒരു സ്ഥാനം നേടിക്കൊടുത്തു. ദേവരാജൻ-വയലാർ ജോഡിയുടെ സംഗീത കാലഘട്ടം മലയാള സിനിമാ സംഗീതത്തിന്റെ സുവർണ്ണ കാലഘട്ടമായിരുന്നു. മലയാളത്തിലെ പ്രശസ്തഗായകരാ‍യ കെ.ജെ. യേശുദാസ്, പി. ജയചന്ദ്രൻ തുടങ്ങിയവർ ദേവരാജനെ തങ്ങളുടെ തലതൊട്ടപ്പനായി കരുതുന്നു. ദേവരാ‍ജന്റെ സംഗീതമാന്ത്രികതയായിരുന്നു ആ കാലഘട്ടത്തിലെ ഗായകരുടെ ഏറ്റവും നല്ല ഗാനങ്ങളിൽ പലതും പുറത്തുകൊണ്ടുവന്നത്.

മലയാള ചലച്ചിത്ര ഗാനങ്ങളിൽ ഏറ്റവും കൂടുതൽ രാഗങ്ങൾ ഉപയോഗിച്ചത് ഒരുപക്ഷേ ദേവരാജനായിരിക്കും. അദ്ദേഹത്തിന്റെ സംഗീതം പലപ്പോഴും നാടൻ പാട്ടുകളുടെ ഈണങ്ങളും പാശ്ചാത്യ സംഗീതവും കർണ്ണാടക - ഹിന്ദുസ്ഥാനി സംഗീതവുമായി ഒന്നിച്ചുചേർത്തു. ഒരു നിരീശ്വരവാദി ആയിരുന്നെങ്കിലും മലയാളത്തിലെ പ്രശസ്തമായ പല ഭക്തിഗാനങ്ങൾക്കും ഈണം പകർന്നത് ദേവരാജനാണ്. ഗുരുവായൂരമ്പലനടയിൽ, നിത്യ വിശുദ്ധയാം കന്യാമറിയമേ, തുടങ്ങിയ ഭക്തിഗാനങ്ങൾ ദേവരാജൻ ചിട്ടപ്പെടുത്തിയവയാണ്. ഇവ ആ വിഭാഗത്തിൽ ക്ലാസിക്കുകളായി കരുതപ്പെടുന്നു. വാക്കുകളും സംഗീതവും സന്ദർഭത്തിന് അനുയോജ്യമായ രീതിയിൽ ചിട്ടപ്പെടുത്തുന്നതിൽ വിദഗ്ദ്ധനായിരുന്നു ദേവരാജൻ. മലയാളത്തിലെ എക്കാലത്തെയും മികച്ച ചലച്ചിത്ര ഗാനങ്ങളിൽ ചിലതാണ് ശംഖുപുഷ്പം കണ്ണെഴുതുമ്പോൾ, സന്യാസിനിനിൻ പുണ്യാശ്രമത്തിൽ, സംഗമം ത്രിവേണീ സംഗമം, ചന്ദ്രകളഭം ചാർത്തിയുറങ്ങും തീരം തുടങ്ങിയ ദേവരാജൻ ഗാനങ്ങൾ. വയലാറിനുപുറമേ ഒ.എൻ.വി. കുറുപ്പ്, പി. ഭാസ്കരൻ തുടങ്ങിയ ഗാനരചയിതാക്കളുമൊത്തും ദേവരാജൻ സംഗീതം ചിട്ടപ്പെടുത്തിയിട്ടുണ്ട്.പിൽക്കാലത്ത്‌ വയലാറിന്റെ പുത്രൻ വയലാർ ശരത്ചന്ദ്ര വർമ്മ ഗാനരചനയിലേക്ക്‌ തിരിയുകയുണ്ടായി. അദ്ദേഹത്തിന്റെ ആദ്യ ചിത്രമായ എന്റെ പൊന്നു തമ്പുരാനും ഈണമിട്ടത്‌ ദേവരാജൻ മാസ്റ്റർ തന്നെയായിരുന്നു.

അവാർഡുകൾ / ബഹുമതികൾ.

മികച്ച സംഗീത സംവിധായകനുള്ള അവാർഡുകൾ

• 1969 കുമാരസംഭവം
• 1970 ത്രിവേണി
• 1972
• 1985 ചിദംബരം

• 1991 മികച്ച പശ്ചാത്തല സംഗീത സംവിധായകനുള്ള കേരള സർക്കാർ അവാർഡ്.
• സമഗ്രസംഭാവനയ്ക്കുള്ള ജെ.സി. ഡാനിയേൽ അവാർഡ് 1999.
• ഫിലിം ഫാൻസ് അവാർഡ്.
• പ്രേം നസീർ അവാർഡ്
• നവചേതനയുടെ ആർ.ജി. മംഗലത്ത് അവാർഡ്.
• പേശും പടം അവാർഡ്.
• വർക്കല ടി.എ. മജീദ് അവാർഡ്.
• പട്ടത്തുവിള കരുണാകരൻ സ്മാരക അവാർഡ്.

ദേവരാജൻ സംഗീതം നൽകിയ മലയാള സിനിമകൾ

ക്രമനമ്പർ	സിനിമ	ഗാനരചയിതാവ്	വർഷം
1	കാലം മാറുന്നു	ഒ.എൻ.വി.	1955
2	ചതുരംഗം	വയലാർ	1956
3	ഭാര്യ	വയലാർ	1962
4	നിത്യകന്യക	വയലാർ	1963
5	ഡോക്ടർ	പി. ഭാസ്കരൻ	1963
6	കടലമ്മ	വയലാർ	1963
7	അന്ന	വയലാർ	1964
8	സ്കൂൾ മാസ്റ്റർ	വയലാർ	1964
9	മണവാട്ടി	വയലാർ	1964
10	ഓമനക്കുട്ടൻ	വയലാർ	1964
11	കളഞ്ഞു കിട്ടിയ തങ്കം	വയലാർ	1964
12	ഓടയിൽ നിന്ന്	വയലാർ	1965
13	കളിയോടം	ഒ.എൻ.വി.	1965
14	കാട്ടുപൂക്കൾ	ഒ.എൻ.വി.	1965
15	കാത്തിരുന്ന നിക്കാഹ്	വയലാർ	1965
16	ദാഹം	വയലാർ	1965
17	ശകുന്തള	വയലാർ	1965
18	പട്ടുതൂവാല	വയലാർ	1965
19	കളിത്തോഴൻ	പി. ഭാസ്കരൻ	1966
20	റൗഡി	വയലാർ	1966
21	ജയിൽ	വയലാർ	1966
22	കല്യാണ രാത്രിയീൽ	വയലാർ	1966
23	കണ്മണികൾ	വയലാർ	1966
24	കരുണ	ഒ.എൻ.വി.	1966
25	തിലോത്തമ	വയലാർ	1966
26	ശീലാവതി	പി. ഭാസ്കരൻ	1967
27	അരക്കില്ലം	വയലാർ	1967
28	അവൾ	വയലാർ	1967
29	അശ്വമേധം	വയലാർ	1967
30	ചിത്രമേള	ശ്രീകുമാരൻ തമ്പി	1967
31	പൂജ	പി. ഭാസ്കരൻ	1967
32	കാവാലം ചുണ്ടൻ	വയലാർ	1967
33	നാടൻ പ്രേമം	വയലാർ	1967
34	കസവുതട്ടം	വയലാർ	1967
35	സ്വപ്നഭൂമി	വയലാർ	1968
36	വിപ്ലവകാരികൾ	വയലാർ	1968
37	തോക്കുകൾ കഥ പറയുന്നു	വയലാർ	1968
38	ഹോട്ടൽ ഹൈറേഞ്ച്	വയലാർ	1968
39	യക്ഷി	വയലാർ	1968
40	തുലാഭാരം	വയലാർ	1968
41	വെളുത്ത കത്രീന	ശ്രീകുമാരൻ തമ്പി	1968
42	അഗ്നിപരീക്ഷ	വയലാർ	1969
43	അനാച്ഛാദനം	വയലാർ	1969
44	പഠിച്ച കള്ളൻ	വയലാർ	1969
45	വീട്ടുമൃഗം	പി. ഭാസ്കരൻ	1969
46	കാട്ടുകുരങ്ങ്	പി. ഭാസ്കരൻ	1969
47	സൂസി	വയലാർ	1969
48	അടിമകൾ	വയലാർ	1969
49	കടൽ പാലം	വയലാർ	1969
50	മൂലധനം	പി. ഭാസ്കരൻ	1969
51	ജ്വാല	വയലാർ	1969
52	നദി	വയലാർ	1969
53	ഉറങ്ങാത്ത രാത്രി	വയലാർ	1969
54	കൂട്ടുകുടുംബം	വയലാർ	1969
55	കുമാരസംഭവം	ഒ.എൻ.വി., വയലാർ	1970
56	മിണ്ടാപ്പെണ്ണ്	യൂസഫലി	1970
57	പേൾ വ്യൂ	വയലാർ	1970
58	നിശാഗന്ധി	ഒ.എൻ.വി.	1970
59	വാഴ്വേമായം	വയലാർ	1970
60	ദത്തുപുത്രൻ	വയലാർ	1970
61	നിഴലാട്ടം	വയലാർ	1970
62	ഒതേനന്റെ മകൻ	വയലാർ	1970
63	നിങ്ങളെന്നെ കമ്മ്യൂണിസ്റ്റാക്കി	വയലാർ	1970
64	വിവാഹിത	വയലാർ	1970
65	നിലയ്ക്കാത്ത ചലനങ്ങൾ	വയലാർ	1970
66	സ്വപ്നങ്ങൾ	വയലാർ	1970
67	ആ ചിത്രശലഭം പറന്നോട്ടെ	വയലാർ	1970
68	ത്രിവേണി	വയലാർ	1970
69	താര	വയലാർ	1970
70	അരനാഴിക നേരം	വയലാർ	1970
71	കളിത്തോഴി	വയലാർ	1971
72	അവളല്പം വൈകിപ്പോയി	വയലാർ	1971
73	ഒരു പെണ്ണിന്റെ കഥ	വയലാർ	1971
74	മകനേ നിനക്കു വേണ്ടി	വയലാർ	1971
75	ശിക്ഷ	വയലാർ	1971
76	പൂമ്പാറ്റ	യൂസഫലി	1971
77	നവവധു	വയലാർ	1971
78	തെറ്റ്	വയലാർ	1971
79	കരിനിഴൽ	വയലാർ	1971
80	ശരശയ്യ	വയലാർ	1971
81	അനുഭവങ്ങൾ പാളിച്ചകൾ	വയലാർ	1971
82	പഞ്ചവൻ കാട്	വയലാർ	1971
83	കരകാണാക്കടൽ	വയലാർ	1971
84	ഇങ്ക്വിലാബ് സിന്ദാബാദ്	വയലാർ, ഒ.വി. ഉഷ	1971
85	വിവാഹ സമ്മാനം	വയലാർ	1971
86	ലൈസൻസ്	വയലാർ	1971
87	അഗ്നിമൃഗം	വയലാർ	1971
88	സിന്ദൂരച്ചെപ്പ്	യൂസഫലി	1971
89	ഗംഗാസംഗമം	വയലാർ	1971
90	പ്രതിസന്ധി	വയലാർ	1971
91	തപസ്വിനി	വയലാർ	1971
92	ദേവി	വയലാർ	1972
93	പ്രൊഫസ്സർ	വയലാർ	1972
94	ആരോമലുണ്ണി	വയലാർ	1972
95	മയിലാടും കുന്ന്	വയലാർ	1972
96	ഓമന	വയലാർ	1972
97	ചെമ്പരത്തി	വയലാർ	1972
98	അച്ഛനും ബാപ്പയും	വയലാർ	1972
99	ഒരു സുന്ദരിയുടെ കഥ	വയലാർ	1972
100	അക്കരപ്പച്ച	വയലാർ	1972
101	പുനർജന്മം	വയലാർ	1972
102	ഗന്ധർവ്വ ക്ഷേത്രം	വയലാർ	1972
103	മറവിൽ തിരിവ് സൂക്ഷിക്കുക	വയലാർ	1972
104	പോസ്റ്റ്മാനെ കാണാനില്ല	വയലാർ	1972
105	ചായം	വയലാർ	1973
106	മരം	യൂസഫലി	1973
107	ഏണിപ്പടികൾ	ഇരയിമ്മൻ തമ്പി, വയലാർ	1973
108	മാസപ്പടി മാതുപിള്ള	ശ്രീകുമാരൻ തമ്പി	1973
109	കാലചക്രം	ശ്രീകുമാരൻ തമ്പി	1973
110	പൊന്നാപുരം കോട്ട	വയലാർ	1973
111	കലിയുഗം	വയലാർ	1973
112	ഗായത്രി	വയലാർ	1973
113	ചെണ്ട	പി. ഭാസ്കരൻ, ഭരണിക്കാവു ശിവകുമാർ, വയലാർ	1973
114	മനുഷ്യ പുത്രൻ	വയലാർ	1973
115	തനിനിറം	വയലാർ	1973
116	ദർശനം	വയലാർ	1973
117	അച്ചാണി	പി. ഭാസ്കരൻ	1973

മരണം

81-ആമത്തെ വയസ്സിൽ 2006 മാർച്ച് 15-നു ദേവരാജൻ മാസ്റ്റർ ചെന്നൈയിൽ ഹൃദയാഘാതം മൂലം അന്തരിച്ചു. സംസ്ഥാന ബഹുമതികളോടെ അദ്ദേഹത്തെ പരവൂരിൽ സംസ്കരിച്ചു.

ഭാര്യ - ലീലാമണി ദേവരാജൻ, മക്കൾ - ശർമ്മിള, രാജനന്ദൻ.

ഗ്രന്ഥങ്ങൾ

• ദേവഗീതികൾ
• സംഗീതശാസ്ത്രനവസുധ
• ഷഡ്‌കാലപല്ലവി

പുറത്തേക്കുള്ള കണ്ണികൾ

• വയലാർ-ദേവരാജൻ കൂട്ടുകെട്ടിന്റെ 749 ഗാനങ്ങൾ
• ജി.ദേവരാജന്റെ 1702 ഗാനങ്ങൾ
• ജി.ദേവരാജൻ മലയാളസംഗീതംഇൻഫോ.
• ജി.ദേവരാജൻ
• ദേവരാജൻ മാഷ്
• ജി.ദേവരാജൻ അന്തരിച്ചു.
• മലയാള സംഗീതം അനാഥമായി.