ചൊവ്വന്നൂർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചൊവ്വന്നുർ
Location of ചൊവ്വന്നുർ
ചൊവ്വന്നുർ
Location of ചൊവ്വന്നുർ
in Kerala
രാജ്യം  ഇന്ത്യ
സംസ്ഥാനം Kerala
ജില്ല(കൾ) Thrissur
ഉപജില്ല Talappilly
ഏറ്റവും അടുത്ത നഗരം Kunnamkulam
ലോകസഭാ മണ്ഡലം Allathur
നിയമസഭാ മണ്ഡലം Kunnamkulam
സമയമേഖല IST (UTC+5:30)

Coordinates: 10°39′0″N 76°5′0″E / 10.65000°N 76.08333°E / 10.65000; 76.08333

കേരളത്തിലെ തൃശ്ശൂർ ജില്ലയിലെ കുന്നംകുളത്തിനടുത്ത് സ്ഥിതി ചെയ്യുന്ന ഒരു ഗ്രാമമാണ് ചൊവ്വന്നുർ.

വിവരണം[തിരുത്തുക]

കുന്നംകുളത്തിനും വടക്കാഞ്ചേരിക്കുമിടയിലാണ്‌ ഈ ഗ്രാമം സ്ഥിതിചെയ്യുന്നത്. പ്രാചീന കാലഘട്ടത്തിലെ ഒരു ഗുഹ ചോവ്വന്നൂരിൽ കണ്ടെത്തിയിട്ടുണ്ട്. ഇന്ത്യൻ പുരാവസ്തുഗവേഷണ വിഭാഗം ഇപ്പോൾ ഇവിടം മതിൽ കെട്ടി സംരക്ഷിച്ചിരിക്കുകായാണ്‌. ചൊവന്നൂരിലെ കല്ലഴിക്കുന്ന് എന്ന് സ്ഥലം ചലച്ചിത്ര ഷൂട്ടിംഗിന്‌ പേരുകേട്ട സ്ഥലമാണ്‌. കലശമലക്കുന്ന് എന്ന പേരിലും ഇത് അറിയപ്പെടുന്നു. നരിമടക്കുന്ന് എന്ന പേരിൽ ഒരു ഗുഹയുണ്ട് ഇവിടെ. പണ്ടുകാലത്ത് ഇവിടെ നരികൾ താമസിച്ചിരുന്നുവെന്ന് പറയപ്പെടുന്നു. കുന്നിൻ താഴ്വരയിൽ ശിവ പ്രതിഷ്ടയുള്ള ഒരു അമ്പലമുണ്ട്. സമീപത്തായി ശുദ്ധ ജലം ലഭിക്കുന്ന ചോലക്കാടും സ്ഥിതി ചെയ്യുന്നു. കത്തുന്ന വേനലിൽ പോലും ഇവിടെ തെളിനീർ ഒഴുകികൊണ്ടിരിക്കും. ചോവ്വനൂരിലെ നെല്ലുകുത്തുമിൽ വളരെ പ്രസിദ്ധമായിരുന്നു. അയൽ ഗ്രാമങ്ങളായ കാണിപ്പയ്യൂർ,പഴുന്നാന,പന്തലൂർ എന്നിവിടങ്ങളിൽ നിന്നും വെള്ളറക്കാട്, പന്നിത്തടം തുടങ്ങിയ ദൂര ഗ്രാമങ്ങളിൽനിന്നും ജനങ്ങൾ നെല്ലുമായി വന്നിരുന്നു. ചോവ്വനൂരിൽ നിന്നും പാരമ്പാടം എന്ന ഗ്രാമത്തിലേക്കുള്ള റോഡാണ്‌ അയ്യപ്പത്ത് റോഡ്. പാരെമ്പാടം ഗ്രാമത്തിലൂടെയാണ് കുന്നംകുളം ചാലിശ്ശേരി റോഡും കുന്നംകുളം കോഴിക്കോട് റോഡും കടന്നുപോവുന്നത്. ഈ ഒറ്റ റോഡ്‌ പെരുമ്പിലാവിൽ വെച്ച് രണ്ടായി പിരിയുന്നു. ഒന്ന് ചങ്ങരംകുളം,എടപ്പാൾ വഴി കോഴിക്കോട്ടേകും മറ്റൊന്ന് ചാലിശ്ശേരി, പട്ടാമ്പി,ഒറ്റപ്പാലം വഴി പാലക്കാട് വന്നു ചേരുന്നു. അയ്യപ്പത്ത് റോഡിനിരുവശവുമുള്ള മരങ്ങൾ തണൽ വിരിച്ചു യാത്രക്കാർക്ക് ആശ്വാസമേകുന്നു. ചോവ്വനൂരിൽ ഒരു കുരിശുപള്ളിയും സ്ഥിതി ചെയ്യുന്നു. ബസ്സ്റ്റോപ്പിനടുത്തുള്ള വഴിയിലൂടെയാണ് ചോവ്വനൂർ പെൺ വിദ്യാലയത്തിലേക്കും നരിമട എന്ന കല്ലഴികുന്നിലെക്കുമുള്ള വഴികൾ. ആ വഴി അവസാനിക്കുന്നത് പാറേമ്പാടത്താണ് . ചൊവ്വന്നൂർ ഗുഹയുടെ മുന്നിലൂടെയുള്ള വഴിയിലൂടെ കാണിപ്പയ്യൂരിലെക്കും പോകാവുന്നതാണ് കുന്നംകുളത്ത് വലിയ പരിപാടികൾ ഘോഷയാത്രകൾ എന്നിവ നടത്തപ്പെടുകയാനെക്കിൽ ചൊവ്വന്നൂർ വഴി വരുന്ന വാഹന യാത്രക്കാരെ ഗുഹയുടെ മുന്നിലൂടെയുള്ള വഴിയിലൂടെ തിരിച്ചുവിടാറുണ്ട് ഈ വഴിയിലൂടെ കുന്നംകുളം കാണിപ്പയ്യൂർ തൃശ്ശൂർ, കേച്ചേരി, ചൂണ്ടൽ എന്നിവിടങ്ങളിലേക്കുള്ള വഴികളിൽ എത്തിച്ചേരാം. ചൊവ്വന്നൂർ ബ്ലോക്കിന്റെ ആസ്ഥാനം കാണിപ്പയ്യൂർ ഗ്രാമത്തിൽ സ്ഥിതി ചെയ്യുന്നു. ചൊവ്വന്നൂർ,പോർക്കുളം,കാട്ടകാമ്പാൽ,ചൂണ്ടൽ,കണ്ടാണിശ്ശേരി,കടവല്ലൂർ എന്നീ 6 ഗ്രാമപഞ്ചായത്തുകളാണ് ചൊവ്വന്നുർ ബ്ലോക്കിന്റെ കീഴിൽ വരുന്നത്.

"http://ml.wikipedia.org/w/index.php?title=ചൊവ്വന്നൂർ&oldid=1686609" എന്ന താളിൽനിന്നു ശേഖരിച്ചത്