ചേരക്കോഴി
| ചേരക്കോഴി Oriental Darter |
|
|---|---|
_21-Mar-2007_6-10-09_AM.JPG) |
|
| പരിപാലന സ്ഥിതി | |
| ശാസ്ത്രീയ വർഗ്ഗീകരണം | |
| സാമ്രാജ്യം: | Animalia |
| ഫൈലം: | Chordata |
| ക്ലാസ്സ്: | Aves |
| നിര: | Pelecaniformes |
| കുടുംബം: | Anhingidae |
| ജനുസ്സ്: | Anhinga |
| വർഗ്ഗം: | A. melanogaster |
| ശാസ്ത്രീയ നാമം | |
| Anhinga melanogaster (Pennant, 1769) |
|
| Synonyms | |
|
Plotus melanogaster |
|
നീർക്കാക്കയുടെ അടുത്തബന്ധുവായ പാമ്പിനോടു രൂപസാദൃശ്യമുള്ള ഒരു നീർപ്പക്ഷിയാണ് ചേരക്കോഴി. ഇംഗ്ലീഷ്: Snake Bird. ശാസ്ത്രീയനാമം: അൻഹിംഗാ മെലനോഗാസ്റ്റെർ (Anhinga melanogaster) ഈ പക്ഷി കാണപ്പെടുന്ന ഇടങ്ങളിൽ മത്സ്യങ്ങൾ ധാരാളം ഉള്ളതായി തീർച്ചപെടുത്താം. ദേഹത്തിനു പരുന്തിന്റെയത്രയും വലിപ്പം കാണാം. വെള്ളത്തിലേക്ക് ശരവേഗത്തിൽ മുങ്ങി ഇരയെപ്പിടിക്കാനിവക്കു കഴിയും. 1987-ൽ ജലപക്ഷി സെൻസസിന്റെ അടിസ്ഥാനത്തിൽ ചേർക്കോഴികളെ വംശനാശം നേരിടുന്ന പക്ഷികളായാണ് കണക്കാക്കിയിരിക്കുന്നത്. [2] സംസ്കൃത നാമം: മദ്ഗു
മത്സ്യങ്ങളെ പിടിച്ച ശേഷം ഉയർത്തി എറിഞ്ഞ ശേഷം, കൂർത്ത ചുണ്ടുകൾ കൊണ്ട് കുത്തി കൊന്ന ശേഷം വിഴുങ്ങും.
ഉള്ളടക്കം |
[തിരുത്തുക] പേരിനുപിന്നിൽ
ജലസർപ്പങ്ങളെ പോലെ ജലാശയത്തിൽ കഴുത്തു മാത്രം വെള്ളത്തിന്റെ മുകളിൽ കാണപ്പെടുന്നതിനാലാണു ഇത് ചേരക്കോഴി എന്നു അറിയപ്പെടുന്നത്.
[തിരുത്തുക] ഐതിഹ്യം
ചിറകിൽ തിളങ്ങുന്ന വെള്ള തൂവലുള്ളതിനാൽ ഭാരതീയ ഐതീഹ്യങ്ങളിൽ സൂര്യദേവനെയാണു ചേരക്കോഴി പ്രതിനിധാനം ചെയ്യുന്നത്.
[തിരുത്തുക] വിതരണം
ഇടുക്കി, വയനാട്, ഹൈദരാബാദ് എന്നിവിടങ്ങളിൽ സ്ഥിരതാമസക്കാരാണ്. കടലോരത്തുള്ള കായലുകളിലും മലകളിലുള്ള തടാകങ്ങളിലും ഒരു പോലെ കാണപ്പെടുന്നു. കേരളത്തിൽ ജലസേചനപദ്ധതികളുടെ ജലസംഭരണികളിൽ ഇവയെ കാണാൻ സാധിക്കും. മലമ്പുഴ അണക്കെട്ട് നിർമ്മാണം പൂർത്തിയായുടനേ ജലസംഭരണിക്കരികിൽ ഇവയും കൂടുകൂട്ടിത്തുടങ്ങിയത്രെ. [3] </ref>
[തിരുത്തുക] വിവരണം
വലിപ്പം :900 മി.മീ. ഒരു ചക്കിപ്പരുന്തിനെയത്രയും വലിപ്പം. പാമ്പിനോട് രൂപസാദൃശ്യമുള്ള കഴുത്തുകൾ. കറുപ്പു നിറമാണ് കൂടുതലും. എന്നാൽ തൂങ്ങി നിൽക്കുന്ന വെള്ളിപ്പ്ഓലെ തോന്നുന്ന തൂവലുകൾ ചിറകുകളിൽ കാണാം. തലയും കഴുത്തും തിളക്കമുള്ള തവിട്ടുനിറം. മുഖം താടി തൊണ്ട എന്നീ ഭാഗങ്ങൾ വെളുത്ത നിറത്തിലായിരിക്കു,ഇരുവശത്തും തലയിൽ നിന്നു തുടങ്ങുന്ന വെള്ള കഴുത്തിന്റെ വശങ്ങളിലൂടെ താഴേക്ക്പോകുന്നു. നീണ്ടവാലിന്റെ അഗ്രം അർദ്ധവൃത്താകൃതിയിലുള്ളതാണ്. കാല് കുറിയതും താറാവിന്റേതുപോലെയുമാണ്. ഇത് മുങ്ങാങ്കുഴിയിടാൻ സഹായിക്കുന്നു. [3]
ഇവയുടെ തൂവലുകൾക്ക് നനയാതിരിക്കാനുള്ള കഴിവില്ല. ഇത് പെട്ടെന്ന് മുങ്ങാങ്കുളിയിടാൻ വേണ്ടി അവയെ സഹായിക്കുന്നു. എന്നാൽ കൂടെക്കൂടെ തൂവലുകൾ ഉണക്കേണ്ടിവരുമെന്നതിനാൽ ചേരക്കോഴികളെ നീർക്കാക്കകളെപ്പോലെ ചിറകുവിരിച്ച് വെയിൽ കായുന്നതായി കാണാൻ കഴിയും. [3]
ലിംഗഭേദം വേർതിരിച്ചറിയാൻ ബുദ്ധിമുട്ടാണ്, പ്രത്യേക മാംസ പേശികൾ ഉള്ള നീളം കൂടിയ കഴുത്തുള്ള ഈ പക്ഷിക്ക് മത്സ്യത്തെ പിടിക്കാൻ കൂർത്ത ചുണ്ടിനെ ശരം പോലെ ഉപയോഗിക്കാൻ കഴിയും.
[തിരുത്തുക] പ്രത്യുല്പാദനം
ജലാശയത്തിനു് സമീപമുള്ള വൃക്ഷങ്ങളിൽ. ചേരക്കോഴികളെ, മറ്റു് നീർക്കാക്കകളുടെ കൂടെ കാണപ്പെടും. നിലയും പച്ചയും കലർന്ന നിറത്തിലുള്ള, ദീർഘഗോളാകൃതിയിലുള്ള 52 X 33 മി.മീ വലിപ്പത്തിലുള്ള മൂന്നോ നാലോ മുട്ടകൾ ഇടും. ചേരക്കോഴികളുടെ കുഞ്ഞുങ്ങൾക്ക് വെളുത്ത തൂവലാണുള്ളത്. ഇവ കാഴ്ചയിൽ കൊക്കിന്റെ കുഞ്ഞുങ്ങളെ പോലെയും കാണപ്പെടും.
[തിരുത്തുക] അവലംബം
- ↑ BirdLife International (2006). Anhinga melanogaster. 2006 IUCN Red List of Threatened Species. IUCN 2006. Retrieved on 11 May 2006. Database entry includes a brief justification of why this species is near threatened
- ↑ കേരളത്തിലെ പക്ഷികൾ. കേരളസാഹിത്യ അക്കാദമി. ISBN 81-7690-067-2.
- ↑ 3.0 3.1 3.2
- Darter videos on the Internet Bird Collection
- Anhinga melanogaster listed on the IUCN Red List
 |
പക്ഷികളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
