ചൂളക്കാക്ക

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചൂളക്കാക്ക
Malabar Whistling Thrush
പരിപാലന സ്ഥിതി
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Chordata
ക്ലാസ്സ്‌: Aves
നിര: Passeriformes
കുടുംബം: Turdidae
ജനുസ്സ്: Myophonus
വർഗ്ഗം: M. horsfieldii
ശാസ്ത്രീയ നാമം
Myophonus horsfieldii
Vigors, 1831
പര്യായങ്ങൾ

Myiophoneus horsfieldii'

പശ്ചിമഘട്ടത്തിലെ കാടുകളിൽ അരുവികളുടെയും നദികളുടേയും തീരങ്ങളിൽ ജീവിക്കുന്ന പക്ഷിയാണ് ചൂളകാക്ക (ഇംഗ്ലീഷ്:Malabar Whistling Thrush, ശാസ്ത്രീയനാമം:Myophonus horsfieldii). പുലർച്ചയ്ക്കും സന്ധ്യക്കും മനുഷ്യൻ ഒരു ഗാനത്തിന്റെ ആദ്യത്തെ വരി വീണ്ടും വീണ്ടും ചൂളമടിക്കുന്നത് പോലെ പാട്ട് പാടുന്ന പക്ഷിയാണിത്.

വിവരണം[തിരുത്തുക]

അകലെ കാണുമ്പോൾ കൃശഗാത്രനായ ഒരു കാക്കയോ ആൺകുയിലോ ആണെന്ന് തോന്നും. ദേഹമാസകലം തിളങ്ങുന്നതും നീലിമയുള്ളതുമായ കറുപ്പാണ്. നെറ്റിയിലും ചുമലിലും തിളങ്ങുന്ന നീലപ്പട്ടകൾ അടുത്തു നിന്ന് നോക്കുമ്പോൾ കാണാം. കൊക്കും കാലുകളും കറുപ്പാണ്.

ആഹാരം[തിരുത്തുക]

പകൽ സമയത്ത് ഈ പക്ഷി നല്ല തണലും കുളിർമ്മയും നനവുമുള്ള സ്ഥലങ്ങളിലും കാട്ടരുവികളിലെ പാറകളിലും ഓടിനടന്ന് ചെറുപ്രാണികളെയും തവളകളെയും പിടിച്ചും, നിലത്തു വീണ പഴങ്ങൾ കൊത്തിയെടുത്തും തിന്നുകയായിരിക്കും. ആ സമയത്ത് ഇടയ്ക്കിടയ്ക്ക് ‘വ്ളീർ’ എന്ന പദം നീട്ടി ഉച്ചരിക്കാറുണ്ട്. പ്രത്യേകിച്ച് ഭയപ്പെട്ടു പറന്നുപോകുമ്പോൾ. ഇര തേടുന്നതിനിടയ്ക്കു കൂടെകൂടെ വാൽ പെട്ടെന്ന് വിടർത്തുകയും അടയ്ക്കുകയും ചെയ്യുന്നത് കാണാം. മുട്ടുമടക്കി അമർന്നിരിക്കുവാൻ തുടങ്ങിയ ശേഷം ആ ശ്രമം ഉപേക്ഷിക്കുന്നതുപോലെ തോന്നിക്കുന്ന ഒരു ചേഷ്ടയും ഇതു പ്രദർശിപ്പിക്കാറുണ്ട്.

പ്രജനനം[തിരുത്തുക]

ചൂളകാക്കയുടെ പ്രജനനകാലം ഫെബ്രുവരിക്കും സെപ്റ്റംബറിനും ഇടയ്ക്കാണ്. ഓരോ വർഷവും രണ്ടു തവണ മുട്ടയിട്ടു കുഞ്ഞുങ്ങളെ വളർത്തുമെത്രേ. അരുവികളിലും വെള്ളച്ചാട്ടങ്ങൾക്കരികിലും സമീപത്തുമുള്ള പാറകളിലാണ് കൂട് കെട്ടാറ്. കെട്ടിടങ്ങളിലും തീവണ്ടിപ്പാതയ്ക്കും ജലവാഹിനികൾക്കും പോകുന്നതിനായി ഉണ്ടാക്കിയ തുരങ്കങ്ങളിലും ഈ പക്ഷി സധൈര്യം കൂട് കെട്ടും. പുല്ലും വേരുകളും പായലും ചളിമണ്ണും കൊണ്ടുണ്ടാക്കിയ കൂട്ടിൽ രണ്ടോ മൂന്നോ മുട്ടകളാണ് ഓരോ തവണയും ഇടുക.

വിതരണം[തിരുത്തുക]

കാടുകളിലൂടെ ഒഴുകുന്ന അരുവികളുടെയും നദികളുടേയും തീരങ്ങളിൽ ജീവിക്കുന്ന പക്ഷിയാണ് ചൂളകാക്ക. ഇവയെ സാധാരണ പശ്ചിമഘട്ടത്തിലും, സത്പുര പർവതനിര മുതൽ ഉത്തരപടിഞ്ഞാറൻ ഒറീസ്സയിലും വരെ കാണപ്പെടുന്നു. ഇവ കിഴക്കൻ പശ്ചിമഘട്ടത്തിലെ സ്ഥിരതാമസ്സക്കാരാണ്.

സവിശേഷതകൾ[തിരുത്തുക]

സുര്യോദയത്തിനു മുൻപ്‌ തന്നെ കേട്ടുതുടങ്ങുന്നതും മനോഹരമായ ഒരു പാട്ടാണ് ചൂളകാക്കയുടേത്. ഏതോ ഒരു ഗാനത്തിന്റെ ഒരേ വരി ആവർത്തിക്കുന്നതുപോലെയാണ് ശബ്ദിക്കുക. പക്ഷിയുടെ ശബ്ദം, ആനന്ദവും ഉന്മേഷവും അലതല്ലുന്ന ഒരാൾ ചൂളം കുത്തുകയാണ് എന്നു തോന്നാറുള്ളതു കൊണ്ടു ഇംഗ്ലീഷിൽ ഈ പക്ഷിക്ക് ‘ചൂളമടിക്കുന്ന സ്കൂൾക്കുട്ടി’ (whistling schoolboy) എന്നും പേരുണ്ട്.

Broken song (Recorded near Mudigere, July 2012)

അവലംബം[തിരുത്തുക]

കേരളത്തിലെ പക്ഷികൾ, ഇന്ദുചൂഡൻ

ചിത്രങ്ങൾ[തിരുത്തുക]

ചൂളകാക്ക (കണ്ണൂർ, ഇന്ത്യ)
"http://ml.wikipedia.org/w/index.php?title=ചൂളക്കാക്ക&oldid=1801632" എന്ന താളിൽനിന്നു ശേഖരിച്ചത്