ചാള്സ് ഡിക്കെന്സ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 വിശ്വസാഹിത്യത്തിലെ ഏറ്റവും മികച്ച നോവലിസ്റ്റുകളില് ഒരാളായി ഡിക്കെന്സിനെ കരുതുന്നു |
|
| ജനനം: | ഫെബ്രുവരി 7, 1812 പോര്ട്സ്മൌത്ത്, ഇംഗ്ലണ്ട് |
|---|---|
| മരണം: | ജൂണ് 9, 1870 ഗാഡ്സ് ഹില് പ്ലേസ്, ഹിങ്ങാം, കെന്റ്, ഇംഗ്ലണ്ട് |
| തൊഴില്: | നോവലിസ്റ്റ് |
ചാള്സ് ജോണ് ഹഫാം ഡിക്കന്സ് FRSA (ഫെബ്രുവരി 7 1812 – ജൂണ് 9 1870), തൂലികാനാമം "ബോസ്" വിക്ടോറിയന് കാലഘട്ടത്തിലെ ഏറ്റവും പ്രധാനപ്പെട്ട ഇംഗ്ലീഷ് നോവലിസ്റ്റും സാമൂഹിക പരിവര്ത്തകനും ആയിരുന്നു. ഇംഗ്ലീഷ് ഭാഷയിലെ ഏറ്റവും മഹാന്മാരായ എഴുത്തുകാരില് ഒരാളായി കരുതുന്ന ഡിക്കന്സ് തന്റെ ധന്യമായ കഥാകഥന രീതിക്കും അവിസ്മരണീയമായ കഥാപാത്രങ്ങള്ക്കും പ്രശസ്തനാണ്. ജീവിച്ചിരിക്കുമ്പോള് തന്നെ ലോകമാസകലം വമ്പിച്ച ജനപ്രിയത ഡിക്കെന്സിനു ലഭിച്ചു.
ജോര്ജ്ജ് ഗിസ്സിങ്ങ്, ജി.കെ. ചെസ്റ്റെര്ട്ടണ് തുടങ്ങിയ പില്ക്കാല നിരൂപകര് ഡിക്കന്സിന്റെ ഗദ്യത്തിലുള്ള പ്രാവീണ്യത്തെയും അവിസ്മരണീയമായ കഥാപാത്രങ്ങളെ വീണ്ടും വീണ്ടും കണ്ടുപിടിക്കാനുള്ള ഡിക്കെന്സിന്റെ കഴിവിനെയും വാഴ്ത്തി. എങ്കിലും ജോര്ജ്ജ് ഹെന്രി ലൂയിസ്, ഹെന്രി ജെയിംസ്, വിര്ജിനിയ വുള്ഫ് തുടങ്ങിയ എഴുത്തുകാര് ഡിക്കന്സിന്റെ കഥകളിലെ വികാരാധിക്യത്തെയും (സെന്റിമെന്റാലിറ്റി) അസംഭവ്യമായ കഥാരംഗങ്ങളെയും വിചിത്രവും പലപ്പൊഴും വൃത്തികെട്ടതുമായ കഥാപാത്രങ്ങളുടെ രചനയെയും അദ്ദേഹത്തിന്റെ രചനാശൈലിയിലെ തെറ്റുകളായി എടുത്തുകാട്ടി. [1]
ഡിക്കന്സിന്റെ കഥകളുടെ ജനപ്രിയത കാരണം ഒരു പുസ്തകം പോലും ഒരിക്കലും അച്ചടി പ്രതികള് ഇല്ലാത്ത അവസ്ഥയില് (ഔട്ട് ഓഫ് പ്രിന്റ്) വന്നിട്ടില്ല. ഡിക്കന്സ് തുടര്ക്കഥ രൂപത്തിലാണ് തന്റെ നോവലുകള് രചിച്ചത്. അക്കാലത്ത് തുടര്ക്കഥയായി നോവലുകള് എഴുതുന്നതായിരുന്നു ഗദ്യത്തിലെ സാധാരണ ശൈലി. ഡിക്കന്സിന്റെ കഥകളുടെ ഓരോ പുതിയ ഭാഗത്തിനുമായി വായനക്കാര് ആകാംഷയോടെ കാത്തിരിക്കുമായിരുന്നു.
[തിരുത്തുക] ആധാരസൂചിക
- ↑ Henry James, "Our Mutual Friend", The Nation, 21 December 1865- a scathing review
