ചാരായം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ചാരായം എന്ന വാക്കാല് വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന് ചാരായം (നാനാര്ത്ഥങ്ങള്) എന്ന താള് കാണുക. |  |
ഏഷ്യന് രാജ്യങ്ങളില് നിര്മ്മിക്കപ്പെടുന്ന വീര്യം കൂടിയ നാടന് മദ്യമാണ് ചാരായം.ഇംഗ്ലീഷ്:Arrack. പഴങ്ങള്, ശര്ക്കര (മധുരം) എന്നിവയെ പുളിപ്പിച്ച് (fermentation) സ്വേദനം ചെയ്താണ് ചാരായം പരമ്പരാഗതമായി നിര്മ്മിച്ചുപോരുന്നത്. കള്ളിനെ വാറ്റിയും ചാരായം പരമ്പരാഗതരീതിയില് നിര്മ്മിക്കുന്നുണ്ട്. ഈഥൈല് ആല്ക്കഹോള് നേര്പ്പിച്ചാണ് വ്യാവസായികരീതിയില് ചാരായം നിര്മ്മിക്കുന്നത്. ഗോവയില് നിര്മ്മിക്കുന്ന ഫെനി കശുമാങ്ങയില് നിന്നുല്പാദിപ്പിക്കുന്ന ചാരായമാണ്. ബ്രസീലില് മധുരക്കിഴങ്ങില് നിന്ന് വ്യാവസായികാടിസ്ഥാനത്തീല് ചാരായം (എഥനോള്)നിര്മ്മിക്കുന്നുണ്ട്. അവിടെ ഇത് ഉപയോഗിച്ച് വാഹനങ്ങള്, വിമാനങ്ങള് എന്നിവ വരെ പ്രവര്ത്തിപ്പിക്കുന്നുണ്ട്. [അവലംബം ചേര്ക്കേണ്ടതുണ്ട്]
ഉള്ളടക്കം |
[തിരുത്തുക] പേരിനു പിന്നില്
സംസ്കൃത പദമായ സാരക എന്നതില് നിന്നാണ് ചാരായം പരിണമിച്ചത്. ഇതിന്റെ അര്ത്ഥം സത്ത് എന്നാണ്. കന്നഡ ഭാഷയില് സാരായ എന്നും തമിഴില് ചാരായം എന്നുമാണ്. അറബിയില് ഇത് ശരാബ് എന്നാണ്. ഇംഗ്ലിഷ് പേരായ അരാക്ക് എന്ന വാക്ക് വീര്യമുള്ള പാനീയം എന്നര്ത്ഥമുള്ള അറബിയിലെ ശരാബ് എന്ന പദത്തില് നിന്നും ഉടലെടുത്തതാണ്[അവലംബം ചേര്ക്കേണ്ടതുണ്ട്].
[തിരുത്തുക] ചരിത്രം
 |
ലേഖനത്തിലെ ഈ വിഭാഗം അപൂര്ണ്ണമാണ്. ഇതു പൂര്ത്തിയാക്കാന് സഹായിക്കുക. |
[തിരുത്തുക] രാസഘടന
എഥനൊള് ഒരു പൂരിത ഒന്നാം ശ്രേണി അഥവാ പ്രൈമറി ആല്ക്കഹൊള് ആണ് പൊതുവായ രാസവാക്യം(General Formula)- [CnH2n+1] = C2H5OH എന്നും,രാസഘടന (Chemical formula)-CH3-CH2-OH, എന്നുമാണ്.
[തിരുത്തുക] നിര്മ്മാണരീതി
[തിരുത്തുക] വാഷ്
ചേരുവകള്
- ഉണ്ടശര്ക്കര, വെള്ളം ,വലിയ കറുവപ്പട്ട താതിരിപ്പൂവ,ബിസ്ക്കറ്റ് അമോണിയം എന്നിവയാണ് സാധാരണയായി വേണ്ട ചേരുവകള്. ഈ ചേരുവകളെല്ലാം ചേര്ത്ത് മണ്കുടത്തിലോ, പ്ലാസ്റ്റിക് പാത്രത്തിലോ കെട്ടി വക്കുന്നു. ദിവസവും രാവിലെയും വൈകിട്ടും ഇളക്കിക്കൊടുക്കുകയും ചെയ്യുന്നു. 8-9 ദിവസങ്ങള് കഴിയുമ്പോള് ഈ മിശ്രിതം വാറ്റുന്നതിന് പാകമാകും ഇതിനെയാണ് വാഷ് എന്നു പറയുന്നത്.
- പഴങ്ങള് ചേര്ത്തുണ്ടാക്കുന്ന ചാരായമാണെങ്കില് ആവശ്യമുള്ള പഴങ്ങള് വാഷില് ഉടച്ചു ചേര്ക്കുന്നു. പഴങ്ങള് ചേര്ത്തതിനു ശേഷവും രാവിലേയും വൈകിട്ടും ഇളക്കണം. പഴങ്ങള് ചേര്ത്തതിനു ശേഷം 14-15 ദിവസങ്ങള് കഴിയുമ്പോള് മാത്രമേ അത് വാറ്റുന്നതിന് പാകമാകുകയുള്ളൂ.
[തിരുത്തുക] വാറ്റല്
ഒന്നിനു മുകളില് ഒന്നായി കയറ്റി വക്കാവുന്ന മൂന്നു കലങ്ങളാണ് വേണ്ടത്. താഴത്തെ കലത്തിലുള്ള വാഷിനെ തിളപ്പിച്ച് ആവിയാക്കി മുകളിലെ കലത്തിലേക്ക് കടത്തിവിടുകയും അതിനുമുകളിലുള്ള കലത്തില് തണുത്ത വെള്ളം സംഭരിച്ചു വക്കുകയുമാണ് ചെയ്യുന്നത്.രണ്ടാമത്തെ പാത്രത്തില് ആവി കടന്നുപോകാനായി അടിയില് ആകമാനം ചെറിയ ദ്വാരങ്ങള് ഉണ്ടായിരിക്കണം. ആവിയാകുന്ന ചാരായം ഈ ദ്വാരങ്ങളിലൂടെ മുകളിലെ കലത്തിലെത്തി വീണ്ടും അതിനുമുകളിലുള്ള കലത്തില് തട്ടി ഘനീഭവിച്ച് ചാരായമായി രണ്ടാമത്ത് കലത്തില് വീഴുന്നു. ഇത് മരി എന്നറിയപ്പെടുന്ന മരം കൊണ്ടുണ്ടാക്കിയ ഒരു പ്രത്യേകതരം പാത്രത്തിലേക്ക് വീഴ്ത്തുന്നു. രണ്ടാമത്തെ കലത്തിനകത്ത് ഘടിപ്പിക്കുന്ന ഈ ഉപകരണത്തിന്റെ ഒരു വശത്ത് ഒരു കുഴല് ഉണ്ടായിരിക്കും. ഈ കുഴല് പാത്രത്തിന്റെ വശത്തെ ദ്വാരത്തിലൂടെ പുറത്തേക്കു വക്കുന്നു. ഇതു വഴിയാണ് ചാരായം കലത്തിനു പുറത്തേക്കെത്തുന്നത്. പാത്രങ്ങള്ക്കിടയിലുള്ള വിടവുകള് ആവി നഷ്ടപ്പെടാതിരിക്കാന് പാകത്തിന് മൈദയും തുണിയും വച്ച് ഭദ്രമായി അടച്ചിരിക്കണം.
[തിരുത്തുക] വാറ്റുന്ന വിധം
അടുപ്പിനു മുകളില് വക്കുന്ന ഒന്നാമത്തെ പാത്രത്തിന്റെ പകുതിയിലധികം വാഷ് ഒഴിക്കുക. ദ്വാരങ്ങളുള്ള രണ്ടാമത്തെ കലം ആദ്യത്തെ പാത്രത്തിനു മുകളില് വക്കുക. രണ്ടാമത്തെ കലത്തിനുള്ളില് മരി ഘടിപ്പിക്കണം. മരിയുടെ കുഴല് സ്ഥിതി ചെയ്യുന്ന ഭാഗത്തേക്ക് അല്പം ചെരിച്ചാണ് പാത്രത്തിനുള്ളില് അത് ഘടിപ്പിക്കേണ്ടത്. താഴത്തെ രണ്ടു പാത്രങ്ങളുടേയും വായ്ഭാഗങ്ങള് മുകളിലെ പാത്രത്തിനോടു ചേരുന്നിടത്തും, മരിയുടെ കുഴല് പുറത്തേക്ക് വരുന്ന ദ്വാരത്തിനിടയിലൂടെയും വായു പുറത്തേക്കു വരാത്ത രീതിയില് മൈദ പശയാക്കി തുണികൊണ്ടുള്ള നാടയില് തേച്ച് അടക്കണം. ഏറ്റവും മുകളിലത്തെ പാത്രത്തില് വെള്ളം ഒഴിക്കണം. ഇതിനു ശേഷം അടുപ്പ് കത്തിക്കാം.
അടിയിലെ കലത്തില് തിളക്കുന്ന വാഷിലെ ആല്ക്കഹോള് ആവിയായി തൊട്ടു മുകളിലെ ദ്വാരമുള്ള കലത്തിലേക്ക് പ്രവേശിക്കുന്നു. ഈ ആവി ഏറ്റവും മുകളിലെ വെള്ളം നിറച്ച കലത്തിന്റെ അടിവശത്തു തട്ടുമ്പോള് സാന്ദ്രീകരിക്കപ്പെടുകയും തൊട്ടുതാഴെ സജ്ജീകരിച്ചിട്ടുള്ള മരിയില് വീഴുകയും അവിടെ നിന്ന് കുഴല് വഴി പുറത്തേക്കെത്തുകയും ചെയ്യുന്നു.
അടിയിലെ പാത്രത്തിലെ വാഷ് തിളക്കുന്നത് കൂടിയാലോ, വാഷിന്റെ അളവ് അധികമാകുകയോ ചെയ്താല് കൂടുതല് ജലം ആവിയായി ചാരായത്തില് കലരാനിടയുള്ളതിനാല് അതിന്റെ ഗുണം കുറയുകയും രുചി വ്യത്യാസം വരുകയുംചെയ്യും.
[തിരുത്തുക] പ്രഷര് കുക്കര് ഉപയോഗിച്ച്
പ്രഷര് കുക്കര് ഉപയോഗിച്ചും വാഷ് വാറ്റിയെടുക്കാം. പ്രഷര് കുക്കറിന്റെ വിസില് ഊരി മാറ്റി അതില് ഒരു ചെമ്പു കുഴല് ഘടിപ്പിച്ച് അതിനറ്റത്ത് റബ്ബര് കുഴല് ഘടിപ്പിക്കണം. കുഴലുകള് തമ്മില് ചേരുന്ന ഭാഗങ്ങളില് വായു കടക്കാത്ത രീതിയില് ഘടിപ്പിക്കാന് ശ്രദ്ധിക്കണം. റബ്ബര് കുഴല് ജലത്തിലൂടെ കടത്തിവിടണം. കുക്കറില് നിന്നും തിളച്ചു വരുന്ന ആവി വെള്ളത്തിലൂടെ കടത്തി വിട്ടിരിക്കുന്ന കുഴലിലെത്തി സാന്ദ്രീകരിക്കപ്പെടുന്നു.
[തിരുത്തുക] ചാരായ നിരോധനം
[തിരുത്തുക] കേരളത്തില്
കേരളത്തില് വിപുലമായി നിര്മ്മാണവും വിപണനവും നടത്തിക്കൊണ്ടിരുന്ന ചാരായത്തിന് 1996 ഏപ്രില് 1-ന് മദ്യനിരോധനത്തിന്റെ ആദ്യഘട്ടം എന്ന നിലയില് എ.കെ. ആന്റണി മുഖ്യമന്ത്രിയായിരുന്ന കാലത്തെ സര്ക്കാര് നിരോധനം ഏര്പ്പെടുത്തി.[1] നിയമസഭാതെരഞ്ഞെടുപ്പിനു തൊട്ടു മുന്പാണ് ഈ നിരോധനം നടപ്പാക്കിയത്. എങ്കിലും നിയമവിരുദ്ധമായി ജനങ്ങള് ചാരായനിര്മ്മാണം നടത്തുന്നുണ്ട്. [2]
[തിരുത്തുക] അവലംബം
- ↑ "Kerala's liquor tragedy", rediff.com, November 2, 2000. ശേഖരിച്ചത് 2007-. (ഇംഗ്ലീഷ്)
- ↑ http://thatsmalayalam.oneindia.in/news/2002/05/21/ker-imfl.html
|
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
