ചാമ്പന് മലയണ്ണാന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
|
|
||||||||||||||
| ശാസ്ത്രീയ വര്ഗീകരണം | ||||||||||||||
|
||||||||||||||
|
|
||||||||||||||
| Ratufa macroura (Pennant, 1769) |
കേരളത്തിലെ ചിന്നാര് വന്യജീവി സങ്കേതത്തിലും തമിഴ്നാട്ടിലെ ശ്രീവല്ലി പുത്തൂര് വനപ്രദേശങ്ങളിലും മാത്രം കാണുന്ന തദ്ദേശീയ ജീവിയാണ് ചാമ്പന് മലയണ്ണാന്(Grizzled Giant Squirrel- Ratufa macroura(Pennant)). വന്വൃക്ഷങ്ങളിലാണ് ഇവയെ സാധാരണ കണ്ടുവരുന്നത്. കേരളത്തില് കണ്ടുവരുന്ന വലിയ മലയണ്ണാനോടൊപ്പം(Malabar Giant Squirrel) വലിപ്പം കാണാറില്ല. വംശനാശോന്മുഖത്വം മൂലം ഇവ ഐ.യു.സി.എന് ചുവന്ന പട്ടികയില് സ്ഥാനം പിടിച്ചിട്ടുണ്ട്[1]. ശ്രീലങ്കയിലും ചാമ്പന് മലയണ്ണാന്റെ മറ്റൊരു ഉപവിഭാഗത്തെ കണ്ടുവരുന്നു(Ratufa macroura dandolena).
[തിരുത്തുക] പ്രത്യേകതകള്
ചാമ്പന് മലയണ്ണാന്റെ പുറംഭാഗം ചെമ്പന് നിറമായിരിക്കും, തലയുടെ മുകളില് കറുത്ത നിറം തൊപ്പിപോലുണ്ടാവും നീണ്ട വാലിലെ രോമങ്ങള്ക്ക് വെള്ളയും ചെമ്പന് നിറവുമാണ്. അടിഭാഗം ചെളിപിടിച്ച വെള്ളനിറം പോലെ അനുഭവപ്പെടും. വൃക്ഷങ്ങള് കൂടുതലുള്ളയിടങ്ങളിലാണ് സാധാരണ കാണുന്നത്. പകല് സമയങ്ങളില് വാല് തൂക്കിയിട്ട് മരച്ചില്ലകളില് കിടന്നുറങ്ങുന്നതായി കാണാറുണ്ട്. പൊതുവേ മന്ദമായ ചലനങ്ങളും, നിശബ്ദമായ സ്വഭാവരീതിയും ചാമ്പന് മലയണ്ണാനിഷ്ടപ്പെടുന്നുവെങ്കിലും അപകടസൂചനയുള്ളപ്പോള് ചില്ലറ ശബ്ദങ്ങള് മുഴക്കുന്ന ഈ ജീവികള്, അത്തരം സന്ദര്ഭങ്ങളില് ദ്രുതഗതിക്കാരുമാണ്.
പ്രത്യുത്പാദനകാലങ്ങളില് ഇവയുടെ രോമക്കുപ്പായം പ്രത്യേക തിളക്കം നേടുന്നു. അടിഭാഗം സ്വര്ണ്ണനിറം ചാലിച്ചു ചേര്ത്തതുപോലിരിക്കും. ഇക്കാലങ്ങളില് ഇവയെ കണ്ടെത്താന് ബുദ്ധിമുട്ടാണ്. ഇലകളാല് മൂടപ്പെട്ട ശിഖരങ്ങളില് ഇലകളും നാരുകളുമൊക്കെ കൊണ്ടുണ്ടാക്കുന്ന കൂടുകളിലാവും കുഞ്ഞുങ്ങളെ പ്രസവിച്ചു പോറ്റുക. കുട്ടികള് വലുതായാല് വീണ്ടും സ്വതന്ത്രജീവിതം ആരംഭിക്കുന്നു.
ചാമ്പന് മലയണ്ണാന് തികഞ്ഞ സസ്യഭുക്കാണ്. കായ്കള്, പഴങ്ങള്, പൂമ്പൊടി, തേന് മുതലായവയാണ് ഇഷ്ടഭക്ഷണം.
[തിരുത്തുക] അവലംബം
 |
പ്രകൃതിയുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു പൂര്ത്തിയാക്കാന് സഹായിക്കുക. |
