ചാമ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചാമ
ശാസ്ത്രീയ വർഗ്ഗീകരണം
സാമ്രാജ്യം: Plantae
(unranked): Angiosperms
(unranked): Monocots
(unranked): Commelinids
നിര: Poales
കുടുംബം: Poaceae
ജനുസ്സ്: Panicum
വർഗ്ഗം: P. sumatrense
ശാസ്ത്രീയ നാമം
Panicum sumatrense
Roth ex Roem. & Schult.

ഔഷധഗുണമുള്ള ഒരു ധാന്യമാണ് ചാമ (Little Millet). ഒരു ആഹാരവസ്തുകൂടിയായ ഇത് പുല്ലരി എന്ന പേരിലും അറിയപ്പെടുന്നു. കഫം, പിത്തം, വിഷബാധ എന്നിവയ്ക്കൊക്കെ ചാമ നല്ലതാണ്. ചെരിവുകളിലെ അത്ര ഫലഭൂയിഷ്ടമല്ലാത്ത ലാറ്ററൈറ്റ് മണ്ണിലാണ് ചാമ സാധാരണ കൃഷിചെയ്യുന്നത്.

കൃഷിരീതി[തിരുത്തുക]

കാലവർഷത്തിന്റെ ആരംഭത്തോടെയാണ് ചാമ വിതയ്ക്കുക. കൊയ്തു കഴിഞ്ഞ പാടങ്ങളിൽ ഇടവിളയായിട്ടാണ് കേരളത്തിൽ കൃഷിചെയ്തുവരുന്നത്. രേവതി, ഭരണി, രോഹിണി എന്നീ ഞാറ്റുവേലകളിൽ പൊടിവിതയായി ചാമ വിതയ്ക്കാം. പ്രത്യേക വളപ്രയോഗമൊന്നും കൂടാതെ രണ്ടുമാസം കൊണ്ട് കൊണ്ട് ചാമ മൂപ്പെത്തി വൃശ്ചികമാസത്തോടെ കൊയ്തെടുക്കാം. പ്രത്യേക പരിചരണങ്ങൾ ആവശ്യമില്ലെങ്കിലും ചാണകവും വെണ്ണീറും വളമായി ഉപയോഗിക്കാവുന്നതാണ്.[1]

ഇനങ്ങൾ[തിരുത്തുക]

ഉപയോഗങ്ങൾ[തിരുത്തുക]

ചാമകൊണ്ട് ചോറു, ഉപ്പുമാവ്,കഞ്ഞി, പുട്ട്, പായസം തുടങ്ങി വിവിധങ്ങളായ ആഹാരവിഭവങ്ങളുണ്ടാക്കാം. കഫം,പിത്തം എന്നിവയ്ക്ക് ഔഷധമായും ഉപയോഗിക്കുന്നു. ലൗബേർഡ് പോലുള്ള വളർത്തുപക്ഷികൾക്ക് ആഹാരമായും കൊടുക്കുന്നു.

ദൂഷ്യഫലങ്ങൾ[തിരുത്തുക]

ചാമയുടെ ഉപയോഗം മൂലം വാതം കൂടാനും ദേഹം മെലിയാനും മലബന്ധമുണ്ടാകും സാധ്യതയുണ്ട്[അവലംബം ആവശ്യമാണ്]. ഇതു കാരണം ഗതികെട്ടാൽ ചാമയും തിന്നും എന്നൊരു പഴംചൊല്ല് പോലും പ്രചാരത്തിലുണ്ട്.

അവലംബം[തിരുത്തുക]

  1. ചാമക്കൃഷി - കേരള ഇന്നവേഷൻ ഫൗണ്ടേഷൻ
"http://ml.wikipedia.org/w/index.php?title=ചാമ&oldid=2108408" എന്ന താളിൽനിന്നു ശേഖരിച്ചത്