ഗോ ഡാഡി

ഇംഗ്ലീഷ് വിലാസം

http://ml.wikipedia.org/wiki/Go_Daddy

GoDaddy.com, Inc.

തരം	സ്വകാര്യ സ്ഥാപനം
സ്ഥാപിതമായത്	1997
സ്ഥാപകൻ	ബോബ് പാർസൺസ്
മുഖ്യകാര്യാലയം	Scottsdale, Arizona, വടക്കേ അമേരിക്ക
വ്യവസായം	ഡൊമൈൻ ലേഖാധികാരി
ഉത്പന്നങ്ങൾ	വെബ് സേവനങ്ങൾ
വെബ്‌സൈറ്റ്	godaddy.com
അലെക്സാ സ്ഥാനം	65 (ആഗസ്ത് 2011)

ഒരു വെബ്‌സൈറ്റ് ഡൊമൈൻ ലേഖാധികാരി ആണ് ഗോ ഡാഡി. വെബ്‌സൈറ്റ് രെജിസ്ടേഷൻ, വെബ്‌സൈറ്റ് ഹോസ്റ്റ്, ഇന്റർനെറ്റ് അധിഷ്ഠിത ഇടപാടുകളുടെ സാങ്കേതിക വിദ്യയുടെ വില്പനയും, സേവനവും എന്നിവയാണ് ഇവരുടെ പ്രധാന പ്രവർത്തന മേഖല.

ചരിത്രം

1997ൽ ജോമാക്സ് ടെക്നോളജീസ് എന്ന പേരിൽ ബോബ് പാർസൺസ് ആണ് ഗോ ഡാഡി എന്ന സ്ഥാപനം ആരംഭിച്ചത്. ഇതിനു മുമ്പ് ബോബ് പാർസൺസ് പാർസൺസ് ടെക്നോളജീസ് എന്ന ഒരു സ്വകാര്യ സോഫ്റ്റ്‌വെയർ സ്ഥാപനം ആരംഭിച്ചിരുന്നു. ജോമാക്സ് ടെക്നോളജീസ് എന്ന പേരിനേക്കാൾ കൂടുതൽ സ്വീകാര്യമായ ഒരു പേര് എന്ന തീരുമാനത്തിന്റെ ഫലമായി 1999ൽ ഒരു ജീവനക്കാരൻ ബിഗ് ഡാഡി എന്ന പേര് നിർദ്ദേശിച്ചെങ്കിലും, ആ പേരിലുള്ള വെബ്‌സൈറ്റ് ഡൊമൈൻ ലഭ്യമല്ലാത്തതിനാൽ പാർസൺസ് ഗോ ഡാഡി എന്ന പേര് നിർദ്ദേശിക്കുകയും ആ ഡൊമൈൻ വാങ്ങിക്കുകയും ചെയ്തു. . ഈ പേര് തിരഞ്ഞെടുക്കാനുള്ള കാരണമായി പാർസൺസ് പറഞ്ഞത്, ഇത് ജനങ്ങളെ ചിരിപ്പിക്കുകയും, ഓർക്കുവാൻ സഹായിക്കുകയും ചെയ്യും എന്നാണ്.