ഗോള്ഡന് ഗ്ലോബ് പുരസ്കാരം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ഗോള്ഡന് ഗ്ലോബ് അവാര്ഡ് | |
 ഗോള്ഡന് ഗ്ലോബ് അവാര്ഡ് സൂചികകള് |
|
| Awarded for | ചലച്ചിത്ര, ടെലിവിഷന് രംഗത്തെ മികച്ച സംഭാവനകള്ക്ക് |
| Presented by | ഹോളിവുഡ് ഫോറിന് പ്രസ് അസോസിയേഷന് |
| Country | യുണൈറ്റഡ് സ്റ്റേറ്റ്സ് |
| First awarded | 1944 |
| Official website | |
|---|---|
ചലച്ചിത്ര-ടെലിവിഷന് രംഗത്തെ മികച്ച നേട്ടങ്ങളെ അംഗീകരിക്കുന്നതിനായി ഹോളിവുഡ് ഫോറിന് പ്രസ് അസോസിയേഷന് നല്കുന്ന പുരസ്കാരമാണ് ഗോള്ഡന് ഗ്ലോബ് അവാര്ഡ്.[1] ആദ്യത്തെ പുരസ്കാര ദാന ചടങ്ങ് ജനുവരി 1944ല് ലോസ് ഏഞ്ചലസിലെ ട്വന്റിയത്ത് സെഞ്ച്വറി ഫോക്സ് സ്റ്റുഡിയോയില് വെച്ച് നടന്നു. 2008ലെ മികച്ച ടെലിവിഷന്-ചലച്ചിത്ര സംഭാവനകളെ ആദരിച്ചു കൊണ്ട് ജനുവരി 11, 2009ന് ബെവെര്ലി ഹില്ട്ടണ് ഹോട്ടലില് വെച്ച് 66ാമത്തെ ഗോള്ഡന് ഗ്ലോബ് പുരസ്കാരങ്ങള് നല്കപ്പെട്ടു.
[തിരുത്തുക] നിയമങ്ങള്
ഹോളിവുഡില് താമസിക്കുന്നതും യുണൈറ്റഡ് സ്റ്റേറ്റ്സിനു പുറത്തുള്ള വാര്ത്താമാധ്യമവുമായി ബന്ധമുള്ളതുമായ ഏകദേശം 90 അന്തര്ദ്ദേശീയ മാധ്യമപ്രവര്ത്തകരുടെ വോട്ടുകളെ അടിസ്ഥാനമാക്കി എല്ലാ വര്ഷവും ജനുവരിയില് ഗോള്ഡന് ഗ്ലോബ് പുരസ്കാരം നല്കപ്പെടുന്നു.
ഒരു ചലച്ചിത്രം നാമനിര്ദ്ദേശം ചെയ്യപ്പെടണമെങ്കില്
- ജനുവരി ഒന്നിനും ഡിസംബര് 31നും ഇടക്ക് ഗ്രേറ്റര് ലോസ് ഏഞ്ചലസ് പ്രദേശത്ത് ഏഴ് ദിവസത്തേക്കെങ്കിലുമുള്ള പ്രദര്ശനത്തിനായി റിലീസ് ചെയ്തിരിക്കണം.
- അസോസിയേഷന് അംഗത്വമുള്ളവര്ക്കായി പ്രദര്ശിപ്പിച്ചിരിക്കണം.
- ചിത്രത്തിന്റെ വിതരണക്കാരന് അംഗങ്ങളെ കത്തിലൂടെ പ്രദര്ശനത്തിനായി ക്ഷണിച്ചിരിക്കണം.
- മോഷന് പിക്ചര് അസോസിയേഷന് ഓഫ് അമേരിക്കയുടെ അംഗീകാരം ലഭിച്ചിരിക്കണം.
- പ്രദര്ശനം തുടങ്ങി പത്തു ദിവസത്തിനുള്ളില് അപേക്ഷാ ഫോം ലഭിച്ചിരിക്കണം.
മികച്ച വിദേശഭാഷാ ചലച്ചിത്രത്തിനു നിബന്ധനകളില് ചെറിയ വ്യത്യാസമുണ്ട്.[2]
- കുറഞ്ഞത് 51 ശതമാനം സംഭാഷണമെങ്കിലും ഇംഗ്ലീഷ്-ഇതര ഭാഷ ആയിരിക്കണം.
- യുണൈറ്റഡ് സ്റ്റേറ്റ്സിനു പുറത്തുള്ള രാജ്യത്തു നിന്നാകണം.
- പ്രതിനിധീകരിക്കുന്ന രാജ്യത്തില് നവംബര് 1നും ഡിസംബര് 31നും ഇടക്കുള്ള 14 മാസത്തിനിടക്കായിരിക്കണം ചലച്ചിത്രം റിലീസ് ചെയ്തിരിക്കുന്നത്.
[തിരുത്തുക] അവലംബം
- ↑ About the HFPA. www.goldenglobes.org. HFPA. ശേഖരിച്ചത് 2008-11-02.
- ↑ http://cdn.goldenglobes.org/resources/FF-rules_66.pdf
