ഗൂഗിള്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ഗൂഗിള് ഇന്കോര്പ്പറേഷന് | |
|---|---|
 |
|
| തരം | പബ്ലിക് (NASDAQ: GOOG) (LSE: GGEA) |
| സ്ഥാപിതം | മെന്ലോ പാര്ക്ക്, കാലിഫോര്ണിയ (സെപ്റ്റംബര് 7 1998)[1] |
| സ്ഥാപകന് | സെര്ഗി ബ്രിന് ലാറി പേജ് |
| ആസ്ഥാനം |  ഗൂഗിള്പ്ലെക്സ്, മൗണ്ടന് വ്യൂ കാലിഫോര്ണിയ, അമേരിക്ക |
| Area served | ലോകമെമ്പാടും |
| സ്ഥാപകര് | എറിക് ഇ. ഷ്മിറ്റ് (ചെയര്മാന്) & (സി.ഇ.ഒ.) സെര്ഗി ബ്രിന് (ടെക്നോളജി പ്രസിഡന്റ്) ലാറി പേജ് (പ്രൊഡക്ട്സ് പ്രസിഡന്റ്) |
| വ്യവസായ മേഖല | ഇന്റര്നെറ്റ്, കമ്പ്യൂട്ടര് സോഫ്റ്റ്വെയര് |
| ഉല്പന്നങ്ങള് | ഗൂഗിള് ഉല്പന്നങ്ങളുടെ പട്ടിക കാണുക |
| വിറ്റുവരവ് |  55.97% 16.593 ശതകോടി യു.എസ്. ഡോളര് (2007)[2] |
| പ്രവര്ത്തന വിറ്റുവരവ് | 30.64% 5.084 ശതകോടി യു.എസ്. ഡോളര് (2007)[2] |
| അറ്റാദായം | 25.33% 4.203 ശതകോടി യു.എസ്. ഡോളര് (2007)[2] |
| തൊഴിലാളികള് | 19,604 (ജൂണ് 30 2008)[3] |
| മുദ്രാവാക്യം | Don't be evil (തിന്മ അരുത്) |
| വെബ്സൈറ്റ് | Google.com |
ഇന്റര്നെറ്റ് തിരച്ചില്, വെബ് അധിഷ്ഠിത സേവനം, വെബ്സൈറ്റ് പരസ്യം എന്നീ രംഗങ്ങളില് പ്രവര്ത്തിക്കുന്ന അമേരിക്കന് കമ്പനിയാണ് ഗൂഗിള്. ലോകത്തിലെ ഏറ്റവും വിശാലമായ ഇന്റര്നെറ്റ് തിരച്ചില് സംവിധാനമാണ് ഗൂഗിള്. അറിവുകള് ശേഖരിച്ച് സാര്വ്വ ദേശീയമായി ലഭ്യമാക്കുക എന്നതാണ് ഗൂഗിളിന്റെ പ്രഖ്യാപിത ലക്ഷ്യം. വിവിധ തിരച്ചില് ഉപകരണങ്ങളിലൂടെ ഇരുപത് കോടിയില്പ്പരം അന്വേഷണങ്ങളാണ് പ്രതിദിനം ഗൂഗിളിലെത്തുന്നത്. വെബ് സെര്ച്ച് എന്ജിന് മാത്രമായി തുടക്കം കുറിച്ച ഗൂഗിളില് ഇപ്പോള് ചിത്രങ്ങള്, വാര്ത്തകള്, വീഡിയോ, മാപ്പുകള്, ഓണ്ലൈന് വ്യാപാരം, ഓണ്ലൈന് സംവാദം എന്നിങ്ങനെ ഇന്റര്നെറ്റിന്റെ സമസ്ത മേഖലകളിലും അനുബന്ധ സംവിധാനങ്ങളുണ്ട്. 2006 ജനുവരിയില് ലഭ്യമായ വിവരങ്ങളനുസരിച്ച് 900 കോടിയോളം വെബ് പേജുകളും നൂറുകോടിയോളം വെബ്ചിത്രങ്ങളും ഗൂഗിള് തിരച്ചിലുകള്ക്കായി ക്രമപ്പെടുത്തിയിട്ടുണ്ട്.[അവലംബം ആവശ്യമാണ്]
ഉള്ളടക്കം |
[തിരുത്തുക] പേരിനു പിന്നില്
അപ്രതീക്ഷിതമായ ഒരു അക്ഷരപ്പിശകില്നിന്നും പിറവിയെടുത്തതാണ് ഗൂഗിള് എന്ന പദം. ഒന്നിനു ശേഷം നൂറു പൂജ്യങ്ങള് വരുന്ന സംഖ്യയെ സൂചിപ്പിക്കാന് ഉപയോഗിക്കുന്ന ഗൂഗള്(googole) എന്ന പദം സെര്ച്ച് എന്ജിന്റെ പേരാക്കാനായിരുന്നു സ്ഥാപകരുടെ ലക്ഷ്യം. അമേരിക്കന് ഗണിത ശാസ്ത്രജ്ഞനായ എഡ്വേഡ് കാസ്നറുടെ അനന്തിരവന് ഒന്പതു വയസുകാരന് മില്ട്ടണ് സൈറോറ്റയാണ് 1938ല് ആദ്യമായി ഗൂഗള് എന്ന പദം ഉപയോഗിച്ചത്. ഗണിത ശാസ്ത്രജ്ഞരുടെ ഇടയില് പ്രചരിച്ചിരുന്ന ഈ പദം തന്നെ തങ്ങളുടെ സെര്ച്ച് എന്ജിനു പേരായി നല്കാം എന്നായിരുന്നു ഗൂഗിളിന്റെ പിറവിക്കു പിന്നില് പ്രവര്ത്തിച്ചവരുടെ ചിന്ത. എണ്ണിയാലൊടുങ്ങാത്ത വിവരങ്ങള് ഈ സെര്ച്ച് എന്ജിനില് ലഭ്യമാകും എന്ന സന്ദേശമായിരുന്നു വിവക്ഷ. എന്നാല് അവര് എഴുതിയത് അക്ഷരപ്പിശകോടെയായെന്നു മാത്രം. അങ്ങനെ ഗൂഗളിനു പകരം ഗൂഗിള്(google) ആയി മാറി. [4]
ഏതായാലും തങ്ങള്ക്കു പറ്റിയ അക്ഷരപ്പിശക് മറ്റാരെയും വഴിതെറ്റിക്കരുത് എന്ന ചിന്ത ഗൂഗിള് ഉടമകള്ക്ക് ഉണ്ടെന്നുള്ളതാണു രസകരമായ വസ്തുത. ഗൂഗിള് എന്ന് ടൈപ് ചെയ്യുമ്പോള് വന്നുപോയേക്കാവുന്ന അക്ഷരപ്പിശകുകളുടെ ഫലങ്ങളെല്ലാം ഡൊമെയ്ന് പദങ്ങളായി രജിസ്റ്റര് ചെയ്തിട്ടുണ്ട്. ഉദാഹരണത്തിന് gogle.com, googel.com എന്നിങ്ങനെ തെറ്റായി ടൈപ് ചെയ്താലും ചെന്നെത്തുന്നത് ഗൂഗിളില് തന്നെയായിരിക്കും. ഗൂഗിളിനു സദൃശമായ അക്ഷരത്തെറ്റുകളെല്ലാം ഇപ്രകാരം ശരിയായ ഡൊമെയിന് നാമത്തിലേക്കു് വഴിതിരിച്ചു വിട്ടിരിക്കുകയാണ്.
[തിരുത്തുക] ചരിത്രം
സ്റ്റാന്ഫോര്ഡ് സര്വ്വകലാശാലയിലെ പി.എച്ച്.ഡി. വിദ്യാര്ത്ഥികളായിരുന്ന ലാറി പേജ്, സെര്ജി ബ്രിന് എന്നിവരുടെ ഗവേഷണ വിഷയമെന്ന നിലയ്ക്കാണ് ഗൂഗിള് ബീജാവാപം ചെയ്തത്. 1996 ജനുവരിയിലായിരുന്നു ഇവര് ഗവേഷണത്തിനു തുടക്കമിട്ടത്. വെബ്സൈറ്റുകളുടെ സ്വഭാവത്തിനനുസരിച്ച് തിരയല് ക്രമീകരിക്കാമോ എന്ന പരീക്ഷണമാണ് ഇവര് തുടക്കമിട്ടത്. അതുവരെ ഒരാള് തിരയുന്ന പദം എത്ര തവണ പേജിലുണ്ട് എന്നു നോക്കുക മാത്രമായിരുന്നു വെബ്തിരയല് സംവിധാനങ്ങളുടെ ശൈലി. പലപ്പോഴും പരസ്പര ബന്ധമില്ലാത്ത ഫലങ്ങള് ഇത്തരം തിരയലുകള് തരുമെന്നതില് സംശയമില്ല. തങ്ങളുടെ പുതിയ തിരച്ചില് സംവിധാനത്തിന് ബാക്ക് റബ് എന്ന പേരാണ് ലാറിയും സെര്ജിയും നല്കിയത്. ബാക്ക്ലിങ്കുകളില് നിന്നും സെര്ച്ച് ഫലങ്ങള് കണ്ടെത്തിയിരുന്നതിനാലാണിത്.
പരീക്ഷണങ്ങള് ഫലപ്രാപ്തിയിലെത്തിയതോടെ 1997 സെപ്റ്റംബര് 15ന് ഗൂഗിള് എന്ന ഡൊമെയിന് നാമം രജിസ്റ്റര് ചെയ്യപ്പെട്ടു. ഒരുവര്ഷത്തിനു ശേഷം കാലിഫോര്ണിയയില് ഒരു സുഹൃത്തിന്റെ ഗാരേജില് ലാറിയും സെര്ജിയും തങ്ങളുടെ കമ്പനിയുടെ പ്രവര്ത്തനമാരംഭിച്ചു. 1999 സെപ്റ്റംബര് 21 വരെ ഗൂഗിള് സെര്ച്ച് ബീറ്റാ വെര്ഷനിലായിരുന്നു പ്രവര്ത്തിച്ചത്. ലളിതമായ രുപകല്പനയായിരുന്നു ഗൂഗിള് സെര്ച്ച് എന്ജിന്റെ പ്രധാന ആകര്ഷണം. ചിത്രങ്ങള് അധികമൊന്നും നല്കാതെയുള്ള ഈ ലാളിത്യ മുഖം ഗൂഗിള് പേജുകള് ലോഡ് ചെയ്യുന്നത് എളുപ്പമാക്കി. ഇന്റര്നെറ്റ് ഉപഭോക്താക്കളുടെ ഇടയില് ഗൂഗിള് പെട്ടെന്നു പ്രശസ്തമായി. 2000-ല് സെര്ച്ച് കീ വേര്ഡിനനുസരിച്ച് ഗൂഗിളില് പരസ്യങ്ങള് നല്കാന് തുടങ്ങി. ഗൂഗിളിന്റെ വരുമാനവും ഇതോടെ കുതിച്ചുയര്ന്നു. സമകാലീനരായ ഒട്ടേറെ ഡോട്ട്കോം സംരംഭങ്ങള് പരാജയപ്പെട്ടപ്പോഴും കാര്ഷെഡില് പ്രവര്ത്തനമാരംഭിച്ച ഗൂഗിള് വിജയ ഗാഥകള് രചിച്ചു.
ഇന്റര്നെറ്റില് തിരയുക എന്നതിനു പകരമായി റ്റു ഗൂഗിള് എന്ന പ്രയോഗശൈലി തന്നെ ഇംഗ്ലീഷില് രൂപപ്പെട്ടു. ഏതായാലും ഗൂഗിള് ഉടമകള് ഈ ശൈലിക്ക് അത്ര പ്രോത്സാഹനം നല്കിയില്ല. തങ്ങളുടെ ഡൊമെയിന് നാമം ദുരുപയോഗം ചെയ്യപ്പെടുമോ എന്ന പേടിയായിരുന്നു ഇതിനുപിന്നില്.
[തിരുത്തുക] ഗൂഗിള് വാര്ത്തകള്
അടുത്ത തലമുറ ഗൂഗിള് സേര്ച്ച് അണിയറയില് ഒരുങ്ങുന്നു. പൊതുജനങ്ങളുടെ ഉപയോഗ പരീക്ഷണത്തിനായുള്ള ഡെവലപ്പ്മെന്റ് വേര്ഷന് ഇവിടെ കാണാം.[5]
[തിരുത്തുക] അവലംബം
- ↑ (April 29, 2004) "The Rise of Google". USA Today. Retrieved on 2007-08-01.
- ↑ 2.0 2.1 2.2 Financial Tables. Google Investor Relations. ശേഖരിച്ചത് 2008-01-31.
- ↑ GOOGLE ANNOUNCES SECOND QUARTER 2008 RESULTS (July 17, 2008). ശേഖരിച്ചത് 2008-07-17.
- ↑ http://graphics.stanford.edu/~dk/google_name_origin.html
- ↑ http://mashable.com/2009/08/10/google-new-version/
[തിരുത്തുക] പുറം കണ്ണികള്
