ഗുരുത്വാകര്ഷണം
വിക്കിപീഡിയ, ഒരു സ്വതന്ത്ര വിജ്ഞാനകോശം.
പിണ്ഡമുള്ള വസ്തുക്കള് പരസ്പരം ആകര്ഷിക്കുന്ന പ്രകൃതിപ്രതിഭാസമാണ് ഗുരുത്വാകര്ഷണം (ആംഗലം: Gravitation). പ്രപഞ്ചത്തിലെ നാല് അടിസ്ഥാനബലങ്ങളിലൊന്നാണ് ഇത്. പിണ്ഡമുള്ള വസ്തുക്കള്ക്ക് ഭാരം നല്കുന്നത് ഗുരുത്വാകര്ഷണബലമാണ്. ജ്യോതിശാസ്ത്രവസ്തുക്കളെ തമ്മില് ബന്ധിപ്പിച്ചു നിര്ത്തുന്നത് ഈ ബലമാണ്. ഏറ്റവും ദുര്ബലമായ അടിസ്ഥാനബലമാണ് ഇതെങ്കിലും ആകര്ഷണം മാത്രമേ ഉള്ളൂ എന്നതിനാലും വലിയ ദൂരങ്ങളില്പ്പോലും പ്രഭാവമുണ്ട് എന്നതിനാലും ജ്യോതിശാസ്ത്രത്തില് ഏറ്റവും പ്രധാനപ്പെട്ട ബലമാണിത്.
[തിരുത്തുക] സമവാക്യങ്ങള്
ആധുനികഭൗതികശാസ്ത്രത്തില് ഐന്സ്റ്റൈന്റെ സാമാന്യ ആപേക്ഷികതാ സിദ്ധാന്തമാണ് ഗുരുത്വാകര്ഷണത്തെ വിശദീകരിക്കുന്നത്. ഈ സിദ്ധാന്തമനുസരിച്ച് സ്ഥലകാലത്തിന്റെ വക്രതയാണ് ഗുരുത്വാകര്ഷണത്തിന് കാരണം. എന്നാല് ഇതിലും ഏറെ സരളമായ ന്യൂട്ടന്റെ ഗുരുത്വാകര്ഷണനിയമമുപയോഗിച്ചും ഇതിനെ ഏറെക്കുറെ വിശദീകരിക്കാം.
 |
ഭൗതികശാസ്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
