ഗാർഡ്നർ കുടുംബം

പതിനെട്ടാം നൂറ്റാണ്ടിനവസാനം വടക്കേ ഇന്ത്യയിൽ ഉടലെടുത്ത ഒരു ആംഗ്ലോ-മുഗൾ സങ്കരകുടുംബമാണ് ഗാർഡ്നർ കുടുംബം. ഉത്തർപ്രദേശിലെ ആഗ്രക്കടുത്തുള്ള ഖാസ്ഗംഗ (കാസ്ഗഞ്ജ്) ആണ് ഈ കുടുംബത്തിന്റെ ആസ്ഥാനമായിരുന്നത്. അമേരിക്കയിൽ ജനിച്ച സൈനികനായിരുന്ന വില്ല്യം ലിനേയസ് ഗാർഡ്നർ, കാംബേയിലെ ഒരു ബീഗത്തെയും അദ്ദേഹത്തിന്റെ പുത്രൻ ജെയിംസ്, മുഗൾ ചക്രവർത്തി ബഹാദൂർഷാ സഫറിന്റെ ബന്ധുവായ മുഖ്താർ ബീഗത്തെയും വിവാഹം കഴിച്ചതിലൂടെ രൂപമെടുത്ത ആംഗ്ലോ-മുഗൾ സങ്കര കുടുംബമാണിത്. ഈ കുടുംബത്തിലെ പാതിയോളം പേർ മുസ്ലീങ്ങളും മറ്റേ പാതി ക്രിസ്ത്യാനികളുമായിരുന്നു. പേർഷ്യനും ഹിന്ദുസ്ഥാനിയുമാണ് ഇവർ സംസാരിച്ചിരുന്നത്.

കുടുംബത്തിലെ കുട്ടികൾക്ക് മുഗൾ പേരുകളും ക്രിസ്ത്യൻ പേരുകളും ഇവർ ഇടുമായിരുന്നു. ഉദാഹരണത്തിന് സൂസൻ ഗാർഡ്നർ അന്തഃപുരത്തിൽ അറിയപ്പെട്ടിരുന്നത് ശുബ്ബയ്യ ബീഗം എന്നായിരുന്നു. ചിലർക്ക് മുസ്ലീം ക്രിസ്ത്യൻ സമ്മിശ്രപേരുകളുമുണ്ടായിരുന്നു. ഉദാഹരണം ജെയിംസ് ജഹാംഗീർ ഷിക്കോ ഗാർഡ്നർ.

ഇതും കാണുക

• സ്കിന്നർ കുടുംബം
• ബീഗം സമ്രു

ഗ്രന്ഥങ്ങൾ

• ൧ ^{^} വില്ല്യം ഡാൽറിമ്പിൾ (2006). ദ ലാസ്റ്റ് മുഗൾ - ദ ഫോൾ ഓഫ് എ ഡൈനസ്റ്റി, ഡെൽഹി 1857 (in ഇംഗ്ലീഷ്). പെൻഗ്വിൻ ബുക്സ്. ISBN 9780670999255. Retrieved 2013 ജൂലൈ 4. {{cite book}}: Check date values in: |accessdate= (help)