ക്ലാരന്സ് ഡേ
വിക്കിപീഡിയ, ഒരു സ്വതന്ത്ര വിജ്ഞാനകോശം.
അമേരിക്കന് സാഹിത്യകാരനായ ക്ലാരന്സ് ഷെപ്പേഡ് ഡേ, ജൂനിയര് 1874 നവംബര് 18-ന് ന്യൂയോര്ക്കില് ജനിച്ചു. യേല് സര്വകലാശാലയില് നിന്ന് 1896-ല് ബിരുദം നേടി. അതിനുശേഷം കുറച്ചുകാലം പിതാവിന്റെ കമ്പനിയില് ജോലി ചെയ്തു. അമേരിക്കന് നാവികസേനയില് സേവനമനുഷ്ഠിക്കാനും ഇദ്ദേഹത്തിനവസരം ലഭിച്ചു. കലശലായ സന്ധിവാതം ഇദ്ദേഹത്തെ അലട്ടിയിരുന്നെങ്കിലും സാഹിത്യരചനയ്ക്ക് അതു തടസ്സമായില്ല.
കുടുംബസ്മരണകളാണ് ഡേയുടെ ഇഷ്ടവിഷയം. അനാരോഗ്യത്താല് വലയുമ്പോഴും രചനകള് അടിമുടി ഫലിതമയമാക്കാന് ഇദ്ദേഹം പ്രത്യേകം ശ്രദ്ധിച്ചിരുന്നു. ദിസ് സിമിയന് വേള്ഡ് (1920), ഗോഡ് ആന്ഡ് മൈ ഫാദര് (1932), ലൈഫ് വിത് മദര് (1937) എന്നിവ ഇദ്ദേഹത്തിന്റെ കൃതികളുടെ കൂട്ടത്തില് മികച്ചു നില്ക്കു ന്നു. വിചിത്രസ്വഭാവക്കാരനായ തന്റെ പിതാവിനെക്കുറിച്ചുള്ള ഡേയുടെ സ്മരണകളുടെ സമാഹാരമായ ലൈഫ് വിത് ഫാദര് 'ബെസ്റ്റ് സെല്ലര്'എന്ന നിലയില് ശ്രദ്ധേയമായി. ഗോഡ് ആന്ഡ് ഫാദര്, ലൈഫ് വിത് മദര് എന്നീ കൃതികളിലെ ചില അംശങ്ങള് കൂട്ടിച്ചേര്ത്തുകൊണ്ട് ഹവഡ് ലിന്ഡ്സിയും റസ്സല് ക്രൌസും ഈ കൃതിക്കു തയ്യാറാക്കിയ നാടക രൂപാന്തരം അരങ്ങു തകര്ക്കുകയുണ്ടായി. 1935 ഡിസംബര് 28-ന് ന്യൂയോര്ക്കില് ഡേ അന്തരിച്ചു.
[തിരുത്തുക] പുറത്തേക്കുള്ള കണ്ണികള്
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
