ക്യൂഡ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ക്യൂഡ പ്രോസസ്സിങ്ങ് ഫ്ലോ ഉദാഹരണം

എൻവിഡിയ കോർപ്പറേഷൻ വികസിപ്പിച്ചെടുത്ത പാരലൽ കംപ്യൂട്ടിങ്ങ് ആർക്കിടെച്ചറാണ്‌ ക്യൂഡ എന്ന ചുരുക്കപ്പേരിലറിയപ്പെടുന്ന കംപ്യൂട്ട് യൂണിഫൈഡ് ഡിവൈസ് ആർക്കിടെക്ചർ. എൻവിഡിയയുടെ ഗ്രാഫിക്സ് പ്രോസസ്സിങ്ങ് യൂണിറ്റുകളിൽ (GPU) ക്യൂഡയാണ്‌ കംപ്യൂട്ടിങ് എഞ്ചിൻ. ജി.പി.യുവിൽ പ്രവർത്തിക്കുന്ന പ്രോഗ്രാമുകൾ നിർമ്മിക്കാനായി 'സി ഫോർ ക്യൂഡ' എന്ന ഭാഷയിലാണ്‌ കോഡ് ചെയ്യുക. സി ഭാഷയിൽ എൻവിഡിയ എക്സ്റ്റെൻഷനുകൾ ചേർത്തതാണിത്. പാത്സ്കെയിൽ ഓപ്പൺ64 സി കംപൈലർ ഉപയോഗിച്ച് കംപൈലിങ്ങ് നടത്തുന്നു[1]. ഓപ്പൺസിഎൽ, ഡയറക്റ്റ്കംപ്യൂട്ട് എന്നിവയുൾപ്പെടെയുള്ള കമ്പ്യൂട്ടേഷനൽ ഇന്റർഫേസുകളെ ക്യൂഡ സപ്പോർട്ട് ചെയ്യുന്നു. പൈത്തൺ, ഫോർട്രാൻ, ജാവ, മാറ്റ്ലാബ് എന്നീ ഭാഷകൾക്കായി തേഡ് പാർട്ടി റാപ്പറുകളുമുണ്ട്.

G8X ശ്രേണി മുതലുള്ള എല്ലാ എൻവിഡിയ ഗ്രാഫിക്സ് കാർഡുകളീലും (എൻവിഡിയ ജിഫോഴ്സ്, എൻവിഡിയ ക്വാഡ്രോ, എൻവിഡിയ ടെസ്ല) ക്യൂഡ പ്രവർത്തിക്കും. GeForce 8 ശ്രേണിക്കുവേണ്ടി നിർമ്മിച്ച ക്യൂഡ പ്രോഗ്രാമുകൾ മാറ്റങ്ങളൊന്നുമില്ലാതെതന്നെ ഭാവി എൻവിഡിയ വീഡിയോകാർഡുകളിലും ഉപയോഗിക്കാനാകുമെന്ന് എൻവിഡിയ ഉറപ്പുനൽകിയിട്ടുണ്ട്. ബൈനറി കോമ്പാറ്റിബിലിറ്റി ഉള്ളതിനാലാണിത്.

ക്യൂഡ ഉപയോഗിക്കുന്ന എൻവിഡിയ ജി.പി.യുകൾ ഫലത്തിൽ സി.പി.യുകളെപ്പോലെ ഓപ്പൺ ആർക്കിടെക്ചറുകളായി വർത്തിക്കുന്നു. എന്നാൽ ജി.പി.യുകൾക്ക് സമാന്തര, മൾട്ടികോർ ഘടനയാണുള്ളത്. ഓരോ കോറിനും ഒരേ സമയം ആയിരക്കണക്കിന്‌ ഗണിതക്രിയകൾ ചെയ്യാനാകും. ഇത്തരം ആർകിടെച്ചറിനുവേണ്ടി നിർമ്മിക്കുന്ന പ്രോഗ്രാമുകളെ പതിന്മടങ്ങ് വേഗത്തിലാക്കാൻ ജി.പി.യുവിന്‌ സാധിക്കുന്നു.

കംപ്യൂട്ടർ ഗേമിംഗ് വ്യവസായത്തിൽ ഗ്രാഫിക്സ് റെൻഡറിംഗിനു പുറമെ ഗെയിമിനകത്ത് സങ്കീർണ്ണ ഗണിതക്രിയകൾ നടത്താനും ജി.പി.യുകളാണ്‌ ഉപയോഗിക്കുന്നത്. കമ്പ്യൂട്ടേഷണൽ ജീവശാസ്ത്രം, ഗൂഢശാസ്ത്രം മുതലായ മേഖലകളിൽ ഗ്രാഫിക്കൽ അല്ലാത്ത ആപ്ലിക്കേഷനുകളെ പത്തിരട്ടിയോളം വേഗത്തിലാക്കാൻ ക്യൂഡ ഉപയോഗിക്കപ്പെട്ടിട്ടുണ്ട്[2][3][4][5].

ക്യൂഡ ഒരു നിമ്നതല എ.പി.ഐ.യും ഉന്നതതല എ.പി.ഐ.യും പ്രദാനം ചെയ്യുന്നു. 2007 ഫെബ്രുവരി 15-നാണ്‌ ആദ്യത്തെ ക്യൂഡ എസ്.ഡി.കെ. പുറത്തിറങ്ങിയത്. മൈക്രോസോഫ്റ്റ് വിൻഡോസ്, ലിനക്സ് എന്നിവയെയാണ്‌ ഇത് പിന്തുണച്ചിരുന്നത്. വെർഷൻ 2.0 മുതൽ മാക് ഓഎസ് X - നും പിന്തുണയുണ്ട്[6].

അവലംബം[തിരുത്തുക]

  1. NVIDIA Clears Water Muddied by Larrabee Shane McGlaun (Blog) - August 5, 2008 - DailyTech
  2. Giorgos Vasiliadis, Spiros Antonatos, Michalis Polychronakis, Evangelos P. Markatos and Sotiris Ioannidis (September 2008, Boston, MA, USA). "Gnort: High Performance Network Intrusion Detection Using Graphics Processors" (PDF). Proceedings of the 11th International Symposium On Recent Advances In Intrusion Detection (RAID).  തീയതിയ്ക്ക് നൽകിയ വില പരിശോധിക്കുക: |date= (സഹായം)
  3. Schatz, M.C., Trapnell, C., Delcher, A.L., Varshney, A. (2007). "High-throughput sequence alignment using Graphics Processing Units.". BMC Bioinformatics. 8:474: 474. ഡി.ഒ.ഐ.:10.1186/1471-2105-8-474. 
  4. Manavski, Svetlin A.; Giorgio Valle (2008). "CUDA compatible GPU cards as efficient hardware accelerators for Smith-Waterman sequence alignment". BMC Bioinformatics. 9(Suppl 2):S10: S10. ഡി.ഒ.ഐ.:10.1186/1471-2105-9-S2-S10. 
  5. Pyrit - Google Code http://code.google.com/p/pyrit/
  6. NVIDIA CUDA Software Development Kit (CUDA SDK) - Release Notes Version 2.0 for MAC OSX
"http://ml.wikipedia.org/w/index.php?title=ക്യൂഡ&oldid=1756633" എന്ന താളിൽനിന്നു ശേഖരിച്ചത്