കൈക്കുളങ്ങര രാമവാര്യർ
പ്രാചീന കാവ്യശാസ്ത്രങ്ങൾക്കു സുഗ്രഹവും ലളിതവുമായ വ്യാഖ്യാനങ്ങൾ ചമച്ച പ്രമുഖ സംസ്കൃതഭാഷാപണ്ഡിതനും, അദ്ധ്യാപകനുമായിരുന്നു കൈക്കുളങ്ങര രാമവാര്യർ (1832-1896).
ആദ്യകാലം[തിരുത്തുക]
പഴയ കൊച്ചി സംസ്ഥാനത്തെ തലപ്പിള്ളി താലൂക്കിലുള്ള കടങ്ങോട് എന്ന സ്ഥലത്ത് കൈക്കുളങ്ങര കിഴക്കേവാര്യത്ത് നാരായണിവാരസ്യാരുടേയും കൈതക്കോട്ടു ഭട്ടതിരിയുടേയും പുത്രനായാണ് അദ്ദേഹം ജനിച്ചത്.[1] നീർമഠം സ്വാമിയാാരുടെ അതിഥിയായി എത്തിയ ഒരു സിദ്ധനാണ് വാരിയരെ ബ്രഹ്മസൂത്രശങ്കരഭാഷ്യവും യോഗാനുഷ്ഠാനങ്ങളും അഭ്യസിപ്പിച്ചത് എന്നു കരുതുന്നു.[2] ശിക്ഷണത്തിനു ശേഷം പിരിയുമ്പോൾ വാഗ്ദാസൻ, രാമാനന്ദനാഥൻ, പണ്ഡിതപാരശവേന്ദ്രൻ എന്നീ മൂന്നു ബിരുദങ്ങൾ അദ്ദേഹത്തിനു നൽകപ്പെട്ടു.
പ്രധാനവ്യാഖ്യാനങ്ങൾ[തിരുത്തുക]
വരാഹമിഹിരന്റെ ഹോരാശാസ്ത്രത്തിനു കൈക്കുളങ്ങര എഴുതിയ പ്രസിദ്ധമായ മലയാള വ്യാഖ്യാനമാണ് ഹൃദ്യപഥാവ്യാഖ്യാനം.
ഓലയിൽ എഴുതിയ തുഞ്ചത്ത് എഴുത്തച്ഛന്റെ അദ്ധ്യാത്മരാമായണം ആയിരുന്നു പിഴവുകൾ തീർത്ത് രാമവാരിയർ ആദ്യം കടലാസിലേക്ക് പകർത്തിയത്.[3] വിദ്യരത്നപ്രഭ എന്ന അച്ചുകൂടത്തിലാണ് രാമവാരിയരുടെ ആദ്യകാലകൃതികൾ പുറത്തിറങ്ങിയത്.അമരകോശത്തിന്റെ ബാലപ്രിയാ വ്യാഖ്യാനം, അഷ്ടാംഗഹൃദയത്തിന്റെ സാരാർത്ഥ ദർപ്പണ വ്യാഖ്യാനം, നൂതനസിദ്ധരൂപം,ബാലപ്രബോധനം,സമാസചക്രം,ലക്ഷ്മണോപദേശം,എന്നിവയുടെ വ്യാഖ്യാനങ്ങളും രാമവാരിയർ രചിച്ചു. കൂടാതെ 108 ശ്ലോകങ്ങൾ ഉൾക്കൊള്ളുന്ന വാഗാനന്ദലഹരി, നാൽപ്പതിൽപ്പരം പദ്യങ്ങളൂള്ള വാമദേവസ്തവവും അദ്ദേഹം രചിച്ചിട്ടുണ്ട്.
മറ്റു കൃതികൾ[തിരുത്തുക]
- ബാലബോധിനി വ്യാഖ്യാനം.
- വിംശതി വ്യാഖ്യ
- വിദ്യാക്ഷരമാല
- വാസുദേവമനനം
- ജീവൻ മുക്തിപ്രകരണം
- വൈദ്യാമൃതതരംഗിണി
- മഹിഷമംഗലഭാണം
- അഷ്ടപദി
- അമരുകശതകം
കുമാരസംഭവത്തിന്റെ മൂന്നു സർഗ്ഗങ്ങൾക്കു സംസ്കൃതത്തിൽ പ്രേയസി എന്ന വ്യാഖ്യാനം രചിച്ചിട്ടുണ്ട്.
അവലംബം[തിരുത്തുക]
- ↑ ഭാരത വിജ്ഞാന പഠനങ്ങൾ .കേരള ഭാഷാ ഇൻസ്റ്റിറ്റ്യൂട്ട് .1998. പേജ് 155,156.
- ↑ ഭാരത വിജ്ഞാന പഠനങ്ങൾ .കേരള ഭാഷാ ഇൻസ്റ്റിറ്റ്യൂട്ട് .1998. പേജ് 160
- ↑ "അഞ്ഞൂറ് രൂപയ്ക്ക് പതിനാറ് പുസ്തകങ്ങളുടെ പകർപ്പവകാശം വിറ്റ കവി". മാതൃഭൂമി ഓൺലൈൻ. 1 ഒക്ടോബർ 2017. Archived from the original on 3 നവംബർ 2017. Retrieved 13 മാർച്ച് 2018.