കേരള സാഹിത്യ അക്കാദമി പുരസ്കാരം 2013

കേരള സാഹിത്യ അക്കാദമി മലയാള സാഹിത്യത്തിലെ വിവിധ ശാഖകളിലായി നൽകുന്ന 2013-ലെ കേരള സാഹിത്യ അക്കാദമി പുരസ്കാരം, 2014 ഡിസംബർ 19-നു് പ്രഖ്യാപിച്ചു. ^[1] നോവൽ വിഭാഗത്തിൽ കെ.ആർ. മീരയുടെ ആരാച്ചാർ, ചെറുകഥാവിഭാഗത്തിൽ തോമസ് ജോസഫിന്റെ മരിച്ചവർ സിനിമ കാണുകയാണ്, കവിതയിൽ കെ.ആർ. ടോണിയുടെ ഓ നിഷാദ, ആത്മകഥയിൽ ഭാഗ്യലക്ഷ്മിയുടെ സ്വരഭേദങ്ങൾ എന്നിവയ്ക്ക് പുരസ്കാരങ്ങൾ ലഭിച്ചു.

അക്കാദമിയുടെ വിശിഷ്ടാംഗത്വം യൂസഫലി കേച്ചേരി, എൻ.എസ്. മാധവൻ എന്നിവർക്കും, സമഗ്ര സംഭാവനക്കുള്ള പുരസ്കാരം പി.ആർ നാഥൻ, ഡോ. കെ. വസന്തൻ, ഡി. ശ്രീമാൻ നമ്പൂതിരി, കെ.പി. ശശിധരൻ, എം.ഡി. രത്നമ്മ എന്നിവർക്കും ലഭിച്ചു^[2].

പുരസ്കാരങ്ങൾ[തിരുത്തുക]

ജി.എൻ പിള്ള എൻഡോവ്മെന്റ് (വൈജ്ഞാനികസാഹിത്യം)- സൈലന്റ് വാലി: ഒരു പരിസ്ഥിതി സമരത്തിന്റെ ചരിത്രം - സജി ജെയിംസ്
ഐ.സി. ചാക്കോ അവാർഡ് (ഭാഷാ ശാസ്ത്രം, വ്യാകരണം, ശാസ്ത്രപഠനം) - തായ്മൊഴി - എം.എൻ. കാരശ്ശേരി
കെ.ആർ. നമ്പൂതിരി അവാർഡ്(വൈദിക സാഹിത്യം) - തന്ത്രസാഹിത്യം - ഡോ. ജെ.പി. പ്രജിത്ത്
കനകശ്രീ അവാർഡ് (കവിത) - നീറ്റെഴുത്ത് - സംപ്രീത
ഗീതാ ഹിരണ്യൻ അവാർഡ് (ചെറുകഥാ സമാഹാരം) റ്റാറ്റു - ജേക്കബ് എബ്രഹാം
സി.ബി. കുമാർ അവാർഡ്(ഉപന്യാസം) - സിനിമ സംസ്കാരം - അടൂർ ഗോപാലകൃഷ്ണൻ^[2]