കെ. രാഘവൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
കെ. രാഘവൻ
ജീവിതരേഖ
ജനനം 1913 ഡിസംബർ 2(1913-12-02)
മരണം 2013 ഒക്ടോബർ 19(2013-10-19) (പ്രായം 99)
തലശ്ശേരി, കേരളം, ഇന്ത്യ
സംഗീതശൈലി ഇന്ത്യൻ സംഗീതം, ലളിത സംഗീതം, മാപ്പിളപ്പാട്ട്
തൊഴിലുകൾ സംഗീതജ്ഞൻ, സംഗീതസംവിധായകൻ
ഉപകരണം തബല, കീബോർഡ്, തംബുരു, ഗായകൻ
റെക്കോഡ് ലേബൽ എച്ച്.എം.വി. ഇന്ത്യ,

മലയാള ചലച്ചിത്രസംഗീതരംഗത്തെ പ്രശസ്തനായ സംഗീതസംവിധായകനായിരുന്നു കെ.രാഘവൻ (ഡിസംബർ 2 1913 - ഒക്ടോബർ 19 2013). രാഘവൻ മാസ്റ്റർ എന്നറിയപ്പെടുന്ന അദ്ദേഹം സംഗീതസംവിധായകൻ എന്നതിനു പുറമെ ഗായകനും സംഗീതാദ്ധ്യാപകനും കൂടിയായിരുന്നു. പൊൻ‌കുന്നം വർക്കിയുടെ കതിരുകാണാകിളിയാണ്‌ സംഗീതസം‌വിധാനം നിർ‌വ്വഹിച്ച ആദ്യചലചിത്രം. പക്ഷെ അതു പുറത്ത്‌വന്നില്ല. അടുത്ത ചിത്രമായ പുള്ളിമാനും വെളിച്ചം കണ്ടില്ല. നീലക്കുയിലാണ്‌ രാഘവന്റെ സംഗീത സം‌വിധാനത്തിൽ പുറത്ത് വന്ന ആദ്യ ചലചിത്രം. 2010 ൽ ഭാരതസർക്കാർ രാഘവനെ പത്മശ്രീ നൽകി ആദരിച്ചു.[1][2]

പ്രശസ്തമായ ഒരു പാട്ട്[തിരുത്തുക]

"അപ്പോഴും പറഞ്ഞില്ലേ പോരണ്ടാന്ന്...." എന്ന ഗാനം സ്വന്തം സംഗീതത്തിൽ ആലപിച്ചത് രാഘവനായിരുന്നു. കോഴിക്കോട്ടെ മാനാഞ്ചിറ മൈതാനിയിൽ റഷ്യയിൽ നിന്നുള്ള ഒരു സാംസ്കാരിക സംഘത്തിനു നൽകിയ സ്വീകരണചടങ്ങിലാണ്‌ ഈ ഗാനം രാഘവൻ അവതരിപ്പിച്ചത്. ഇന്നും മലയാളിയുടെ ചുണ്ടുകളിൽ തത്തികളിക്കുന്ന ഈ ഗാനം രചിച്ചത് തിക്കോടിയനായിരുന്നു. ഈ ഗാനം പിന്നീട് പി.എൻ. മേനോന്റെ കടമ്പ എന്ന ചിത്രത്തിൽ പുനരാവിഷകരിച്ച് പാടിയിട്ടുണ്ട്[3].

ജീവിതരേഖ[തിരുത്തുക]

കണ്ണൂർ ജില്ലയിലെ തലശ്ശേരിയിൽ തലായി എന്ന സ്ഥലത്ത് സംഗീതപാരമ്പര്യമില്ലാത്ത കുടുംബത്തിൽ ജനിച്ച ഇദ്ദേഹം സ്വന്തം താല്പര്യവും അഭിരുചിയും കാരണം സംഗീതലോകത്ത് എത്തുകയായിരുന്നു.കൃഷ്ണൻ-കുപ്പച്ചി ദമ്പതിമാരുടെ മകനാണ്[4]. പി.എസ്. നാരായണയ്യരുടെ കീഴിൽ ശാസ്ത്രീയസംഗീതം അഭ്യസിച്ചു[4]. സംഗീതപഠനത്തിനു ശേഷം ആകാശവാണിയിൽ സംഗീതവിഭാഗത്തിൽ ജീവനക്കാരനായി. കേരളത്തിനകത്തും പുറത്തുമുള്ള നിരവധി ആകാശവാണി നിലയങ്ങളിൽ പ്രവർത്തിച്ചിട്ടുണ്ട്.

2013 ഒക്ടോബർ 19-നു ശനിയാഴ്ച പുലർച്ചെ തലശ്ശേരി സഹകരണ ആശുപത്രിയിൽ വെച്ച് അന്തരിച്ചു[5] .

കുടുംബം[തിരുത്തുക]

ഭാര്യ പരേതയായ യശോദ.വീണാധരി,മുരളീധരൻ,കനകാംബരൻ,ചിത്രാംബരി,വാഗീശ്വരി എന്നിവർ മക്കൾ.

സം‌ഗീത സം‌വിധാനം[തിരുത്തുക]

പുരസ്കാരങ്ങൾ[തിരുത്തുക]

  • പത്മശ്രീ - 2010
  • ജെ.സി. ഡാനിയേൽ പുരസ്കാരം - 1997
  • മികച്ച സംഗീതസംവിധായകനുള്ള കേരള സംസ്ഥാന ചലച്ചിത്ര പുരസ്കാരം - (1973, 1977 എന്നീ വർഷങ്ങളിൽ)
  • സ്വരലയ യേശുദാസ് അവാർഡ് - 2007
  • എം.ജി. രാധാകൃഷ്ണൻ പുരസ്കാരം [5]
  • കേരള സംഗീത നാടക അക്കാദമി ഫെല്ലോഷിപ്പ്
  • കേരള ഫിലിം ക്രിട്ടിക്സ് അസോസിയേഷൻ അവാർഡ്
  • കേരള സംസ്ഥാന നാടക അവാർഡ് ( 1986) കെ.പി.എ.സി.യുടെ പാഞ്ചാലി എന്ന നാടകത്തിന്റെ സംഗീതസംവിധാനം നിർവ്വഹിച്ചതിനു്)
  • ഖത്തർ ഐ.സി.ആർ.സിയുടെ കെ. ബാബുരാജ് അവാർഡ്
  • കമുകറ അവാർഡ്
  • സിനി മ്യുസീഷ്യൻ അവാർഡ് [4]

അവലംബം[തിരുത്തുക]

  1. മാതൃഭൂമി ഓൺലൈൻ
  2. ഭാരതസർക്കാർ പ്രസ്സ് ഇൻഫർമേഷൻ ബ്യൂറോ
  3. മനോരമ ഓൺലൈൻ
  4. 4.0 4.1 4.2 "രാഘവരാഗം അനശ്വരമായി". മാതൃഭൂമി. 2013 ഒക്ടോബർ 20. യഥാർത്ഥ സൈറ്റിൽ നിന്ന് 2013 ഒക്ടോബർ 20-നു ആർക്കൈവ് ചെയ്തത്. ശേഖരിച്ചത്: 2013 ഒക്ടോബർ 20. 
  5. 5.0 5.1 "സംഗീത സംവിധായകൻ രാഘവൻ മാസ്റ്റർ അന്തരിച്ചു". മാതൃഭൂമി. 2013 ഒക്ടോബർ 19. യഥാർത്ഥ സൈറ്റിൽ നിന്ന് 2013 ഒക്ടോബർ 19-നു ആർക്കൈവ് ചെയ്തത്. ശേഖരിച്ചത്: 2013 ഒക്ടോബർ 19. 

പുറത്തേക്കുള്ള കണ്ണികൾ[തിരുത്തുക]


"http://ml.wikipedia.org/w/index.php?title=കെ._രാഘവൻ&oldid=1886086" എന്ന താളിൽനിന്നു ശേഖരിച്ചത്