കെ.ജെ. ബേബി

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒരു പ്രമുഖ മലയാള സാഹിത്യകാരനും സാംസ്കാരിക പ്രവർത്തകനുമാണ് കെ.ജെ. ബേബി.

ജീവിതരേഖ[തിരുത്തുക]

കണ്ണൂർ ജില്ലയിലെ മാവിലായിയിൽ 1954 ഫെബ്രുവരി 27ന്‌ ജനിച്ചു. 1973-ൽ കുടുംബം വയനാട്ടിൽ കുടിയേറിപ്പാർത്തു. വയനാട്ടിൽ ചിങ്ങോടിൽ ആദിവാസി കുട്ടികൾക്കായി, ബദൽ വിദ്യാഭ്യാസത്തിന്റെ സന്ദേശം പരത്തി[1] വയനാട്ടിലെ ആദിവാസി കുട്ടികളെ വിദ്യാഭ്യാസം ചെയ്യിക്കാനും, സ്വയം പര്യാപ്തമാകുന്നതിനും വേണ്ടി 'കനവ്‌ എന്ന പേരിൽ ഒരു ഗുരുകുലാശ്രമം സ്‌ഥാപിച്ച്‌ പ്രവർത്തിച്ചു[2]. 2006ൽ ബേബി കനവിന്റെ പ്രവർത്തനങ്ങളിൽ നിന്ന് പിന്മാറുകയും അവിടെ പഠിച്ച മുതിർന്ന കുട്ടി കളെ ചുമതല ഏൽപ്പിക്കുകയും ചെയ് തു. കനവിൽ പഠിച്ച 24 പേർ അംഗങ്ങളായ ട്രസ്റ്റാണ് ഇപ്പോൾ സ്ഥാപനത്തിൻറെ പ്രവർത്തനങ്ങൾ നട ത്തുന്നത്. [3]അടിയന്തിരാവസ്ഥക്കാലത്ത് സാംസ്കാരിക വേദി പ്രവർത്തകനായിരുന്ന ബേബി തന്റെ നാടുഗദ്ദിക എന്ന നാടകവുമായി കേരളമെമ്പാടും സഞ്ചരിച്ചു. വയനാട് സാംസ്കാരികവേദി എന്ന സംഘടനയാണ് 18 കലാകാരന്മാരെ അണിനിരത്തി ഇത് കേരളത്തിലുടനീളം അവതരിപ്പിച്ചത്. കോഴിക്കോട് മുതലക്കുളത്തുവച്ച് സംഘാടകരെ 1981 മേയ് 22-ന് അറസ്റ്റുചെയ്തു. ആദ്യസംരംഭം തടയപ്പെട്ടുവെങ്കിലും പിന്നീട് ഒരു വ്യാഴവട്ടക്കാലത്തിനുശേഷം മഞ്ഞുമലൈ മക്കൾ എന്ന അവതരണസംഘത്തിലൂടെ ബേബിയുടെ നേതൃത്വത്തിൽ നിരവധി പുനരവതരണങ്ങൾ നടന്നു.[4] മാവേലിമന്റം എന്ന നോവലിലൂടെ കേരള സാഹിത്യ അക്കാദമി അവാർഡും മുട്ടത്തുവർക്കി അവാർഡും ബേബിക്ക് ലഭിച്ചു.

ഭാര്യ: ഷേർളി, രണ്ടു മക്കൾ.

കൃതികൾ[തിരുത്തുക]

  1. നാടുഗദ്ദിക
  2. മാവേലി മൻറം
  3. ബെസ്പുർക്കാന

പുരസ്കാരരങ്ങൾ[തിരുത്തുക]

  1. കേരള സാഹിത്യ അക്കാദമി അവാർഡ്[5]
  2. മുട്ടത്തുവർക്കി അവാർഡ്

അവലംബം[തിരുത്തുക]

  1. http://www.thesundayindian.com/ml/story/kanavu-a-tribal-experiment-on-survival/1864/
  2. http://www.chintha.com/node/2699
  3. http://www.thesundayindian.com/ml/story/kanavu-a-tribal-experiment-on-survival/1864/
  4. http://mal.sarva.gov.in/index.php?title=%E0%B4%A8%E0%B4%BE%E0%B4%9F%E0%B5%81%E0%B4%97%E0%B4%A6%E0%B5%8D%E0%B4%A6%E0%B4%BF%E0%B4%95
  5. http://www.keralasahityaakademi.org/ml_aw3.htm
"http://ml.wikipedia.org/w/index.php?title=കെ.ജെ._ബേബി&oldid=1828530" എന്ന താളിൽനിന്നു ശേഖരിച്ചത്