കൃത്ത്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ധാതുവില് പ്രത്യയങ്ങള് ചേര്ന്നോ, ധാതു തനിച്ചോ രൂപംകൊള്ളുന്ന നാമങ്ങളാണ് കൃത്തുകള്. അര്ത്ഥത്തെ ആസ്പദിച്ച് കൃതികൃത്ത്, കാരകകൃത്ത് എന്ന് കൃത്തുകള് രണ്ടുവിധം.
ഉള്ളടക്കം |
[തിരുത്തുക] കൃതികൃത്ത്
ക്രിയയുടെ അര്ത്ഥത്തെ കുറിക്കുന്ന നാമം കൃതികൃത്ത് അഥവാ ക്രിയാനാമം.
ഉദാ:-
-
- വീഴ്ച്ച, കൊയ്ത്ത്, ഓട്ടം, കൊല, പിറവി
[തിരുത്തുക] കാരകകൃത്ത്
ക്രിയയെ അപ്രധാനീകരിച്ച് കാരകങ്ങളിലൊന്നിന് പ്രാധാന്യം നല്കി നിര്മ്മിക്കുന്നത് കാരകകൃത്ത്.
ഉദാ:-
-
- ചതിയന്, തെണ്ടി, മരംചാടി, വായാടി,നാടോടി (കര്തൃകാരകം)
- മീങ്കൊല്ലി, പാക്കുവെട്ടി (കരണകാരകം)
- കൈതാങ്ങി, നിലം(<നില്) (അധികരണം)
പല ദ്രവ്യനാമങ്ങളും ഇവ്വിധം ക്രിയയില് നിന്ന് രൂപപ്പെട്ടവയാണ്.
-
- വള , പുഴ (<പുളയുക), പറവ (<പറക്കുക)
- നിരുപപദം, സോപപദം എന്ന് രൂപത്തെ ആസ്പദമാക്കിയും കൃത്തിനെ വിഭജിക്കാം. ധാതുവില്നിന്ന് നേരിട്ട് രൂപംകൊള്ളുന്നവ നിരുപപദം. നാമം, ഉപസര്ഗ്ഗം തുടങ്ങിയവയുടെ യോഗം വഴി രൂപപ്പെടുന്നവ സോപപദം.
നിരുപപദം: ചാട്ടം, കള്ളന്
സോപപദം: അടിച്ചുതളി, മരംകയറി, തെരുവുതെണ്ടി, നാണംകുണുങ്ങി
[തിരുത്തുക] തദ്ധിതങ്ങളും കൃത്തുകളും
തദ്ധിതങ്ങളും കൃത്തുകളും ചിലപ്പോള് വേര്തിരിക്കാന് പ്രയാസമാണ്. മലയാളത്തിലെ തന്മാത്രാതദ്ധിതപ്രത്യയമായ ‘മ’ തന്നെ കൃതികൃത്തുകളിലും കാണാം; തദ്വത്തദ്ധിതപ്രത്യയമായ അന് കാരകകൃത്തുകളിലും. നാമം, ഭേദകം, ക്രിയ എന്നീ പ്രകൃതികളുടെ അതിരുകള് പരസ്പരം അതിവ്യാപനം ചെയ്യുന്നതാണ് (overlapping) ഇതിനു കാരണം. സംസ്കൃതത്തില് ദൈര്ഘ്യം, ആയാമം തുടങ്ങിയ നിരവധി ശബ്ദങ്ങളില് കൃത്തദ്ധിതങ്ങള്ക്ക് പര്യായതയുണ്ട്.
[തിരുത്തുക] ഇവ കൂടി കാണുക
 |
വ്യാകരണവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
