കാട്ടായിക്കോണം ശ്രീധരൻ
| കാട്ടായിക്കോണം വി. ശ്രീധരൻ | |
 |
|
|
|
|
| പദവിയിൽ 1957 – 1959 |
|
| മുൻഗാമി | ഇല്ല |
|---|---|
| പിൻഗാമി | അലക്സാണ്ടർ പറമ്പിത്തറ |
| മണ്ഡലം | ഉള്ളൂർ |
|
മൂന്നാം കേരള നിയമസഭയിലെ അംഗം
|
|
| പദവിയിൽ ജൂൺ 10 1969 – 1970 |
|
| മുൻഗാമി | കെ.പി. കോസലരാംദാസ് |
| പിൻഗാമി | വക്കം പുരുഷോത്തമൻ |
| മണ്ഡലം | ആറ്റിങ്ങൽ |
|
|
|
| ജനനം | 1918 മാർച്ച് 22 കാട്ടായിക്കോണം, തിരുവനന്തപുരം |
| മരണം | 1994 മാർച്ച് 29 (പ്രായം 75) തിരുവനന്തപുരം |
| രാഷ്ട്രീയകക്ഷി | കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) |
| മതം | ഹിന്ദുമതം |
| As of ജനുവരി 3, 2012 ഉറവിടം: നിയമസഭ |
|
ഒന്നാം കേരളനിയമസഭയിൽ ഉള്ളൂർ മണ്ഡലത്തേയും മൂന്നാം കേരളനിയമസഭയിൽ ആറ്റിങ്ങൽ നിയോജകമണ്ഡലത്തേയും[1] പ്രതിനിധീകരിച്ച ഒരു രാഷ്ട്രീയ നേതാവായിരുന്നു കാട്ടായിക്കോണം വി. ശ്രീധരൻ (മാർച്ച് 1918 - 29 മാർച്ച് 1994). സി.പി.എം പ്രതിനിധിയായാണ് ഇദ്ദേഹം കേരള നിയമസഭയിലേക്കെത്തിയത്. കേരളനിയമസഭയിൽ അംഗമാകുന്നതിനു മുൻപ് രണ്ട് തവണ തിരുക്കൊച്ചി നിയമസഭയിലേക്കും കാട്ടായിക്കോണം ശ്രീധരൻ തെരഞ്ഞെടുക്കപ്പെട്ടിരുന്നു. 1969-ൽ നടന്ന ഉപതെരഞ്ഞെടുപ്പിലാണ് ഇദ്ദേഹം മൂന്നാം കേരളനിയമസഭിൽ അംഗമായത്. ഏറ്റവും കൂടുതൽ കാലം[2] കമ്യൂണിസ്റ്റ് പാർട്ടിയുടെ ജില്ലാസെക്രട്ടറിയായി പ്രവർത്തിച്ച് റിക്കോർഡ് വി. ശ്രീധരനാണ് ഏകദേശം നാല്പതു വർഷത്തോളം ഇദ്ദേഹം തിരുവനന്തപുരം ജില്ലാക്കമ്മിറ്റിയുടെ സെക്രട്ടറിയായിരുന്നു.
[തിരുത്തുക] ജീവിത രേഖ
കാട്ടയിക്കോണം കളരിയ്ക്കവിള വീട്ടിൽ വേലായുധന്റേയും ലക്ഷ്മിയുടെയും മകനായി 1918 മാർച്ചിൽ ജനിച്ചു. സരോജിനി, നളിനായി, പുഷ്പലക്ഷ്മി എന്നിവർ സഹോദരങ്ങളും കുട്ടപ്പൻ, രാജപ്പൻ, സദാശിവൻ എന്നിവർ സഹോദരന്മാരും ആയിരുന്നു. ഇഎൽസിയാണ് വിദ്യാഭ്യാസ യോഗ്യത. ആമാശയത്തിലെ അമിത രക്തസ്രാവത്തെ തുടർന്ന് 1994 മാർച്ച് 29 വെളുപ്പിന് 3.20ന് തിരുവനന്തപുരം മെഡിക്കൽ കോളേജിൽ വച്ച് ഇദ്ദേഹം അന്തരിച്ചു.
[തിരുത്തുക] രാഷ്ട്രീയ ജീവിതം
സ്വാതന്ത്ര്യ സമരത്തിൽ സജീവമായി പങ്കെടുത്ത ശ്രീധരൻ തിരുവിതാംകൂർ സ്റ്റേറ്റ് കോൺഗ്രസിന്റെ ജില്ലാ ഘടകം സെക്രട്ടറിയായിരുന്നു. തിരുവിതാംകൂറിൽ ഉത്തരവാദിത്ത ഭരണം സ്ഥാപിക്കാനുള്ള സമരങ്ങളിലും ഇദ്ദേഹം പങ്കെടുത്തിരുന്നു. കെ.സി. ജോർജ്ജുമായി ഒരുമിച്ച് പ്രവർത്തിക്കുക വഴി 1941-ൽ കമ്മ്യൂണിസ്റ്റ് പാർട്ടിയിലംഗമായി. തെക്കൻ തിരുവിതാംകൂറിൽ കമ്മ്യൂണിസ്റ്റ് പാർട്ടി കെട്ടുപ്പടുക്കാൻ നിർണ്ണായകമായ ഒരു പങ്കാണ് ശ്രീധരൻ വഹിച്ചിട്ടുള്ളത്. ഏകദേശം ഒൻപതു വർഷക്കാലത്തോളം ജയിൽ വാസവും നിരവധി നാളുകളിൽ ഒളിവിൽ ജീവിക്കുകയും ചെയ്തിട്ടുണ്ട്. ആദ്യമായി തിരുവിതാംകൂർ നിയമസഭയിലേക്ക് കഴക്കൂട്ടത്തുനിന്ന് മത്സരിച്ചെങ്കിലും പരാജയപ്പെട്ടു, എന്നാൽ 1952-ൽ കഴക്കൂട്ടത്തുനിന്ന് തന്നെ ഇദ്ദേഹം തിരുക്കൊച്ചി നിയമസഭയിലേക്ക് തിരഞ്ഞെടുക്കപ്പെട്ടു. പിന്നീട് 1954ലും ഇവിടെനിന്ന് വിജയിച്ചു. സി.പി.ഐ.എം. സംസ്ഥാന സമിതി അംഗംവുമായിരുന്നു വി. ശ്രീധരൻ.
