കാക്ക മീൻകൊത്തി

ഇംഗ്ലീഷ് വിലാസം

http://ml.wikipedia.org/wiki/Stork-billed_Kingfisher

കാക്കമീൻ‌കൊത്തി
കാക്ക മീൻ‍കൊത്തി, തൃശൂരിലെ തൊമ്മാനയിൽ നിന്നും
പരിപാലന സ്ഥിതി
ഒട്ടും ആശങ്കാജനകമല്ല
ശാസ്ത്രീയ വർഗ്ഗീകരണം
സാമ്രാജ്യം:	Animalia
ഫൈലം:	Chordata
ക്ലാസ്സ്‌:	Aves
നിര:	Coraciiformes
കുടുംബം:	Halcyonidae
ജനുസ്സ്:	Pelargopsis
വർഗ്ഗം:	P. capensis
ശാസ്ത്രീയ നാമം
Pelargopsis capensis (Linnaeus, 1766)
Synonyms
Halcyon capensis

പ്രാവിനോളം വലിപ്പമുള്ള മീൻ‌കൊത്തിയാണ്‌ 'കാക്കമീൻ‌കൊത്തി. ഇംഗ്ലീഷ്: Stork billed Kingfisher ശാസ്ത്രീയനാമം: Pelagopsis capensis. കേരളത്തിലെ മീൻ‌കൊത്തികളിൽ ഏറ്റവും വലിപ്പമുള്ളത് ഇതിനാണ്‌. ജലാശയങ്ങൾക്ക് അരികിലെ മരങ്ങളിലിരുന്ന് നിരീക്ഷിച്ച് വെള്ളത്തിലേക്ക് ചെരിഞ്ഞ് പറന്നാണ്‌ ഇര പിടിക്കുന്നത്. 15 ഇഞ്ച് (38 സെ.മീ.) വലിപ്പമുള്ള ഇതിന്റെ വലിപ്പം മൂലമാണ്‌ കാക്കമീൻ കൊത്തി എന്ന പേർ വന്നത്.

ആവാസവ്യസസ്ഥകൾ

ഇന്ത്യ, സിംഗപ്പൂർ, മലേഷ്യ എന്നിവിടങ്ങളിൽ കാണപ്പെടുന്നു. ദക്ഷിണ പൂർവ്വേഷ്യ മുതൽ സുലാവേസി വരെ ഇതിന്റെ ആവാസ കേന്ദ്രങ്ങൾ ആൺ. ഇന്ത്യയിലാണ്‌ ഇത് കൂടുതലും കാണപ്പെടുന്നത്. സാധാരണയായി മനുഷ്യരുടെ ദൃഷ്ടിയിൽപ്പെടാതെ മറഞ്ഞിരിക്കുന്നതിനാൽ കാട്ടുപക്ഷിയാണ്‌ ഇത് എന്ന് പൊതുവെ ധാരണയുണ്ടെങ്കിലും നാട്ടിൻ പ്രദേശങ്ങളിൽ കാണപ്പെടുന്ന പക്ഷിയാണിത്. നാണം കുണുങ്ങിയും മറ്റു മീൻ‌കൊത്തികളെ അപേക്ഷിച്ച് ഒച്ചവെക്കുന്നത് കുറവുമായതിനാൽ ഈ പക്ഷിയെ കണ്ടെത്തുക ബുദ്ധിമുട്ടായതിനാലായിരിക്കണം ഈ ധാരണ പരന്നത്. എന്നാൽ കേരളത്തിലേയും മറ്റുമുള്ള വലിയ ജലാശയങ്ങൾക്കരികിലും കോൾ പാടങ്ങളിലും ഈ പക്ഷിയെ ധാരാളം കാണാൻ സാധിക്കും.