കസാഖ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
കസാഖ്
Қазақтар
AbaiPainting 140x190.jpgAbylai khan 140x190.jpgKurmangazy 175 140x190.jpg

Baitursynov 140x190.jpgToktarAwbakirov 140x190.jpgAssan Bazayev 140x190.jpg

Muhtar Shaxan Kazak poet 140x190.jpgYussupova 140x190.jpg
(ഇടത്തുനിന്ന്) അബയ് ഖുനാൻബയൂലിഅബ്ലായ് ഖാൻഎസ്. കുർമാൻഗാസി
അഖ്മത് ബൈതുർസിനോവ്തോക്താർ ഓബാകിറോവ്അസ്സൻ ബസായേവ്
മുഖ്താർ ഷാഖാനോവ്റാഡിക് സപറോവ്ഏലിയ യൂസുപോവ
ആകെ ജനസംഖ്യ
ഏകദേശം 1,38,00,000
ആവാസവ്യവസ്ഥ
 കസാഖ്സ്താൻ 1,00,98,600 [1]
 ചൈന 14,00,000 - 15,00,000 [2]
 ഉസ്ബെകിസ്താൻ 8,00,000 - 11,00,000 [3]
 റഷ്യ 6,54,000 [4]
 മംഗോളിയ 1,40,152 [5]
 തുർക്ക്മെനിസ്താൻ 40,000 - 90,000 [6]
 കിർഗിസ്താൻ 33,200 [7]
 അഫ്ഗാനിസ്താൻ 21,000 [8]
 തുർക്കി 19,000-25,000 [8]
 ജർമ്മനി 890 [8]
 താജികിസ്താൻ 900 [9]
 ഇറാൻ 10,000-15,000 [8]
 യുക്രൈൻ 5,526 [10]
 ബെലാറുസ് 1,239 [11]
ഭാഷകൾ

കസാഖ്, റഷ്യൻ
(കൂടാതെ അവർ ജീവിക്കുന്ന രാജ്യങ്ങളിലെ ഭാഷകളും)

മതം

പ്രധാനമായും സുന്നി മുസ്ലീം

ബന്ധമുള്ള മറ്റു സമൂഹങ്ങൾ

മറ്റു തുർക്കി ജനവിഭാഗങ്ങൾ

മദ്ധ്യേഷ്യയുടെ വടക്കൻ ഭാഗങ്ങളിൽ അധിവസിക്കുന്ന ഒരു തുർക്കി ജനവിഭാഗമാണ് കസാഖുകൾ (കസാഖ്: Қазақтар [qɑzɑqtɑ́r]) (കസാക്ക് എന്നും ഖസാഖ് എന്നും വിളിക്കപ്പെടുന്നു). പ്രധാനമായും കസാഖിസ്താനാണ് ഇവരുടെ കേന്ദ്രം. ഉസ്ബെകിസ്താൻ, ചൈന, റഷ്യ, മംഗോളിയ എന്നിവിടങ്ങളിലും ഇവരെ കണ്ടുവരുന്നു. സൈബീരിയക്കും കരിങ്കടലിനും ഇടയിൽ വസിച്ചിരുന്നതും അഞ്ചും പതിമൂന്നും നൂറ്റാണ്ടുകൾക്കിടയിൽ മേഖലയിലേക്ക് കുടീയേറിയതുമായ നിരവധി തുർക്കി, തുർക്കോ-മംഗോളിയൻ, ആദിമ തുർക്കി വംശജർ, പുരാതനഹൂണർ തുടങ്ങിയവരുടെ പിൻഗാമികളാണ് കസാഖുകൾ.[12][13] ആദ്യകാലതുർക്കികളും മംഗോളിയരും തമ്മിലുള്ള രണ്ടാംഘട്ടസങ്കരഫലമായാണ് ഇവരുടെ ഉൽപ്പത്തി.[14]

തുർക്കി ഭാഷയിൽ നാടോടി എന്നാണ് കസാഖ് എന്ന വാക്കിനർത്ഥം. സ്റ്റെപ്പികളിൽ കാലികളെ മേക്കലായിരുന്നു കസാഖുകളുടെ പ്രധാന തൊഴിൽ. ഏറ്റവും പേരുകേട്ട നാടോടികളായ ഇടയന്മാരാണ് കസാഖുകൾ.[14]

ഗോത്രങ്ങൾ[തിരുത്തുക]

ഇരുപതാം നൂറ്റാണ്ടിന്റെ തുടക്കത്തിലെ കസാഖ് ഗോത്രങ്ങളുടെ ആവാസമേഖല കസാഖ്സ്താന്റെ ഭൂപടത്തിൽ കാണിച്ചിരിക്കുന്നു.

 ചെറുഗോത്രം

 മദ്ധ്യഗോത്രം

 മഹാഗോത്രം

കസാഖ് നാടോടികൾ എല്ലായ്പ്പോഴും, പരസ്പരം പോരടിച്ചിരുന്ന മൂന്നു ഗോത്രങ്ങളായി തിരിഞ്ഞിരുന്നു. കാസ്പിയൻ കടലിനും ആറൾ കടലിനിമിടയിലുള്ള ഭാഗത്താണ് ചെറുഗോത്രം (small horde) എന്ന ആദ്യത്തെ കൂട്ടരുടെ ആവാസസ്ഥലം. മദ്ധ്യ ഹംഗ്രി സ്റ്റെപ്പികളിലാണ് മദ്ധ്യഗോത്രം (middle horde) കേന്ദ്രീകരിച്ചിരുന്നത്. മൂന്നാമത്തെ കൂട്ടരായ മഹാഗോത്രം (great horde), ചൈന അതിർത്തിയിലുള്ള സെമിറെച്ചി (Semirechi) മേഖലയിൽ ആയിരുന്നു വസിച്ചിരുന്നത്. കസാഖ്-കിർഗിസ് വിഭാഗക്കാരുടെ പൊതുപൂർവികനായ അലാഷിന്റെ മൂന്നു മക്കളാണ് ഈ മൂന്നു ഗോത്രങ്ങളുടെ സ്ഥാപകർ എന്നാണ് ഇവരുടെ പരമ്പരാഗതവിശ്വാസം

പതിനേഴ്, പതിനെട്ട് നൂറ്റാണ്ടുകളിൽ ഈ കസാഖ് ഗോത്രങ്ങൾ തമ്മിലുള്ള ഭിന്നതകൾ മുതലെടുത്താണ് റഷ്യക്കാർ മദ്ധ്യേഷ്യയിൽ തങ്ങളുടെ ആധിപത്യം ഉറപ്പിച്ചത്.[14]

ജീവിതരീതി[തിരുത്തുക]

ചൈനയിലെ ക്സിൻജിയാങ് പ്രവിശ്യയിലെ ഒരു കസാഖ് കുടുംബവും കൂടാരവും

കാലിമേയ്ക്കലാണ് കസാഖുകളുടെ പരമ്പരാഗത തൊഴിൽ. കസാഖ് സ്ത്രീകളും തങ്ങളുടെ ഭർത്താക്കന്മാരോടൊപ്പം കാലിമേയ്ക്കുന്ന ജോലിയിൽ ഏർപ്പെടാറുണ്ട്. കൂടാരം തയാറാക്കലും പൊളിച്ചുമാറ്റലും മറ്റുമുള്ള ജോലികൾ പൊതുവേ സ്ത്രീകളാണ് ചെയ്യാറുള്ളത്. കസാഖ് കിർഗിസ് സ്ത്രീകളുടെ വസ്ത്രധാരണവും പുരുഷന്മാരുടേതുപോലെത്തന്നെയാണ്.

കസാഖ് നോടോടി ഇടയന്മാരുടെ കൂടാരങ്ങൾ ഇയവ് (iuw) എന്നാണ്‌ കസാഖ് ഭാഷയിൽ പറയുന്നത് തുർക്കിഷ് ഭാഷയിൽ വീട് എന്നർത്ഥമുള്ള എവ് (ev) എന്ന വാക്ക് ഇതിൽ നിന്നുണ്ടായതാണ്. കൂടാരത്തിന്റെ വലതുവശം, ജുടുംബത്തിലെ പുരുഷന്മാർക്കുള്ളതാണ് ഇവിടെ അവരുടെ വസ്ത്രങ്ങളും പാദരക്ഷകളും തലപ്പാവുകളും സൂക്ഷിക്കുന്നു. കൂടാരത്തിന്റെ മദ്ധ്യത്തിലുള്ള അടുപ്പ് അന്തേവാസികൾക്ക് ചൂടുകായുന്നതിനും ഭക്ഷണം പാകം ചെയ്യുന്നതിനു ഉപയോഗിക്കുന്നു. കൂടാരത്തിന്റെ വാതിലിൽ നിന്ന് ഏറ്റവും അകലെയുള്ള ഭാഗം, ഏറ്റവും പ്രധാനപ്പെട്ടതായി കരുതുന്നു ഇവിടെ തടിക്കഷണങ്ങൾ അടുക്കിവച്ച് അതിനുമുകളിൽ മികച്ച തരം പരവതാനി വിരിച്ചിരിരിക്കും. ഇതാണ് അഥിതികൾക്ക് താമസത്തിനായി നൽകുന്ന സ്ഥലം. ഇന്ന് വീടുകളും മറ്റും വെച്ച് സ്ഥിരതാമസമാക്കിയിരിക്കുന്ന കസാഖ്, കിർഗിസ് വംശജർ, വീടിന്റെ വാതിലിന് ഏറ്റവും അകലെയുള്ള സ്ഥലത്ത് അഥിതികൾക്ക് സൗകര്യമൊരുക്കുന്ന രീതി തുടർന്നുപോരുന്നു.[14]

ഭക്ഷണം[തിരുത്തുക]

കുമിസ്

പാലുൽപ്പന്നങ്ങളാണ് കസാഖുകളുടെ ഭക്ഷണത്തിൽ പ്രധാനപ്പെട്ടത്. കൂടാരത്തിൽ ഒരു മറക്കു പുറകിലാണ് ഇവർ ഭക്ഷണം സൂക്ഷിക്കുന്നത്. അറബി രീതികൾ കൂടിക്കലർന്ന പരമ്പരാഗത നാടോടിപാചകരീതിയാണ് കസാഖ് പാചകരീതി. കുതിരയിറച്ചി, ആട്ടിറച്ചി എന്നിവ ഇവരുടെ നിത്യഭക്ഷണമാണ്. അരി, പച്ചക്കറികൾ, കബാബുകൾ എന്നിവ മദ്ധ്യപൂർവ്വശൈലിയിൽ പാകം ചെയ്യുന്നു. യോഗർട്ട് ഇവരുടെ ഭക്ഷണത്തിന്റെ അവിഭാജ്യഘടകമാണ്. യോഗർട്ടിനു പുറമേ ഇവരുടെ ഏറ്റവും പ്രധാനപ്പെട്ട പാലുൽപ്പന്നം, കുമിസ്സ് ആണ്. കുതിരപ്പാല് പുളിപ്പിച്ചുണ്ടാക്കുന്ന ഈ പാനീയം ഒരു ലഹരിപദാർത്ഥമാണ്. കസാഖ് നാടോടികളുടെ അതിഥിസൽക്കാരത്തിൽ പ്രഥമസ്ഥാനം വഹിക്കുന്ന വിഭവമാണ് കുമിസ്സ്. ലഹരിപദാർത്ഥമായതുകൊണ്ട് ഇസ്ലാമികവിധിപ്രകാരം വിലക്കപ്പെട്ട ഒന്നായിട്ടും ഇന്നും കസാഖിസ്താനിലേയും കിർഗിസ്ഥാനിലേയ്യും ഗ്രാമപ്രദേശങ്ങളിൽ വിവാഹസൽക്കാരങ്ങളിലും മറ്റും കുമിസ്സ് സ്വതന്ത്രമായി വിളമ്പുന്നുണ്ട്.[14]

അവലംബം[തിരുത്തുക]

  1. Kazakhstan National Census 2009 preliminary results
  2. Census 2000 counts 1.25 mln Kazakhs [1], later the Kazakh population had higher birth rate, but some assimilation processes were present too. Estimations made after the 2000 Cesus are claiming Kazakh population share growth (was 0,104 % in 2000), but even if this share value was preserved at 0.104% level it would be no less than 1.4 mln in 2008
  3. Kazakh population share was constant at 4.1% in 1959-1989, CIA estimates this share declined to 3% in 1996. Official Uzbekistan estimation (E. Yu. Sadovskaya "Migration in Kazakhstan in the beginning of XXI century: main tendentions and perspectives" ISBN 9965-593-01-9) in 1999 was 940,600 Kazakhs or 3.8% of total population. If Kazakh population share was stable at about 4.1% (not taking into account the massive repatriation of ethnic Kazakhs (Oralman) to Kazakhstan) and the Uzbekistan population in the middle of 2008 was 27.3 mln, the Kazakh population would be 1.1 mln. Using the CIA estimate of the share of Kazakhs (3%), the total Kazakh population in Uzbekistan would be 0.8 mln
  4. 2002 Census ethnic composition data, in 2003-2008 Kazakhstan national statistics noted the oralman (ethnic Kazakhs) repatriation to Kazakhstan
  5. Ethnic composition of the Mongolian population in 2007, Mongolian government 2007. Retrieved on 6 April 2009
  6. In 1995 Kazakh poulation was 86,987 [2] or 1.94 % population total. Later was a massive pepartriation of ethnic Kazakh population (oralman) to Kazakhstan: 22,000 before 2001 and 38,000-40,000 in 2001—2007. Press reports are claiming [3],[4],[5] the most part of Kazakhs had left Turkmenistan
  7. In 2009 National Statistical Committee of Kyrgyzstan. National Census 2009
  8. 8.0 8.1 8.2 8.3 The Kazakh Diasporas: Kazakh Ministry of Culture and Information (Russian). Retrieved on 6 April 2009
  9. Results of the 2000 population census in Tajikistan. Retrieved on 6 April 2009
  10. Ukrainian population census 2001: Distribution of population by nationality. Retrieved on 23 April 2009
  11. Belarus population census 1999: National composition of the population. Retrieved on 23 April 2009
  12. Z. V. Togan: The Origins of the Kazaks and the Ozbeks, Central Asian Survey Vol. 11, No. 3. 1992
  13. http://hgm2002.hgu.mrc.ac.uk/Abstracts/Publish/WorkshopPosters/WorkshopPoster04/hgm0179.htm
  14. 14.0 14.1 14.2 14.3 14.4 Dilip Hiro (2009). "Introduction". Inside Central Asia - A political history of Uzbekistan, Turkmenistan, Kazakhstan, Kyrgistan, Tajikistan, Turkey and Iran. New York: Overlook Duckworth. pp. 21–23,26,32. ഐ.എസ്.ബി.എൻ. 978-1-59020-221-0. 
"http://ml.wikipedia.org/w/index.php?title=കസാഖ്&oldid=1983384" എന്ന താളിൽനിന്നു ശേഖരിച്ചത്