കളി

വിക്കിപീഡിയ, ഒരു സ്വതന്ത്ര വിജ്ഞാനകോശം.
വടംവലി എളുപ്പത്തിൽ സംഘടിപ്പിക്കാവുന്നതും അധികം സാമഗ്രികൾ ആവശ്യമില്ലാത്തതുമായ ഒരു കളിയാണ്.
പോൾ സെസാൻ 1895-ൽ രചിച്ച ദി കാർഡ് പ്ലേയേഴ്സ് എന്ന ചിത്രത്തിൽ ഒരു ചീട്ടുകളി ചിത്രീകരിച്ചിരിക്കുന്നു.
ഹാരപ്പയിൽ നിന്നു കണ്ടെടുത്ത കളിപ്പാട്ടം (ഉദ്ദേശം 2500 ബി.സി.)

പഠനത്തിന്റെഭാഗമായോ വിനോദത്തിനുവേണ്ടിയോ ഉപയോഗിക്കുന്നതും നിയമഘടനയുള്ളതുമായ പ്രവൃത്തികളെയാണ് കളി (game) എന്ന് വിളിക്കുന്നത്. കളികൾ ജോലിയിൽ നിന്നും കലയിൽ നിന്നും വ്യത്യസ്തമാണ്. പ്രതിഫലത്തിനായി ചെയ്യപ്പെടുന്നതാണ് ജോലി എന്നതും കല സൗന്ദര്യധാരണകൾക്കനുസരിച്ചാണ് ആവിഷ്കരിക്കപ്പെടുന്നത് എന്നതുമാണ് വ്യത്യാസങ്ങളായി ചൂണ്ടിക്കാണിക്കപ്പെടുന്നത്. ഈ വേർതിരിവ് പലപ്പോഴും വ്യക്തമല്ല. ചില പ്രഫഷണൽ കളിക്കാരുടെ ജോലി തന്നെയാണ് കളി. ജിഗ്സോ പസിൽ പോലെയുള്ള ചില കളികൾ കലാപരവുമാണ്.

നിയമങ്ങ‌ളും വെല്ലുവിളികളും കളിക്കാർ തമ്മിലുള്ള ഇടപെടലുകളുമാണ് കളികളുടെ പ്രധാന ഘടകങ്ങൾ. മാനസികമോ ശാരീരികമോ ആയ ഉത്തേജനം മിക്ക കളികളിലുമുണ്ട്. ചില കളികളിൽ ഇവ രണ്ടും ആവശ്യമാണ്. പല കളികളും പ്രായോഗിക ജീവിതത്തിൽ ആവശ്യമുള്ള കാര്യങ്ങളിൽ നൈപുണ്യം നേടാൻ സഹായകമാണ്. വ്യായാമം, വിദ്യാഭ്യാസം, മനഃശാസ്ത്രം എന്നീ മേഖലകളുമായി ബന്ധപ്പെട്ട പ്രാധാന്യം കളികൾക്കുണ്ട്.

2600 ബി.സി.യിലെങ്കിലും കളികൾ ഉണ്ടായിരുന്നു.[1][2] ഇത് എല്ലാ സംസ്കാരങ്ങളിലും നിലവിലുണ്ട്. ഉർ എന്ന സ്ഥലത്തെ രാജകീയ കേളി, സെനെറ്റ്, മാൻകാല എന്നിവ അറിയപ്പെടുന്നതിൽ പഴക്കം കൂടിയ കളികളാണ്. [3]

നിർവ്വചനം[തിരുത്തുക]

Wiktionary-logo-ml.svg
game എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക


ഇവയും കാണുക[തിരുത്തുക]

അവലംബം[തിരുത്തുക]

  1. Soubeyrand, Catherine (2000). "The Royal Game of Ur". The Game Cabinet. ശേഖരിച്ചത് 2008-10-05. 
  2. Green, William (2008-06-19). "Big Game Hunter". 2008 Summer Journey (Time). ശേഖരിച്ചത് 2008-10-05. 
  3. "History of Games". MacGregor Historic Games. 2006. ശേഖരിച്ചത് 2008-10-05. 

കൂടുതൽ വായനയ്ക്ക്[തിരുത്തുക]

  • ആവെഡൊൺ, എലിയട്ട്; ബ്രയാൻ സട്ടൺ സ്മിത്ത്, ദി സ്റ്റഡി ഓഫ് ഗേംസ്. (ഫിലാഡെൽഫിയ: വൈലി, 1971), റീപ്രിന്റഡ് ക്രീഗർ, 1979. ISBN 0-89874-045-2
"http://ml.wikipedia.org/w/index.php?title=കളി&oldid=1956891" എന്ന താളിൽനിന്നു ശേഖരിച്ചത്