കനിഷ്ക വിമാനാപകടം

വിക്കിപീഡിയ, ഒരു സ്വതന്ത്ര വിജ്ഞാനകോശം.
എയർ ഇന്ത്യാ ഫ്ലൈറ്റ് 182
എയർ ഇന്ത്യാ VT-EFO വിമാനം ദുരന്തത്തിന് പതിമൂന്ന് ദിവസങ്ങൾക്ക് മുൻപ് (1985 ജൂൺ 10)
സംഭവം ;ചുരുക്കം
തീയതി23 June 1985 (1985-06-23)
സംഗ്രഹംBombing
സൈറ്റ്അറ്റ്ലാന്റിക് സമുദ്രം, ദക്ഷിണ ഐർലണ്ട്
യാത്രക്കാർ307
സംഘം22
മരണങ്ങൾ329 (all)
വിമാന തരംBoeing 747-237B
വിമാന പേര്Emperor Kanishka
ഓപ്പറേറ്റർAir India
ഫ്ലൈറ്റ് ഉത്ഭവംMontréal-Mirabel Int'l Airport
Montreal, Quebec, Canada
മേൽ നിർത്താൻLondon Heathrow Airport
London, England, United Kingdom
ലക്ഷ്യസ്ഥാനംIndira Gandhi Int'l Airport
New Delhi, India

കാനഡയിലെ മോൺട്രിയലിൽ നിന്നും ലണ്ടൻ വഴി ജീവനക്കാരുൾപ്പെടെ 329 യാത്രക്കാരുമായി ഡൽഹിയിലേയ്ക്കുള്ള യാത്രാമദ്ധ്യേ 23 ജൂൺ1985 നു എയർ ഇന്ത്യാ ഫ്ലൈറ്റ് 182 അറ്റ്ലാന്റിക് സമുദ്രത്തിൽ തകർന്നു വീണ സംഭവമാണ് കനിഷ്ക വിമാനാപകടം.[1] എയർ ഇന്ത്യയുടെ ഫ്ലൈറ്റ് നമ്പർ182 ആണ് ഉദ്ദേശം 31000 അടി (9,400 മീ.)ഉയരത്തിൽ വച്ചു ബോംബ് സ്ഫോടനത്തെത്തുടർന്നു ഛിന്നഭിന്നമായത്. ഈ ദുരന്തം ഐറിഷ് രാജ്യാതിർത്തിയ്ക്കുള്ളിലെ വ്യോമമേഖലയിൽ വച്ചായിരുന്നു. ഇന്ത്യയിൽ ഒഴിവുകാലം ആസ്വദിക്കാനായി പോയിരുന്ന കനേഡിയൻ പൗരന്മാരായിരുന്നു യാത്രക്കാരിൽ അധികവും. 268 കനേഡിയൻ പൗരന്മാരും, 74 ബ്രിട്ടീഷ് പൗരന്മാരും, 24 ഇന്ത്യൻ പൗരന്മാരും വിമാനത്തിലുണ്ടായിരുന്നു.[2]

കാനഡയുടെ ചരിത്രത്തിലെ ഏറ്റവും വലിയ കൂട്ടക്കുരുതിയായി ഈ സംഭവം കണക്കാക്കപ്പെടുന്നു.[3] ഐറിഷ് വ്യോമയാനചരിത്രത്തിലെ ഏറ്റവും വലിയ ദുരന്തവും കാനഡയുടെ നീതിന്യായ ചരിത്രത്തിലെ ഏറ്റവും ചിലവേറിയ വിചാരണയുമായിരുന്നു കനിഷ്കയുടേത്. കേസന്വേഷണവും, വിചാരണയും 20 വർഷം കൊണ്ടാണ് പൂർത്തിയായത്.

പശ്ചാത്തലം[തിരുത്തുക]

ഇന്ത്യാ വിഭജനത്തെ തുടർന്നുണ്ടായ സംഘർഷങ്ങളും മറ്റുമാണ് കനിഷ്ക ദുരന്തത്തിലേക്ക് വഴിവെച്ചതെന്നാണ് ഔദ്യോഗികമായ രേഖകൾ പറയുന്നത്. ഇന്ത്യാ വിഭജനത്തെതുടർന്ന് ഏറ്റവും കൂടുതൽ കഷ്ടതകൾ അനുഭവിക്കേണ്ട വന്ന ഒരു കൂട്ടരാണ് സിഖ് മതാനുയായികൾ. സിഖ് സമുദായത്തിനുവേണ്ടി ഒരു മാതൃദേശം വേണമെന്നു വാദിച്ച ഖാലിസ്ഥാൻ പ്രസ്ഥാനക്കാർ കാനഡയിലേക്കു കുടിയേറിയ സിഖുകാരിൽ ഉൾപ്പെട്ടിരുന്നു. കാനഡ സർക്കാർ ഇവരെക്കുറിച്ച് ബോധവാന്മാരായിരുന്നുവെങ്കിലും ഒരു ഭീഷണിയായി കണ്ടിരുന്നില്ല. കൂടാതെ ഈ കുടിയേറ്റത്തിനിടയിലും സിഖുകാർക്ക് വെള്ളക്കാരിൽ നിന്നും ധാരാളം പീഡനങ്ങൾ ഏറ്റുവാങ്ങേണ്ടി വന്നിരുന്നു.[4] 1971 ലെ ബംഗ്ലാദേശ് വിമോചന യുദ്ധത്തെതുടർന്ന് സിഖുകാർ അഭയാർത്ഥികളായി കാനഡയിലേക്ക് കുടിയേറിയിരുന്നു. പിന്നീട് രൂപംകൊണ്ട ബാബർ ഖൽസ എന്ന തീവ്രവാദസംഘടനയിലെ പല നേതാക്കളും ഇത്തരത്തിൽ അഭയാർത്ഥികളായി കാനഡയിൽ എത്തിച്ചേർന്നതായിരുന്നു. 1980 കളോടെ, ബ്രിട്ടീഷ് കൊളംബിയയിലെ വാൻകൂവർ പ്രദേശം സിഖുകാർ കൂട്ടമായി താമസിക്കുന്ന ഒരു പ്രദേശമായി മാറി. ശത്രുതയും,പ്രതികാരചിന്തയും എല്ലാം ഇവിടെയും ഇവരുടെ ഇടയിൽ വ്യാപകമായിരുന്നു എന്നു പറയപ്പെടുന്നു.[5]

ഉത്തരവാദിത്തം[തിരുത്തുക]

സംഭവം നടന്നയുടൻ ഇന്ത്യയിലെ ചില സംഘടനകൾ പത്രമാഫീസുകളിൽ വിളിച്ച് അപകടത്തിന്റെ ഉത്തവാദിത്വം അവകാശപ്പെടുകയുണ്ടായി. ദേശ്മേഷ് റെജിമെന്റ്, ഓൾ ഇന്ത്യ സിഖ് സ്റ്റുഡന്റ്സ് ഫെഡറേഷൻ, കാശ്മീർ ലിബറേഷൻ ആർമി എന്നീ സംഘടനകളാണ് ദുരന്തത്തിന്റെ പിന്നൽ പ്രവർത്തിച്ചത് തങ്ങളാണെന്ന് അവകാശപ്പെട്ടത്.[6] അട്ടിമറിയുമായി ബന്ധപ്പെട്ട് സിഖ് തീവ്രവാദി സംഘടനയായ ബബ്ബർ ഖൽസ പ്രവർത്തകരായ തൽവീന്ദർ സിങ് പാർമർ,ഇന്ദർജിത് റെയട്ട്,എന്നിവരെയും മറ്റുചിലരെയും പോലീസ് അറസ്റ്റുചെയ്തിരുന്നു.[7]

അവലംബം[തിരുത്തുക]

  1. എസ്.ബി, ഭട്ടാചാർജി (2009). എൻസൈക്ലോപീഡിയ ഓഫ് ഇന്ത്യൻ ഇവന്റ്സ്. സ്റ്റെർലിങ് പബ്ലിഷേഴ്സ്. p. 261. ISBN 978-8120740747.
  2. "ദ വിക്ടിംസ്". കനേഡിയൻ ബ്രോഡ്കാസ്റ്റിംഗ് കോർപ്പറേഷൻ. 16-മാർച്ച്-2005. Archived from the original on 2005-03-18. Retrieved 2013-07-30. {{cite news}}: Check date values in: |date= (help)
  3. "ദ ബോംബിംഗ് ഓഫ് എയർ ഇന്ത്യ ഫ്ലൈറ്റ് 182". കനേഡിയൻ ബ്രോഡ്കാസ്റ്റിംഗ് കോർപ്പറേഷൻ. 16-മാർച്ച്-2005. Archived from the original on 2013-07-30. Retrieved 2023-09-10. {{cite web}}: Check date values in: |date= (help)CS1 maint: bot: original URL status unknown (link)
  4. സുഹൈർ, കാശ്മീരി (2005). സോഫ്ട് ടാർഗറ്റ്. ലോറിമെർ. ISBN 978-1550289046. {{cite book}}: Unknown parameter |coauthors= ignored (|author= suggested) (help)
  5. "യു.എസ് ടു ഫ്രീസ് അസ്സറ്റ്സ് ഓഫ് ബാബർ ഖൽസ". ഇന്ത്യൻ എക്സ്പ്രസ്സ്. 28-ജൂൺ-2002. {{cite news}}: Check date values in: |date= (help)
  6. കിഷൻ.ആർ, വാദ്ധ്വാനെ (2004). ഇന്ത്യൻ എയർപോർട്ട്സ്. ഡയമണ്ട് പോക്കറ്റ് ബുക്സ്. p. 241. ISBN 978-8128808722.
  7. ഇയാൻ ഗൺ (17-ജൂൺ-2012). "കനേഡിയൻ റിപ്പോർട്ട് ഇൻടു 1985 എയർ ഇന്ത്യാ ക്രാഷ് ഈസ് എക്സപക്ടഡ്". ബി.ബി.സി. Retrieved 23-ജൂൺ-2012. {{cite web}}: Check date values in: |accessdate= and |date= (help)
"https://ml.wikipedia.org/w/index.php?title=കനിഷ്ക_വിമാനാപകടം&oldid=3970500" എന്ന താളിൽനിന്ന് ശേഖരിച്ചത്