കണിയാൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ജ്യോതിഷം, വൈദ്യം,അദ്ധ്യാപനം എന്നിവ കുലത്തൊഴിലായ കേരളത്തിലെ ഒരു ജാതിയാണ് ഗണകൻ അഥവാ കണിയാൻ. മലബാർ മേഖലയിൽ കണിശൻ എന്ന പേരിലും ഇവർ അറിയപ്പെടുന്നുണ്ട്[1] സംസ്കൃതത്തിലെ ഗണക, ആചാര്യ എന്നീ പദങ്ങളാണ് ഈ വാക്കിന്റെ മൂലം. ഇത് ഗണ്യൻ (गनयन) എന്നാവുകയും ഇത് തമിഴിൽ കനകാചാൻ അഥവാ കണികൻ അല്ലെങ്കിൽ കണിയൻ എന്നായി മാറുകയും അതിൽ നിന്നും മലയാളത്തിൽ ഗണക ആശാൻ അഥവാ ഗണക ഗുരു അല്ലെങ്കിൽ ഗണകൻ എന്നായതായിരിക്കാം. [2] വിവിധ പ്രദേശങ്ങളിൽ കണിയാർ, കണിശൻ, കനിസു, കണിയാർ പണിക്കർ , പണിക്കർ, കളരിക്കുറുപ്പ് കളരിപണിക്കർ തുടങ്ങിയ നാമങ്ങളിലും അറിയപ്പെടുന്നു.

പണിക്കർ എന്നും ആശാൻ എന്നുമുള്ള സ്ഥാനപ്പേരുകളിൽ കണിയാന്മാരെ അഭിസംബോധന ചെയ്യാറുണ്ടായിരുന്നു. പണിക്കർ എന്ന പേരുപയോഗിക്കുന്നത് സാധാരണഗതിയിൽ മലബാർ മേഖലയിലായിരുന്നു. തിരുവിതാംകൂറിന്റെ വടക്കുഭാഗങ്ങളിലും ഈ പേരുപയോഗിക്കാറുണ്ടായിരുന്നു. ആചാര്യൻ എന്ന സംസ്കൃതപദം ലോപിച്ചാണ് ആശാൻ എന്ന വിളിപ്പേരുണ്ടായിട്ടുള്ളത്. [1].

കണിയാർ, തീണ്ട എന്ന രണ്ട് ഉപജാതികൾ ഈ വിഭാഗത്തിലുണ്ടായിരുന്നത്രെ. തമിഴ്നാട്ടിലെ പുരാതന വള്ളുവൻ എന്ന ജാതിയുമായി കണിയാന്മാർക്ക് ബന്ധമുണ്ട് എന്ന വാദമുണ്ട്. [1].തമിഴ് ബ്രാഹ്മണ വിഭാഗത്തിൽ നിന്നും ഉൽഭവിച്ചതാണെന്ന മറ്റൊരു വ്യാഖ്യാനവും നിലവിലുണ്ട്. ആയുർവേദം,സംസ്കൃതം, ജ്യോതിഷം തുടങിയവയിലെ ഇവർക്കുള്ള പാണ്ഡ്യത്യം ഇതിനു തെളിവായി സൂചിപ്പിക്കപ്പെടുന്നുണ്ട്.[3]

തൊഴിൽ[തിരുത്തുക]

ജനനസമയത്തെ ഗ്രഹനിലയെ ആസ്പദമാക്കി ഭാവിപ്രവചിക്കുകയായിരുന്നു പണ്ട് ഈ സമുദായത്തിൽപ്പെട്ടവരുടെ മുഖ്യഉപജീവനമാർഗം. പ്രവചനം ചിലപ്പോൾ കവടി നിരത്തിയും നടത്താറുണ്ട്.

സംസ്കൃതം, ജ്യോതിശാസ്ത്രം, ജ്യോതിഷം തുടങ്ങിയ മേഖലകളിലെ പാണ്ഡിത്യം മൂലം ഇവർ സമൂഹത്തിൽ ഏറ്റവും ആദരണീയരായിരുന്നു. സംഘകാലം മുതൽ മധ്യകാലഘട്ടം വരെ എല്ലാ മേഖലകളിലും ഗുരു സമാനമായ ആദരവാണുണ്ടായിരുന്നത്[4]. മറ്റ് സമുദായങളിൽ ഉള്ളവർ പുരാതന കാലത്ത് അറിവു നേടിയിരുന്നത് ഇവരിൽ നിന്നുമായിരുന്നു[5]. പുരാതന ശാസ്ത്ര വിഷയങ്ങളായ ജ്യോതിശാസ്ത്രം, ജ്യോതിഷം, ഗണിതം എന്നിവ ഇവരിൽ നിന്നുമാണു കേരളത്തിലെ മറ്റുള്ളവർ സ്വായത്തമാക്കിയിട്ടുള്ളത്[6]

പണ്ടുകാലത്ത് ഈ വിഭാഗത്തിൽ പെട്ട ആൾക്കാർ ആയോധനകലകളും അഭ്യസിപ്പിക്കാറുണ്ടായിരുന്നു. ഇവരുടെ വീടുകൾ കളരി എന്നറിയപ്പെടുന്നതിൽ നിന്നും കേരളോൽപ്പത്തിയിൽ ഇപ്രകാരം പറയുന്നതും ഇതിന്റെ തെളിവുകളാണ്. [1]

പരിചതാളം കളി, പിടിച്ചുകളി, കോലടി തുടങ്ങിയ കലാരൂപങ്ങളും കണിയാന്മാർ അവതരിപ്പിച്ചിരുന്നു. തീണ്ട എന്ന വിഭാഗത്തിന്റെ ഉപജീവനമാർഗ്ഗം കുടയുണ്ടാക്കുന്നതും, ബാധകളെ ഒഴിപ്പിക്കുന്നതുമായിരുന്നു. [1]

ആദ്യകാല ജ്യോതിഷികൾ[തിരുത്തുക]

ഇത്തരത്തിലുള്ള ഭാവി പ്രവചനത്തിന്റെ പല രീതികൾ ലോകത്തിന്റെ വിവിധഭാഗങ്ങളിൽ നിലവിലുണ്ടായിരുന്നിട്ടുണ്ട്. മെസപ്പൊട്ടേമിയയിൽ ബി.സി. രണ്ടാം സഹസ്രാബ്ദത്തിലാണ് സംഘടിതമായ ജ്യോതിഷം ആദ്യമായി നിലവിൽ വന്നത്. [7] ലക്ഷണങ്ങളെ അടിസ്ഥാനമാക്കിയായിരുന്നു ഈ ജ്യോതിഷികൾ ഫലപ്രവചനം നടത്തിയിരുന്നതത്രേ.

ഈ സമയത്ത് ജ്യോതിശാസ്ത്രവും (astronomy) ജ്യോതിഷവും വേർതിരിച്ച് കാണപ്പെട്ടിരുന്നില്ല. ബാബിലോണിയൻ ജ്യോതിഷികൾക്ക് പ്രപഞ്ചപ്രതിഭാസങ്ങൾ കൃത്യമായി പ്രവചിക്കാനുള്ള ജ്യോതിശാസ്ത്രപരമായ അറിവുണ്ടായിരുന്നു. [8]


ആധുനിക കാല ജ്യോതിഷികൾ[തിരുത്തുക]

പത്രമാദ്ധ്യമങ്ങളിൽ ജ്യോതിഷപ്രവചനങ്ങൾ ഉൾപ്പെടുത്തൽ കേരളത്തിൽ സാധാരണമാണ്.

അവലംബം[തിരുത്തുക]

  1. 1.0 1.1 1.2 1.3 1.4 http://www.archive.org/stream/castestribesofso03thuriala#page/178/mode/2up
  2. Singh, Kumar Suresh (2002). Kerala, Volume 1. East-West Press [for] Anthropological Survey of India. p. 563. 
  3. Gough, Kathleen (2005) [1968]. "Literacy in Kerala". എന്നതിൽ Goody, Jack. Literacy in traditional societies (Reprinted എഡി.). Cambridge University Press. ഐ.എസ്.ബി.എൻ. 0-521-29005-8. 
  4. Gough, Kathleen (2005) [1968]. "Literacy in Kerala". എന്നതിൽ Goody, Jack. Literacy in traditional societies (Reprinted എഡി.). Cambridge University Press. p. 155. ഐ.എസ്.ബി.എൻ. 0-521-29005-8. 
  5. Gough, Kathleen (2005) [1968]. "Literacy in Kerala". എന്നതിൽ Goody, Jack. Literacy in traditional societies (Reprinted എഡി.). Cambridge University Press. p. 155. ഐ.എസ്.ബി.എൻ. 0-521-29005-8. 
  6. Thurston, Edgar; Rangachari, K. (1909). Castes and tribes of Southern India 3. Madras: Government Press. p. 194. 
  7. Hand, Robert. "The History of Astrology — Another View". ആർക്കൈവ് ചെയ്തത് സൈറ്റിൽ നിന്ന്, യഥാർത്ഥം: 19 August 2007. ശേഖരിച്ചത് 2007-08-23. 
  8. Beck, Roger (2007). A Brief History of Ancient Astrology. Blackwell Publishing. p. 12. ഐ.എസ്.ബി.എൻ. 978-1-4051-1074-7. 

പുറത്തേയ്ക്കുള്ള കണ്ണികൾ[തിരുത്തുക]

Wikisource-logo.svg
ഈ ലേഖനത്തിലെ വിഷയത്തെ സംബന്ധിക്കുന്ന കൃതി വിക്കിഗ്രന്ഥശാലയിലെ കേരളോല്പത്തി എന്ന താളിലുണ്ട്.
"http://ml.wikipedia.org/w/index.php?title=കണിയാൻ&oldid=1811253" എന്ന താളിൽനിന്നു ശേഖരിച്ചത്