കടലാവണക്ക്

കടലാവണക്ക്
ശാസ്ത്രീയ വർഗ്ഗീകരണം
സാമ്രാജ്യം:	Plantae
Division:	Embryophyta
ക്ലാസ്സ്‌:	Spermatopsida
നിര:	Malpighiales
കുടുംബം:	Euphorbiaceae
ജനുസ്സ്:	Jatropha
വർഗ്ഗം:	J. curcas
ശാസ്ത്രീയ നാമം
	Jatropha curcas; Linnaeus 1753.

ഇംഗ്ലീഷ് വിലാസം

http://ml.wikipedia.org/wiki/Jatropha_curcas

ഭാരതത്തിൽ ഏകദേശം മുഴുവൻ പ്രദേശങ്ങളിലും വളരുന്ന ഒരു സസ്യമാണ്‌ കടലാവണക്ക്. ഇതിനെ വേലി തിരിക്കുന്നതിന്‌ ഉപയോഗിക്കുന്നുണ്ട്. അപ്പ, കമ്മട്ടി, കുറുവട്ടി എന്നീ പേരുകളിലും അറിയപ്പെടുന്ന ഈ സസ്യത്തിന്റെ ശാസ്ത്രീയനാമം Jatropha curcas എന്നാണ്‌. ഇത് Euphorbiaceae സസ്യകുടുംബത്തിലെ അംഗമാണ്‌^[1]. സംസ്കൃതത്തിൽ ദ്രാവന്തി, ഇംഗ്ലീഷിൽ Purging nut, ഹിന്ദിയിൽ പഹാരി എറണ്ട് എന്നീ പേരുകളിലും അറിയപ്പെടുന്നു^[1]. വരൾച്ചയുള്ള പ്രദേശങ്ങളിലും വളരുന്ന ^[2] ഈ വൃക്ഷത്തിന്റെ കായയിൽ നിന്നും വേർതിരിച്ചെടുക്കുന്ന എണ്ണ ബയോ ഡീസൽ നിർമ്മാണത്തിനായി ഉപയോഗിക്കുന്നു. ^[3]

സവിശേഷതകൾ [തിരുത്തുക]

കടലാവണക്കിൻ കുരു

പ്രധാനമായും വിത്തുകൾ വഴിയോ തണ്ടുകൾ മുറിച്ചുനട്ടോ ആണ്‌ ഇതിന്റെ വംശവർദ്ധന നിലനിർത്തുന്നത്. തടി മൃദുവായതും പശപോലെയുള്ള കറയുള്ളതുമാണ്‌. ഇലകൾ ചെറിയ തണ്ടുകളിൽ ഓരോന്നായി കാണപ്പെടുന്നു. പച്ച നിറം കലർന്ന മഞ്ഞ പൂക്കളാണ്‌ ഇതിനുള്ളത്. പച്ചനിറത്തിൽ കാണപ്പെടുന്ന കായ്കൾ പാകമാകുമ്പോൾ മഞ്ഞ നിറമാകുന്നു. ഓരോ കായ്കളിലും കറുത്ത നിറത്തിൽ 3വീതം വിത്തുകൾ ഉണ്ടായിരിക്കും. ഇതിന്റെ ഇലകൾ, വിത്തുകൾ , വിത്തിൽ നിന്നും വേർതിരിച്ചെടുക്കുന്ന എണ്ണ എന്നിവയാണ്‌ പ്രധാന ഉപയോഗവസ്തുക്കൾ^[1].

അല്പം വഴങ്ങുന്ന സ്വഭാവമുള്ളതിനാൽ കടലാവണക്കിൻ കമ്പ് ഇഴജന്തുക്കളെ അടിച്ചുകൊല്ലാൻ കൊള്ളാവുന്നതാണ്. കടലാവണക്കിൻ പത്തൽ എന്നാണ് ഈ കമ്പുകൾ അറിയപ്പെടുന്നത്. കടലാവണക്കിന്റെ ഇല ഒടിച്ച് കറയിലെക്ക് ഊതി കുമിളയുണ്ടാക്കി പറത്തുന്നത് നാട്ടിൻ പുറങ്ങളിലെ കുട്ടികളുടെ ഒരു വിനോദമാണ്.