കടപ്പാല

വിക്കിപീഡിയ, ഒരു സ്വതന്ത്ര വിജ്ഞാനകോശം.
കടപ്പാല
കടപ്പാല (Excoecaria agallocha) ഇന്ത്യയിൽ ആന്ധ്രാപ്രദേശിലെ ഒരു വൈൽഡ് ലൈഫ് സാങ്ച്വറിയിൽ നിന്നുള്ളദൃശ്യം
ശാസ്ത്രീയ വർഗ്ഗീകരണം
സാമ്രാജ്യം: Plantae
Division: Magnoliophyta
ക്ലാസ്സ്‌: Magnoliopsida
നിര: Malpighiales
കുടുംബം: Euphorbiaceae
ഉപകുടുംബം: Euphorbioideae
Tribe: Hippomaneae
Subtribe: Hippomaninae
ജനുസ്സ്: Excoecaria
L.
Species

et al.

യൂഫൊർബിയേസീ സസ്യക്കുടുംബത്തിൽ പ്പെട്ട ഒരു വൃക്ഷമാണ് കടപ്പാല. ശാസ്ത്രനാമം എക്സ്കോക്കേറിയ അഗലോച്ച (Excoecaria agallocha). കണ്ണാമ്പൊട്ടി/കമ്മട്ടി എന്നും പേരുണ്ട്. ഇന്ത്യയിൽ നദികളുടെ ഡെൽറ്റാ പ്രദേശങ്ങളിലാണ് ഈ സസ്യം ധാരാളമായി കാണുന്നത്. ബർമ്മയുടെ തീരപ്രദേശങ്ങളിലും, ശ്രീലങ്ക ,ആൻഡമാൻ--നിക്കൊബാർ ദ്വീപുകൾ, ഉത്തര ആസ്ട്രേലിയ, ന്യൂ കലിഡോണിയ എന്നിവിടങ്ങളിലും കടപ്പാല വളരുന്നുണ്ട്.[1]

ഇടതൂർന്ന ശാഖകളോടു കൂടിയ ഒരു ചെറിയ നിത്യഹരിതവൃക്ഷമാണിത്. ഇതിന്റെ എരിവുള്ള കറ തൊലിപൊള്ളിക്കാൻ ശക്തിയുള്ളതാകുന്നു. കണ്ണിലോ മുറിവുകളിലോ പെട്ടാൽ നീറ്റലുണ്ടാകും. കടും പച്ചനിറത്തിലുള്ള ഇലകൾ ഏകാന്തരമായി ക്രമീകരിച്ചിരിക്കുന്നു. അനുപർണങ്ങൾ ഉണ്ട്. കടപ്പാലയുടെ പൂക്കൾ വലരെ ചെറുതും മഞ്ഞയും പച്ചയും കലർന്ന നിറത്തോടു കൂടിയതുമാണ്. സൗരഭ്യമുള്ള ഈ പൂക്കൾ കുലകളായിട്ടാണ് ഉണ്ടാകുന്നത്. പൂക്കൾ ഏകലിംഗി (unisexual) കൾ ആയിരിക്കും. സഹപത്രത്തോടുകൂടിയ ആൺപൂവിൽ മൂന്നു ചെറിയ ദളങ്ങളും മൂന്നു കേസരങ്ങളും കാണാം; ഇവ പ്രകീലകങ്ങളിൽ (spikes) ക്രമീകരിക്കപ്പെട്ടിരിക്കും. ചെറിയ റെസീം (raceme) പൂങ്കുലകളിൽ ക്രമീകരിക്കപ്പെട്ടിട്ടുള്ള പെൺപുഷ്പങ്ങളിൽ മൂന്ന് അണ്ഡപർണ (carpels) ങ്ങളോടുകൂടിയ ഊർധ്വാവസ്ഥയിലുള്ള അണ്ഡാശയമാണുള്ളത്.[2]

കടപ്പാലയുടെ കറ വിരേചനത്തിനും ഗർഭച്ഛിദ്രത്തിനും ഔഷധമായി ഉപയോഗിക്കാറുണ്ട്; ഇത് മത്സ്യങ്ങൾക്കു വിഷമാണ്. കടപ്പാലയുടെ ഇലയ്ക്കും നേരിയതോതിൽ വിഷാംശമുണ്ട്.[3]

അവലംബം [തിരുത്തുക]

  1. ↑ http://www.answers.com/topic/excoecaria Excoecaria
  2. ↑ http://www.naturia.per.sg/buloh/plants/blind%20your%20eye.htm Blind Your Eye
  3. ↑ http://www.zimbabweflora.co.zw/speciesdata/species.php?species_id=135680 Excoecaria bussei (Pax) Pax

പുറംകണ്ണികൾ [തിരുത്തുക]

ചിത്രശാല [തിരുത്തുക]

"http://ml.wikipedia.org/w/index.php?title=കടപ്പാല&oldid=1694755" എന്ന താളിൽനിന്നു ശേഖരിച്ചത്