ഓർഗാനിക് രസതന്ത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
മീഥെയ്ന്റെ രാസഘടന

കാർബൺ എന്ന മൂലകം അടങ്ങുന്ന സം‌യുക്തങ്ങളുടെ ( കാർബണിക സംയുക്തങ്ങൾ ) ഘടന, സവിശേഷതകൾ, പ്രവർത്തനങ്ങൾ, നിർമ്മാണം എന്നിവയെ പ്രതിപാദിക്കുന്ന രസതന്ത്രത്തിലെ ശാഖയാണ് കാർബണികരസതന്ത്രം. ഈ സംയുക്തങ്ങളിൽ കാർബണിനോടൊപ്പം ഹൈഡ്രജൻ, നൈട്രജൻ, ഓക്സിജൻ, ഫോസ്‌ഫറസ്, സിലിക്കൺ, സൾഫർ, ഹാലോജനുകൾ എന്നിവയാണ് പ്രധാനമായും ചേർന്നിരിക്കുക[1][2][3] .

ഘടനാപരമായി കാർബണികസം‌യുക്തങ്ങൾ വ്യതിരിക്തത പുലർത്തുന്നു. കാർബണികസം‌യുക്തങ്ങൾ ഉപയോഗിച്ചുള്ള അപ്ലിക്കേഷനുകൾ നിരവധിയാണ്‌. പെയിന്റ്, പ്ലാസ്റ്റിക്, ഭക്ഷണം ,പൊട്ടിത്തെറിയുണ്ടാക്കുന്ന വസ്തുക്കൾ, മരുന്നുകൾ, പെട്രോകെമിക്കലുകൾ എന്നു തുടങ്ങി നിത്യജീവിതത്തിലുപയോഗിക്കുന്ന മിക്ക വസ്തുക്കളും ഘടനാപരമായി കാർബണികസം‌യുക്തങ്ങളാൽ നിർമ്മിതമാണ്‌.

പ്രത്യേകതകൾ[തിരുത്തുക]

ഓർഗാനിക് സംയുക്തങ്ങളുടെ ഭൗതികപരമായ പ്രത്യേകതകൾ രണ്ടായി തരംതിരിച്ചിരിക്കുന്നു:

  • ക്വാണ്ടിറ്റേറ്റീവ്
  • ക്വാളിറ്റേറ്റീവ്.

ദ്രവണാങ്കം, തിളനില, അപവർത്തന സംഖ്യ മുതലായവ ക്വാണ്ടിറ്റേറ്റീവും നിറം, മണം, ലായകത്വം (Solubility) മുതലായവ ക്വാളിറ്റേറ്റീവുമാണ്.

ദ്രവണാങ്കവും തിളനിലയും[തിരുത്തുക]

ഓർഗാനിക് അല്ലാത്ത ധാരാളം സംയുക്തങ്ങളെ അപേക്ഷിച്ച് ഇവ തിളക്കുകയും ദ്രവിക്കുകയും ചെയ്യുന്നു. ആദ്യ കാലങ്ങളിൽ ദ്രവണാങ്കവും തിളനിലയും ഇവയെപ്പറ്റിയുള്ള പ്രധാന കാര്യങ്ങൾ അറിയാനായി ഉപയോഗിച്ചിരുന്നു. ഇവയുടെ ശുദ്ധി (Purity), ഇവയെ തിരിച്ചറിയൽ മുതലായവക്കായി ദ്രവണാങ്കവും തിളനിലയും ഉപയോഗപ്പെടുത്തിയിരുന്നു.

ലായകത്വം[തിരുത്തുക]

സാധാരണ ഓർഗാനിക് സംയുക്തങ്ങൾ വെള്ളത്തിൽ അലിയാത്തവയാണ്. ഹൈഡ്രജൻ ബന്ദനം ഉൾപ്പെട്ട ആൽക്കഹോളുകൾ, അമീനുകൾ, കാർബോക്സിലിക് ആസിഡുകൾ മുതലായ കൂട്ടങ്ങൾ ഉൾപ്പെട്ട ഓർഗാനിക് സംയുക്തങ്ങൾ മാത്രം ഇതിനൊരു അപവാദമായി നിൽക്കുന്നു.

ചരിത്രം[തിരുത്തുക]

ക്രിസ്തുവർഷം ഒന്നാം നൂറ്റാണ്ടു മുതൽ തന്നെ കാർബണിക സംയുക്തങ്ങളെ കുറിച്ച് മനുഷ്യന് അറിവുണ്ടായിരുന്നു.[അവലംബം ആവശ്യമാണ്]

രാസപ്രവർതനം[തിരുത്തുക]

വളരെ അധികം രാസപ്രവർത്തനകൽ ഉണ്ടെങ്കിലും അവയെ സബ്സ്റ്റിറ്റുഷൻപ്രവർത്തനം ,അഡിഷൻപ്രവർത്തനം , ജ്വലനം ,താപീയവിഖടനം ,പൊലിമെറൈസാഷൻ എന്നിങ്ങനെ തിരിക്കാം .

അവലംബം[തിരുത്തുക]

  1. Robert T. Morrison, Robert N. Boyd, and Robert K. Boyd, Organic Chemistry, 6th edition (Benjamin Cummings, 1992, ISBN 0-13-643669-2) - this is "Morrison and Boyd", a classic textbook
  2. John D. Roberts, Marjorie C. Caserio, Basic Principles of Organic Chemistry,(W. A. Benjamin, Inc. ,1964) - another classic textbook
  3. Richard F. and Sally J. Daley, Organic Chemistry, Online organic chemistry textbook. Ochem4free.info

പുറമെ നിന്നുള്ള കണ്ണികൾ[തിരുത്തുക]

"http://ml.wikipedia.org/w/index.php?title=ഓർഗാനിക്_രസതന്ത്രം&oldid=2108847" എന്ന താളിൽനിന്നു ശേഖരിച്ചത്