ഓപ്പറ (വെബ് ബ്രൗസര്)
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ഓപ്പറ | |
 |
|
 ഓപ്പറ 9.23യുടെ സ്ക്രീന്ഷോട്ട് |
|
| ഡെവലപ്പര്: | ഓപ്പറ സോഫ്റ്റ്വെയര് എ.എസ്.എ |
|---|---|
| ഓപ്പറേറ്റിങ്ങ് സിസ്റ്റം: | പ്ലാറ്റ്ഫോം സ്വതന്ത്രം |
| വിഭാഗം: | ഇന്റര്നെറ്റ് |
| ലൈസന്സ്: | ഉടമസ്ഥാവകാശം ഉള്ളവ |
| വെബ്ബ്സൈറ്റ്: | http://www.opera.com/ |
ഓപ്പറ സോഫ്റ്റ്വെയര് കമ്പനി വികസിപ്പിച്ച വെബ് ബ്രൗസര് ആണ് ഓപ്പറ.വെബ് താളുകള് കാണുന്നതിനു മാത്രമല്ലാതെ, ഇ-മെയില് അയക്കുന്നതിനും,ഐ ആര് സി ചാറ്റിങ്ങിനും,ബിറ്റ് റ്റൊറന്റ് ഉപയോഗിച്ച് ഫയല് കൈമാറ്റം ചെയ്യുന്നതിനും ഓപ്പറ ഉപയോഗിക്കാം.
ഡൗണ് ലോഡ് ചെയ്യാവുന്ന സ്കിന്നുകള് ഉപയോഗിച്ച് ഓപ്പറയുടെ മുഖം മാറ്റിക്കൊണ്ടിരിക്കാനും സാധിക്കും.
മികച്ച സോഫ്റ്റ്വെയര് എന്ന പേരു നേടിയതാണെങ്കിലും പേര്സണല് കമ്പ്യൂട്ടറുകളില് ആധിപത്യമുറപ്പിക്കാന് ഓപ്പറക്ക് കഴിഞ്ഞിട്ടില്ല.ഏറ്റവും പ്രചാരമുള്ള ബ്രൗസറുകളുടെ വിഭാഗത്തില് ഇന്റര്നെറ്റ് എക്സ്പ്ലോറര്, മോസില്ല ഫയര്ഫോക്സ്, സഫാരി എന്നിവക്കു പിന്നിലായി നാലാമതാണ് ഓപ്പറയുടെ സ്ഥാനം. പക്ഷേ മൊബൈല് ഫോണ്,സ്മാര്ട്ട് ഫോണ്,പി ഡി എ മുതലായ മൊബൈല് ഉപകരണങ്ങളില് ഓപ്പറ ആണ് കൂടുതലായി ഉപയോഗിക്കപ്പെടുന്നത്[1].
ഉള്ളടക്കം |
[തിരുത്തുക] ചരിത്രം
1994ല് നോര്വേയിലെ ഏറ്റവും വലിയ ടെലികമ്മ്യുണിക്കേഷന് കമ്പനിയായ ടെലെനറില് ഒരു റിസര്ച്ച് പ്രോജക്ട് ആയിട്ടാണ് ഓപ്പറ തുടങ്ങിയത്. 1995ല് ഓപ്പറ സോഫ്റ്റ്വെയര് എഎസ്എ എന്ന കമ്പനിയായി അത് വളര്ന്നു.
1997ല് മൈക്രോസോഫ്റ്റ് വിന്ഡോസില് മാത്രം ഉപയോഗിക്കാന് കഴിയുന്ന ആദ്യത്തെ ഓപ്പറ ആയ ഓപ്പറ വെര്ഷന് 2.1 ഇറങ്ങി[2]. ഇന്റര്നെറ്റ് സൗകര്യമുള്ള മൊബൈല് ഉപകരണങ്ങളുടെ വളര്ന്നു വരുന്ന വിപണി സാധ്യത തിരിച്ചറിഞ്ഞ്,അത്തരം ഉപകരണങ്ങളില് ഓപ്പറ ഉപയോഗിക്കാവുന്ന രീതിയില് മാറ്റുന്നതിനുള്ള പ്രോജക്ട് 1998ല് തുടങ്ങി.
പരീക്ഷണാര്ത്ഥം ഉപയോഗിക്കാവുന്ന സോഫ്റ്റ്വെയര് എന്ന നിലക്കാണ് ഓപ്പറ ആദ്യം അവതരിപ്പിച്ചത്.ഒരു പരിമിത കാലാവധി കഴിഞ്ഞാല് തുടര്ന്നുപയോഗിക്കാന് ലൈസന്സ് കരസ്ഥമാക്കേണ്ട്തുണ്ട്.എന്നാല് 2000ത്തില് ഇറങ്ങിയ വെര്ഷന് 5.0 മുതല് ഈ നിബന്ധന ഉപേക്ഷിച്ചു,പകരം ലൈസന്സ് മേടിക്കാത്തവര് പരസ്യങ്ങള് കാണേണ്ടതായി വന്നു.2005ല് പുറത്തിറങ്ങിയ വെര്ഷന് 8.5 മുതല് ഓപ്പറ പരസ്യങ്ങള് പൂര്ണ്ണമായും ഒഴിവാക്കി.
[തിരുത്തുക] സവിശേഷതകള്
- ഓപ്പറ ഭൂമിയിലെ ഏറ്റവും വേഗതയുള്ള ബ്രൗസര് ആണെന്ന് ഓപ്പറ സോഫ്റ്റ്വെയര് കമ്പനി അവകാശപ്പെടുന്നു[3].
- ടാബുകള് ഉപയോഗിച്ചുളള ബ്രൗസിങ് രീതി ആദ്യമായി അവതരിപ്പിച്ചത് ഓപ്പറ ആണ്. തുടര്ന്ന് മോസില്ല ഫയര്ഫോക്സ് ഉള്പ്പടെയുള്ള ബ്രൗസറുകള് ഈ രീതിക്ക് പ്രചാരം നല്കി.
- സ്പീഡ് ഡയല് എന്ന പേരില് എപ്പോഴും ഉപയോഗിക്കപ്പെടുന്ന വെബ് പേജുകള് തുടക്കത്തിലേ പ്രീലോഡ് ചെയ്യുന്ന രീതി ഓപ്പറ പുതുതായി അവതരിപ്പിച്ചിരിക്കുന്നു.
- മൗസിന്റെ പ്രത്യേക ചലനങ്ങള്(മൗസ് ജെസ്റ്റേഴ്സ്) ഉപയോഗിച്ച് ബാക്ക്,റീ ലോഡ് തുടങ്ങി അനവധി കാര്യങ്ങള് ചെയ്യാന് കഴിയും.
- ഓപ്പറയുടെ കാഷ് വളരെ സവിശേഷമാണ്. പഴയ വെബ് പേജുകളിലേക്ക് തിരിച്ചു പോകുമ്പോള് അത് കാഷില് നിന്ന് ലോഡാവുന്നതിനാല് തെല്ലും സമയമെടുക്കുന്നില്ല. വളരെ പഴയ പേജുകളിലേക്കും ഇങ്ങനെ പെട്ടന്ന് തന്നെ പോവാന് സാധിക്കും.
- ജാവസ്ക്രിപ്റ്റ് കൈകാര്യം ചെയ്യുന്ന കാര്യത്തില് മറ്റുള്ള ബ്രൗസറുകളെക്കാള് ഏകദേശം രണ്ടിരട്ടി വേഗം ഓപ്പറക്കുണ്ട്[4].
- ബ്രൗസര് നിര്ത്തി വീണ്ടും തുടങ്ങുവാന് നേരത്ത് മുന്പ് സന്ദര്ശിച്ച താളുകള് പ്രദര്ശിപ്പിക്കാന് ക്രമീകരണം ഉണ്ട്. മുന്പ് സന്ദര്ശിച്ച പേജുകള് എല്ലാം തന്നെ ബാക്സ്പേസ് ഉപയോഗിച്ച് കാഷില് നിന്ന് കാണുകയും ചെയ്യാം.
- സവിശേഷമായ ഡൗണ് ലോഡ് മാനേജര് ഇതിനോടൊപ്പം ഉണ്ട്. ഒരേ സമയം നിരവധി ഡൗണ്ലോഡുകള് ചെയ്യാം, പലതും നിര്ത്തിയിടത്തു നിന്ന് തുടങ്ങുകയോ ഇടക്ക് വച്ച് നിര്ത്തിയിടുകയോ ചെയ്യാം.
- ഡൗണ് ലോഡ് ചെയ്യാവുന്ന സ്കിന്നുകള് മുഖേന ഓപ്പറയെ മടുപ്പുളവാക്കുന്ന സ്ഥിരം കാഴ്ചയില് നിന്ന് മാറ്റിയെടുക്കാന് സാധിക്കും.
- ഓപ്പറ മെയില് എന്ന ഇ-മെയില് സംവിധാനവും ഐ ആര് സി ചാറ്റ് സഹായിയും ഓപ്പറയിലുണ്ട്.
- പുതിയ വെര്ഷനുകളില് ശബ്ദ സഹായി ഉണ്ട്.
- കൂടാതെ മാജിക് വാന്ഡ് എന്ന പേരില് സ്ഥിരമായി ചെയ്യുന്ന ജോലികളെ കസ്റ്റമൈസ് ചെയ്ത് വെക്കാനും സാധിക്കും.
[തിരുത്തുക] സ്വകാര്യതയും സുരക്ഷയും
കുക്കികള്,വെബ് ചരിത്രം,കാഷ് മുതലായ വ്യക്തിപരമായ വിവരങ്ങള് ഉള്ക്കൊള്ളുന്ന ഡാറ്റ ഒരു ക്ലിക്ക് കൊണ്ടു തന്നെ നീക്കം ചെയ്യാനുള്ള സൗകര്യം ഓപ്പറയിലുണ്ട്.ഫിഷിങ്ങ് എന്നറിയപ്പെടുന്ന തട്ടിപ്പ് തടയാന്, വെബ് സൈറ്റിന്റെ വിലാസം പരിശോധിച്ചുറപ്പുവരുത്താനുള്ള ബട്ടന് അഡ്രസ് ബാറിലുണ്ട്.[5]
[തിരുത്തുക] പുരസ്കാരങ്ങള്
പലപ്പോഴായി നിരവധി പുരസ്കാരങ്ങള് ഓപ്പറ നേടിയിട്ടുണ്ട്[6].
- ഡൗണ്ലോഡ്.കോം ഏറ്റവും മികച്ചത് 5/5
- പി സി വേള്ഡ് വേള്ഡ് ക്ലാസ് അവാര്ഡ്-2004,2005
- പി സി പ്ലസ് പെറ്ഫോമന്സ് അവാര്ഡ്
- വെബ് ഹോസ്റ്റ് മാഗസിന് & ബയേഴ്സ് ഗൈഡ് എഡിറ്റേഴ്സ് ചോയ്സ്
- പി സി വേള്ഡ് ബെസ്റ്റ് ഡാറ്റാ പ്രോഡക്ട്,2003
- വെബ് അറ്റാക്ക് എഡിറ്റേഴ്സ് പിക്ക്,2003
[തിരുത്തുക] വിവിധ ബ്രൗസറുകളുടെ മാര്ക്കറ്റ് ഷെയര്
| വിവിധ ബ്രൗസറുകളുടെ മാര്ക്കറ്റ് ഷെയര്-നവംബര് 2007 [7] |
|---|
| ഇന്റര്നെറ്റ് എക്സ്പ്ലോറര് - 77.35% |
| ഫയര്ഫോക്സ് - 16.01% |
| സഫാരി - 5.14% |
| ഓപ്പറ - 0.65% |
| നെറ്റ്സ്കേപ്പ് - 0.60% |
| മോസില്ല - 0.09% |
| മറ്റുള്ളവ - 0.16% |
[തിരുത്തുക] അവലംബം
- ↑ Opera Mobile. Retrieved on 2008-01-14.
- ↑ Opera Software - Milestones. Retrieved on 2008-01-21.
- ↑ Opera Browser. Retrieved on 2008-01-14.
- ↑ Browser speed comparisons. Retrieved on 2008-01-21.
- ↑ Tutorial:Fraud Protection. Retrieved on 2008-02-05.
- ↑ Opera Awards. Retrieved on 2008-01-17.
- ↑ Browser Market Share, November 2007, courtesy of Net Applications, a marketing company which obtains its data from the Alexa Toolbar or related products. Because people who install these products on their computers are not always aware that the product reports web browsing habits back to the marketers at Alexa some security software considers the Alexa Toolbar spyware and removes it. Both the automated removal-as-spyware and the self-selecting nature of those who install software that reports on personal web browsing habits raises questions as to whether the resulting data represents a unbiased statistical sample of Internet users.
