ഐസോടോപ്പ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒരു മൂലകത്തിന്റെ ഒരു രൂപത്തില്‍ അണുകേന്ദ്രത്തിലെ ന്യൂട്രോണുകളുടെ എണ്ണം അതേ മൂലകത്തിന്റെ മറ്റൊരു രൂപത്തിലുള്ള അണുക്കളിലെ അണുകേന്ദ്രത്തിലെ ന്യൂട്രോണുകളുടെ എണ്ണത്തില്‍ നിന്നും വിഭിന്നമാണെങ്കില്‍ ഇത്തരം വ്യത്യസ്ഥ അണുകേന്ദ്രങ്ങളുള്ള ഒരേ മൂലകത്തിന്റെ അണുക്കളെ ഐസോട്ടോപ്പുകള്‍ എന്നു പറയാം.

[തിരുത്തുക] പ്രത്യേകതകള്‍

ഐസോട്ടോപ്പുകള്‍ ഒരു മൂലകത്തിന്റെ വിവിധ പതിപ്പുകളാണ്‌. ഒരു മൂലകത്തിന്റെ ഐസോട്ടോപ്പുകള്‍ക്ക് ഒരേ അണുസംഖ്യയായിരിക്കും അതുകൊണ്ട് ഒരേ രാസഗുണങ്ങളും അവപ്രകടിപ്പിക്കുന്നു. എന്നാല്‍ അണുഭാരം വ്യത്യസ്ഥമായതിനാല്‍ സാന്ദ്രത പോലുള്ള ഭൗതികഗുണങ്ങള്‍ വ്യത്യസ്ഥമായിരിക്കും.

ന്യൂക്ലിയോണ്‍ സംഖ്യ അഥവാ മാസ്‌നമ്പര്‍ (അണുവിലെ പ്രോട്ടോണുകളുടേയും ന്യൂട്രോണുകളുടേയും ആകെ എണ്ണം) ഉപയോഗിച്ചാണ് ഐസോട്ടോപ്പുകളെ തരംതിരിക്കുന്നത്. ഉദാഹരണത്തിന് കാര്‍ബണിന്റെ ഏറ്റവും സാധാരണമായ ഐസോട്ടോപ്പ് ആണ് കാര്‍ബണ്‍-12 (ആറു വീതം പ്രോട്ടോണുകളും ന്യൂട്രോണുകളും ഇതിന്റെ അണുകേന്ദ്രത്തില്‍ അടങ്ങിയിരിക്കുന്നു). കാര്‍ബണിന്റെ മറ്റൊരു ഐസോട്ടോപ്പായ കാര്‍ബണ്‍-14-ല്‍ ആറു പ്രോട്ടോണും എട്ടു ന്യൂട്രോണുകളുമാണുള്ളത്. കാര്‍ബണ്‍-14 ഒരു റേഡിയോ ആക്റ്റീവ് ഐസോട്ടോപ്പ് ആണ്.

ഹൈഡ്രജന്റെ പ്രകൃതിയില്‍ കാണപ്പെടുന്ന മൂന്ന് ഐസോട്ടോപ്പുകളാണ് പ്രോട്ടിയം, ഡ്യുട്ടീരിയം, ട്രീറ്റിയം എന്നിവ (ഇവയില്‍ ഒരു പ്രോട്ടോണും യഥാക്രമം 0, 1, 2 എന്നിങ്ങനെ ന്യൂട്രോണുകളും അടങ്ങിയിരിക്കുന്നു)

ഏറ്റവും കൂടുതല്‍ ഐസോടോപ്പുകള്‍ ഉള്ള മൂലകം ടിന്‍ ആണ്‌ - 38 എണ്ണം.

[തിരുത്തുക] അവലംബം

• ഡോര്‍ലിങ് കിന്‍ഡര്‍സ്ലെയ് - കണ്‍സൈസ് എന്‍സൈക്ലോപീഡിയ സയന്‍സ് - ലേഖകന്‍: നീല്‍ ആര്‍ഡ്‌ലി