ഏണസ്റ്റോ നെറ്റോ

വിക്കിപീഡിയ, ഒരു സ്വതന്ത്ര വിജ്ഞാനകോശം.

പ്രമുഖ ബ്രസീലിയൻ വിഷ്വൽ ആർടിസ്റ്റാണ് ഏണസ്റ്റോ നെറ്റോ(ജനനം:1964). കാഴ്ചക്കാരനെ സർഗാത്മക സൃഷ്ടിയുടെ മധ്യത്തിൽ പ്രതിഷ്ഠിക്കുന്ന ‘നിയോ കൺസേർട്ടോ” എന്ന ബ്രസീലിയൻ കലാ പ്രസ്ഥാനത്തിന്റെ പിൻമുറക്കാരനാണ് ഇദ്ദേഹം. സ്ഥലത്തിന്റെ സാധ്യകളെ പരമാവധി ഉപയോഗപ്പെടുത്തുന്ന വമ്പൻ ഇൻസ്റ്റലേഷനുകളാണു നെറ്റോ മെനഞ്ഞെടുക്കുന്നത്.

ജീവിതരേഖ[തിരുത്തുക]

1964ൽ ബ്രസീലിലെ റിയോ ഡി ജനേറോയിൽ ജനിച്ചു. 1988ൽ ആദ്യ സോളോ എക്സിബിഷൻ നടത്തി. 2006ലെ പാരീസ് ഫെസ്റ്റിവലിൽ പ്രദർശിപ്പിച്ച ലെവിയത്തൻ തോട്ട് ആണു നെറ്റോയുടെ ഏറ്റവും പ്രശസ്തമായ സൃഷ്ടി. ബൈബിൾ കഥാപാത്രമായ ലെവിയത്തനെ അടിസ്ഥാനമാക്കി നിർമിച്ചതാണ് ഈ ഇൻസ്റ്റലേഷൻ. ശരീരത്തോടും ജൈവപരമായ കാര്യങ്ങളോടും ബന്ധം സ്ഥാപിക്കുന്നതാണു നെറ്റോയുടെ കലാസൃഷ്ടികളിൽ പലതും.[1]

പ്രദർശനങ്ങൾ[തിരുത്തുക]

കൊച്ചി-മുസിരിസ് ബിനാലെ 2012[തിരുത്തുക]

ലൈഫ് ഈസ് എ റിവർ എന്ന പരുത്തി തുണി കൊണ്ടുള്ള ഇൻസ്റ്റളേഷൻ കാണുന്നവർ

ലൈഫ് ഈസ് എ റിവർ എന്ന കോട്ടൺ തുണി കൊണ്ടുള്ള ഇൻസ്റ്റളേഷനാണ് മൊയ്തു ഹെരിറ്റേജ് പ്ലാസയിൽ അവതരിപ്പിച്ചിരുന്നത്. മൊയ്തൂസ് ഹെറിറ്റേജിന്റെ തട്ടിൻപുറത്തേക്ക് ഗോവണി വഴി കയറിച്ചെന്നു വേണം ഇൻസ്റ്റലേഷൻ കാണാൻ.നീലയും ഓറഞ്ചും വെളുപ്പും നിറങ്ങളുള്ള പരുത്തിത്തുണികൾക്കുള്ളിൽ സുഗന്ധവ്യഞ്ജനങ്ങൾ പൊടിച്ചു നിറച്ചാണ് ഇൻസ്റ്റലേഷൻ തയ്യാറാക്കിയിരിക്കുന്നത്. ഈ പ്രതിഷ്ടാപനത്തിൽ ഉപയോഗിച്ചിരിക്കുന്ന തുണിയെ ചർമ്മമായിട്ടാണ് സങ്കൽപിച്ചിരിക്കുന്നത്. നീലനിറം ഭാരതീയ പുരാണത്തിലെ ശിവനിൽ നിന്നും കൃഷ്ണനിൽ നിന്നുമാണ് നെറ്റോ സ്വീകരിച്ചിരിക്കുന്നത്. ഇന്ത്യയുടെ ആത്മാവും ഊർജ്ജവുമാണ് അതിനു പുറമേയുള്ള ഓറഞ്ച് നിറത്തിലുള്ള തുണി സൂചിപ്പിക്കുന്നത്.[2]

പുരസ്കാരങ്ങൾ[തിരുത്തുക]

  • ഷെവലിയർ ദെ ല ഓർഡർ ദസ് ആർട്സ് ദസ് ലെറ്റേഴ്സ് (chevalier de L'Ordre des Arts et des Lettres)

അവലംബം[തിരുത്തുക]

  1. "സ്പർശിച്ചറിയാവുന്ന കലയുമായി ഏണസ്‌റ്റോ നെറ്റോ". മനോരമഓൺലൈൻ. 2012 ഡിസം 3. ശേഖരിച്ചത് 16 മാർച്ച് 2013.  തീയതിയ്ക്ക് നൽകിയ വില പരിശോധിക്കുക: |date= (സഹായം)
  2. http://kochimuzirisbiennale.org/interview-with-ernesto-neto/

പുറം കണ്ണികൾ[തിരുത്തുക]

"http://ml.wikipedia.org/w/index.php?title=ഏണസ്റ്റോ_നെറ്റോ&oldid=1712722" എന്ന താളിൽനിന്നു ശേഖരിച്ചത്