എം.പി. അബ്ദുസമദ് സമദാനി

വിക്കിപീഡിയ, ഒരു സ്വതന്ത്ര വിജ്ഞാനകോശം.
എം.പി. അബ്ദുസമദ് സമദാനി

പദവിയിൽ
1994 to 2006

കേരള നിയമസഭാംഗം

ജനനം 1959 ജനുവരി 1(1959-01-01)
കോട്ടക്കൽ, ഇന്ത്യ
രാഷ്ടീയകക്ഷി ഐ യു എം എൽ
ഭവനം കോട്ടക്കൽ, മലപ്പുറം
മതം ഇസ്ലാം
വെബ്‌സൈറ്റ് www.samadani.in

വാഗ്മിയും മുസ്ലിം ലീഗിന്റെ മുൻ രാജ്യസഭാംഗവും നിലവിൽ കേരള നിയമസഭാംഗവുമാണ് എം.പി. അബ്ദുസ്സമദ് സമദാനി.

ജീവിതരേഖ[തിരുത്തുക]

1959 ജനുവരി 1 ന് എം.പി അബ്ദുൽ ഹമീദ് മൗലവിയുടേയും ഒറ്റകത്ത് സൈനബയുടേയും മകനായി കോട്ടക്കലിലെ കുറ്റിപ്പുറത്ത് ജനിച്ചു. കോഴിക്കോട് ഫാറുഖ് കോളേജിൽ നിന്ന് എം.എ നേടി.സിമിയിലൂടെ വിദ്യാർത്ഥി പ്രസ്ഥാനരംഗത്തേക്ക് വന്ന സമദാനി സിമിയുടെ കോഴിക്കോട് ജില്ലാ പ്രസിഡന്റും സംസ്ഥാന ശൂറാ അംഗവുമായിട്ടുണ്ട്. 1981-82 ൽ ഫാറുഖ് കോളേജിലെ യൂനിയൻ ചെയർമാനിയിരുന്നു. സിമിയിൽ നിന്ന് വേർപിരിഞ്ഞ് പിന്നീട് മുസ്ലിംലീഗിന്റെ വിദ്യാർത്ഥി സംഘടനയായ എം.എസ്.എഫിൽ സജീവമായി. എം.എസ്.എഫിന്റെ സംസ്ഥാന സമിതി അംഗം, മുസ്ലിം യൂത്ത് ലീഗ് മലപ്പുറം ജില്ലാ ട്രഷറർ എന്നീ സ്ഥാനങ്ങൾ വഹിച്ചു. ഫാറുഖ് കോളേജ്,വളാഞ്ചേരിയിലെ മർകസുത്തർബിയത്തിൽ ഇസ്ലാമിയ്യ എന്നിവിടങ്ങളിൽ കുറച്ച് നാൾ അദ്ധ്യാപകനായി ജോലി ചെയ്തു. ഇമ്മാനുവൽ കാന്റിന്റെയും മുഹമ്മദ് ഇഖ്ബാലിന്റെയും ദർശനങ്ങളെ കുറിച്ചുള്ള താരതമ്യപഠനത്തിന്‌ കാലിക്കറ്റ് സർവ്വകലാശാലയിൽ നിന്ന് എം.ഫിൽ കരസ്ഥമാക്കി. 1994 മെയിൽ ഗുരുവായൂർ ഉപതെരഞ്ഞെടുപ്പിൽ പി.ടി. കുഞ്ഞഹമ്മദുമായി മത്സരിച്ചു പരാജയപെട്ടു. പിന്നീട് മുസ്ലിം ലീഗിന്റെ പ്രതിനിധിയായി രാജ്യസഭയിലേക്ക് തിരഞ്ഞെടുക്കപ്പെട്ടു. ഇപ്പോൾ മുസ്ലിം ലീഗിന്റെ അഖിലേന്ത്യാ സെക്രട്ടറിയാണ്‌. 2011 ഏപ്രിൽ 13 ന് നടന്ന നിയമസഭാ തിരഞ്ഞെടുപ്പിൽ മലപ്പുറം ജില്ലയിലെ കോട്ടക്കൽ നിയോജക മണ്ഡലത്തിൽ നിന്ന് നിയമസഭാംഗമായി തിരഞ്ഞെടുക്കപ്പെട്ടു.

വാഗ്മി[തിരുത്തുക]

വാഗ്മി എന്ന നിലയിലാണ്‌ സമദാനി കൂടുതലും അറിയപ്പെടുന്നത്. അദ്ദേഹത്തിന്റെ നിരവധി പ്രഭാഷണ കാസറ്റുകൾ ഇറങ്ങിയിട്ടുണ്ട്. "മദീനയിലേക്കുള്ള പാത" എന്ന തലക്കെട്ടിൽ കോഴിക്കോട് കടപ്പുറത്തും മറ്റും നടത്തിയിട്ടുള്ള പ്രഭാഷണങ്ങൾ നിരവധി ആളുകളെ ആകർഷിച്ചു. ഉർദു ഭാഷയുടെ പ്രചരണത്തിനായി പ്രവർത്തിക്കുന്ന സമദാനി കവി ഇഖ്ബാലിന്റെ ദർശങ്ങളുടെ വ്യാപനത്തിനായും പരിശ്രമിക്കുന്നു. അതിനായി കേരള ഇഖ്ബാൽ അക്കാദമി സ്ഥാപിച്ചു.

കുടുംബം[തിരുത്തുക]

നജീബ,ഹാജറ എന്നിവർ ഭാര്യമാർ.മൂന്ന് മക്കൾ

സമദാനി[തിരുത്തുക]

സമദ് എന്ന അറബി പദത്തിന്റെ അർഥം അത്താണി എന്നാണ്. കോട്ടക്കലിനടുത്ത് രണ്ടത്താണിയാണ് സമദാനിയുടെ വേരുകൾ എന്നതിനാൽ രണ്ടത്താണി എന്ന് അർഥം വരുന്ന സമദാനി എന്ന പേര് ശരിക്കുള്ളപേരായ അബ്ദുസ്സമദ് എന്നതിനോട് അദ്ദേഹം ചേർക്കുകയായിരുന്നു.[അവലംബം ആവശ്യമാണ്]

അവലംബം[തിരുത്തുക]

  • ഇസ്ലാമിക വിജ്ഞാനകോശം രണ്ടാം വാള്യം-ഇസ്ലാമിക് പബ്ലിഷിംഗ് ഹൗസ് കോഴിക്കോട്.

പുറം കണ്ണി[തിരുത്തുക]


"http://ml.wikipedia.org/w/index.php?title=എം.പി._അബ്ദുസമദ്_സമദാനി&oldid=2016820" എന്ന താളിൽനിന്നു ശേഖരിച്ചത്