ഈമാൻ കാര്യങ്ങൾ
ഇസ്ലാം മതവിശ്വാസികൾ പിന്തുടരണമെന്നു ഖുർആൻ നിർദ്ദേശിക്കുന്ന ആറ് നിർബന്ധ വിശ്വാസങ്ങളെയാണ് ഈമാൻ കാര്യങ്ങൾ (അറബി: إيمان) എന്ന് പറയുന്നത്.ഈമാൻ എന്നാൽ വിശ്വാസം എന്നാണർത്ഥം.
ഉള്ളടക്കം |
[തിരുത്തുക] ഈമാനിന്റെ പ്രധാന ഘടകങ്ങൾ
ഈമാനിനു എഴുപതിൽ പരം ശാഖകളുണ്ട്. അതിൽ ഏറ്റവും ഉന്നതമായത് 'ലാ ഇലാഹ ഇല്ലല്ലാഹ്' (അല്ലാഹു അല്ലാതെ ആരാധനക്കർഹൻ ഇല്ല) എന്ന വചനവും ഏറ്റവും താഴ്ന്ന പദവിയിലുള്ളത് വഴിയിൽ നിന്ന് ഉപദ്രവങ്ങൾ നീക്കുന്നതുമാണെന്ന് പ്രവാചകൻ പറഞ്ഞിട്ടുണ്ട്.
ഈമാനിന്റെ പ്രധാന ഘടകങ്ങൾ ആറാകുന്നു.
- അല്ലാഹുവിൽ വിശ്വസിക്കുക
- മലക്കുകളിൽ വിശ്വസിക്കുക
- വേദഗ്രന്ഥങ്ങളിൽ വിശ്വസിക്കുക
- പ്രവാചകരിൽ വിശ്വസിക്കുക
- അന്ത്യനാളിൽ വിശ്വസിക്കുക
- ഗുണവും ദോഷവും അല്ലാഹുവിൻറെ നിശ്ചയപ്രകാരമാണെന്ന് വിശ്വസിക്കുക.(നൻമയും തിൻമയുമായ എല്ലാകാര്യങ്ങളും ദൈവത്തിൽ നിന്നാണെന്ന് വിശ്വസിക്കുക.)
[തിരുത്തുക] ഖുർആനിൽ
വിശ്വാസ കാര്യങ്ങളെപ്പറ്റി ഖുർആനിൽ ഇങ്ങനെ കാണാം :" അദ്രുശ്യ കാര്യങ്ങളിൽ വിശ്വസിക്കുകയും, പ്രാർതഹന അധവാ നമസ്കാരം മുറപ്രകാരം നിർവഹിക്കുകയും, നാം നൽകിയ സമ്പത്തിൽ നിന്ന് ചിലവഴിക്കുകയും, നിനക്കും നിന്റെ മുൻ ഗാമികൾക്കും നൽകപ്പെട്ട സന്ദേശത്തിൽ വിശ്വസിക്കുകയും, പരലോകത്തിൽ ദ്രുഢമായി വിശ്വസിക്കുകയും ചെയ്യുന്നവരത്രേ അവർ(സൂക്ഷമത പാലിക്കുന്നവർ)" സൂറ:2:3,4
| “ | നിങ്ങളുടെ മുഖങ്ങൾ കിഴക്കോട്ടോ പടിഞ്ഞാറോട്ടോ തിരിക്കുക എന്നതല്ല പുണ്യം എന്നാൽ അല്ലാഹുവിലും, അന്ത്യദിനത്തിലും, മലക്കുകളിലും, വേദഗ്രന്ഥങ്ങളിലും, പ്രവാചകൻമാരിലും വിശ്വസിക്കുകയും ...... അവരാകുന്നു പുണ്യവാൻമാർ. | ” |
